1 Timoti 1:15 - Basef Buꞌwami Godi

¹⁵ Anom basef endilisimi atoma epes hiesi some'ama sombale'efam. Basef amama na'ama. Krais Jisas nisila'i etap anae' ma nefa'ape epes manda' waf aonai nokwahomapana motanimani mape andeande'. Ae' ma'uwi ali' anda' waf aonai ikila' enis epes ea' ma'uwi ae' atowe.

1 Timoti 1:15 Iomraidhean Croise

Matyu Nandaꞌafi 1:21

Nambimb kola awani aman, awani inima anan nigiambama amam nematawa hiesi ma neakwaha waf aonai asasinai nofa'as sotanimani. Na'ama dei' ine' nenda'managel Jisas. Basef ofagema ma agel anama na'i, anan aman nofa' epes ananisi ma seape andeande'.”

Matyu Nandaꞌafi 18:10

Ipe' pindumafuma! Na'ama pi'i enin epen atitin sa'wini pi'i inima enin falafini, owa'. Dei' main, amam ensel asasimi mape heveni mumafi awasi isima andeande'. Ensel amama la'ela'ef mape felefele'ma Ahalome God nape heveni. [

Matyu Nandaꞌafi 18:11

Ae' ataga epen endiliswei, ae' afi'i ma eagolopa epes higilalasi efa'as setanimani.]

Matyu Nandaꞌafi 20:28

Ae' ataga epen endilisiwei, ae' wapoti' na'ama etin. Ina afi'i ma esis sonda'me maola siegiambame, owa'. Ae' afi'i enda' maola igiambama ipe' hipei. Afi'i ma sehe ega' etala ipe' peloma epes hiesi etagahipama waf aonai ipe' panda'anai.”

Matyu Nandaꞌafi 9:13

Anom basef mape buk Baibeli ma'i na'ama ma'i, God na'i, ‘Ae' andaiwa'ma ipe' peha mafis pese' ae', owa'. Ipe' piti enis amam nematawa uwahipis pigiambamas, andeande'.’ Ea' ipe' ina pegawa basef amama ofagema, owa'. Dei' pefe' pitalifam pegawam. Dei' main, ae' ina afi'i ma efala epes sanda' waf bu'unai, owa'. Ae' afi'i ma efala epes isima sanda' waf aonai etis.”

Mak Nandaꞌafi 2:17

Ea' Jisas name'am na'ama na'ipam na'i, “Epes bu'wasi ina safe'ma dokta, owa'. Isima awes nanda'asi etis safe'ma dokta. Ae' ina afi'i ma efala epes isima bu'wasi, owa'. Ae' afi'i ma efala isima sanda' waf aonai.”

Luk Nandaꞌafi 15:2

Ea' amam Farisi maloma amam mawalipasa mi'uli Godi manda' megah mahama anan ma'i, “Aman anama naloma epes isima sanda' waf aonai nofalas alupisi nalomas na gwa'aimi.”

Luk Nandaꞌafi 19:10

Ae' ataga epen endilisiwei, ae' afi'i ma egolopa epes higilalasi efa'as setanimani.”

Luk Nandaꞌafi 5:32

Ae' ina afi'i ma efala epes sape andeande'i somboma opalef, owa'. Ae' afi'i ma efala epes sanda' waf aonai etis somboma opalef sokwaha waf aonai sefe'ma God.”

Jon Nandaꞌafi 1:12

Ea' esis emi egafis amam nematawa seambale'efanai, nese'asa esis agofa setaga awasi Godi.

Jon Nandaꞌafi 1:29

Wafilu Jon nati Jisas nafi'mai anan na'ipas na'ama na'i, “Ipe' piti aman anama anan si'i mafin sipsip nogalomana Godi. Anan nambimb nokwaha waf aonai esis amam nematawa hiesi sape etapi sanda'anai.

Jon Nandaꞌafi 12:47

Emi egafis seme' basef ae'ami ma owa' seambale'efam sielam, ae' ina anona nemaf ewaloga esis, owa'. Dei' main? Ae' ina afi'i etap anae' ma eawaloga epes etapasi, owa'. Ae' afi'i ma efa'as sotanimani.

Jon Nandaꞌafi 3:36

Emi egafis sembale'efa Nogalomana ananinai, epes isima dei' sefa' ambal namunai ma sope andeande' la'ela'ef hihif. Ea' emi egafis sewa' alafugama Nogalomana ananinai, epesisima ina nambimb sefa' ambal namunai sepe andeande' la'ela'ef, owa'etin. Dei' main, okom wandafunai Godi napomas la'ela'ef.

Aposel 11:1

Ea' amam aposel maloma esis sahin owan sombale'efanai sape anama Judia hiagomai same' basef amama ma enis amam nematawa owa' Judaisi wapoti' sefa' basef Godi sembale'efana.

Aposel 11:18

Esis same' basef amama Pita na'ipasami ea' ukup mase'asa basef amama asasimi safela agel Godi sa'i, “Dei' ape' mogawa God namboma opalef esis amam nematawa owa' Judaisi ma esis wapoti' safe'ma anan sope ambagof namumi.”

Aposel 3:26

Ea' God nandandepa aman anama nanda' maol ananinai, nasapa'ana nali' nafi'mai ipe' ma nonda'epa petaga la'ifipa ma pemboma opalef atona etin pekwaha waf aonai ipe' panda'anai.”

Basef Amama Pol Nandaꞌam Mafeꞌma Esis Romi 11:14

Maol anama ae' okom na'iana endilisi ma efela esis Juda wambota ae'asi ma kowalasa ipe' dei' pape andeande' paloma God. Ama ae' efa' esis Juda tu'wanis etis sotanimani sifi'mai God.

Basef Amama Pol Nandaꞌam Mafeꞌma Esis Romi 5:6

Amama na'ama. Fowa' ape' ina la'ifipa ma monda' waf bu'unai, nogota anama God nandandepana Krais naga'ma ape' mowa' alafugaha Godi.

1 Korin 15:9

Dei' main, ae' si'i so'uso'win falafuwei la'afena amam aposel. Ae' ina dei' bo'awe ma epes sofale si'i ae' aposel, owa'. Dei' main, anda' maol ahambombaga amam nematawa Godi.

Efesus 3:8

Endilisi ae' ape falafuwei agi' endilisi ma amam nematawa hiesi Godi. Ea' Anan okom nainaili nagiambame na'a ma anda' maol awalipa esis sololama Godi basef bu'wami ma Krais. Waf anama naloma basef amama bo'om endilisi mikila' gawa epes hiesi, ea' ina la'ifisa sagawa ofagema amama, owa'.

1 Timoti 1:13

Endilisi, fowa' la'ela'ef ae' anda' basef findiwami ma agel Ananinai, apa' aloma esis Kristen, anda' waf aonai ma Anan. Ea' ae' ina egawa andeande', owa' embale'efanai, ea' dei' anda' waf anama aonai ma anan la'ela'ef ape. Amama atom dei' nati uwahipiwi nagiambame.

1 Timoti 1:19

Wandaf anama ine' la'ifina nembale'efa God nenda' waf bu'unai andeande', ma basef mape opaf ine' nomoni ina ma'ipina anona waf aonai ine' nanda'anai, owa'. Enis epes soso' alafugaha waf anama bu'unai. Ea' dei' bale'ef asasinai aona si'i sip papalalana nail otamba aona nala naoh.

1 Timoti 3:1

Basef amama endilisimi. I'i emi aman ni'i nope dembinai numafi esis Kristen sios, anan okom na'i maol bu'unai endilisi.

1 Timoti 4:9

Basef amae' endilisimi atoma epes hiesi si'i aho'ma seme'am sombale'efam amama na'ama.

1 Timoti 6:13

God nase'am ambal namunai hiahaom hiami maloma epes. Afagel nali'i Jisas Krais nawalapa basef ofagema endilisimi andeande'ma naep Pontius Pailat gavman dembinai. Naep Godi naloma Jisas Krais dei' a'ipina basef la'ifimi na'ama. Nila basef bu'wami Godi nimafi esis amam nematawa Godi andeande'. Ine' nenda'am na'ama. Ine' nimafi okom ine'inai andeande' nila basef amama Godi andeande' waf aonai owa' nopeina, ea' epes ina sonda' findiwa ma basef amama. Nimafiam nepe na'ama etin nefe' netaga ma nemaf anama Dembinai ape'inai Jisas Krais notaga alihina.

2 Timoti 2:11

Basef amama endilisimi ape' mombale'efam la'ifipa. Basef amama. I'i endilisi ape' moga' molomana, anona nemaf mohafel mope namepa molomana wapoti'.

Taitus 3:8

Basef amama endilisimi ma ape' hiapai mombale'efam. Ae' a'i newalapa basef amama ni'iam mehipa epes isima sombale'efa God ea'i ukup mopoma situ la'ifisa waf bu'unai. Basef amama ma Jisas Krais naloma God, amama bu'wami ma migiambama epes.

Hibrui 7:25

Amama atom dei' Anan la'ifinai ma nefa' esis amam nematawa sotanimani sofe' felefele'ma Goda agel Ananinai ea' sope andeande' la'ela'ef. Dei' main, Anan nape ambal napaina la'ela'ef nanda' betena God nigiambamas.

1 Jon 3:5

Ipe' pegawa Krais nataga ma nakwaha waf aonai ape' manda'anai hi'alana. Anan ina nanda' anona waf aonai, owa'.

1 Jon 3:8

Satan nanda' waf aonai fowa' damba damba nafi'i nafi'i dei' ata' nape la'ela'ef. Emi egafis sanda' waf aonai la'ela'ef sapomanai, esis epes Satani. Nogalomana Godi nafi'i nataga nandawalapa main? Ma nohambombaga opeh Satan nanda'ami.

1 Jon 5:11

Ea' basef amama endilisimi ma'i na'ama. God nase'apa ambal namunai ma mape andeande' la'ela'ef. Ambal namunai anama Anan nase'apana Nogalomana Ananinai atona.

Revelesen 21:5

Ea' aman anama nape balata lu'unai kingi na'i, “Peme'! Dei' Ae' anda' amamaga hiami mataga dambaim hi'alam!” Ea' na'ipi wapoti' na'i, “Ine' da'a basef amama. Dei' main, basef amama endilisimi atom ma sembale'efam endilisi.”

Revelesen 22:6

Ea' ensel anama na'ipi na'ama na'i, “Basef amama hiami mape buk anae' endilisimi atom andeande'ma epes hiesi sombale'efam. Dembinai God naso' Ambal Bu'unai Ananinai amam profet. God Anan nasapa'ai ensel Ananimi ma mihi'amba esis sanda' maola Anani ma amamaga amama felefele' meatagai.”

Revelesen 5:9

Ea' manda' anona awaf dambainai na'ama ma'i, “Ine' bu'winai endilisi ma nefa'ai buk anama nahape' mandof tep anama hianai mowa'anai. Dei' main, esis sahena naga', esimbel ine'imi matala epes isima wapoti' sotanimani nase'anas God. Ine' natala esis amam nematawa hiesi hi'alasa epes hiesi wambotagw hiami mamumami, diga naninani hianai, alop naninani hianai ma epes sape etap hiagoma wambel hiagoma ma sotanimani.