1 Timoti 1:14 - Basef Buꞌwami Godi

¹⁴ Dembinai ape'inai nagiambame na'a nanda'e ataga la'ifiwi dei' embale'efana okom nainailana.

1 Timoti 1:14 Iomraidhean Croise

Matyu Nandaꞌafi 20:9

Ea' amam amama mataga manda' maol wambomota 5 kloki, mataga mofa' wan kina atona etin.

Aposel 15:11

Ape' mogawa eaf anama Dembinai Jisas nagiambamapa etin, dei' God nofa'apa matanimani ea' ananipai, ape' maloma esis wapoti'.”

Basef Amama Pol Nandaꞌam Mafeꞌma Esis Romi 16:20

God anan ofagonama opaf awanena, nogota bandana ma nofa'asa Satan nofe' owina bo'wagah ipe'imi. Ae' ahali' God anda' betena Dembinai ape'inai Jisas Krais nigiambamepa na'a nope la'ela'ef nolomepa.

1 Korin 15:10

Ea' God atona okom nainaili nigiabame na'a nanda'e ape andeande'. Ea' dei' ae' ape. Anan nigiambame na'a, ae' anda' maol ape. Nanda'e la'ifiwi anda' maol Ananinai ikila' anom aposel. Ea' ina ae' atowe anda' maol, owa'. God nagiambame na'a, amama atom dei' ape anda' maol anama la'ela'ef.

1 Korin 3:10

God nandahome. Ea' Anan nanda' ae' ataga ape si'i epen gawainai nanda' ifagwi. Ea' awa olaf nape nali'i ea' enis sala' ipat natomana. Ea' epes hiesi atona etin sundumafuma andeande' sola' ipat notoma olaf anama.

2 Korin 13:14

Ae' a'i Dembinai Jisas Krais niti uwahipipa nigiambamepago na'a ma okom Godi bu'unai nainailipa. Ea' a'i Ambal Bu'unai Ananinai nope noloma ipe' hipei ma pelomana opalef etifim pepe.

2 Korin 4:15

Amamaga amama nimanimi hiami matagamafa ma wigiambamapa. Afa' wafe' wa'ipasa basef God nigiambamas na'a mefe' motaga la'ela'ef mefe'agon hi'ilagon. Ea' esis sonda' beten sinifela God sefela agel ananinai lu'una.

2 Korin 8:9

Endilisi, ipe' pegawa eaf dembinai Jisas Krais nagiambamapa na'a. Eaf anama na'ama. Fowa' anan amamaga hiamunai, ea' dei' nataga wafinai endilisi. Nagiambamepa na'a nataga nape kwahunai, amama atom dei' ipe' pefa' waf bu'unai naloma amamaga hiami bu'wami.

Galesia 1:13

Waf fowa' anda'anai, esis sa'ipipana pegawana ea'. Fowa' anda' lotu ma God aila waf esis Juda sanda'anai. Ae' la'ifiwi ahambombaga esis Kristen epes Godi la'ifiwi. Ae' ina atilis uwahipis, owa'. Anda' maol la'ifiwi ma ahas hi'ilas.

1 Tesalonaika 1:3

Afa' la'el'ef wa'ipa God ahalomapa ape'inai ma ipe' wanda' betena ipe'. Ipe' pembale'efa God panda' waf bu'unai. Fowa' ipe' paso' opalefa God naloma enis epes wapoti'. Ea' dei' panda' maol lu'unai Godi. Ipe' ukup mape la'ifipa pehafa Dembinai Jisas Krais nifi'i. Ea' afa' wanda' beten nimeguf hiami ma ipe'.

1 Tesalonaika 5:8

Ape' mape si'i epes sape alipi, ukup mapaepa mumafi alop andeande'. Ape' mofa' waf anama mombale'efana la'ifipa ma moso' opalef enis, si'i sanda' wandafi sofa' walitah sanda' wandafa mahagasa wambawa. Ape' mogawa basef amama anona nemaf God nofa'apa motanimani. Ukup mopoma basef amama si'i mowalo' anona hat la'ifinai nili'akwa balagah.

1 Timoti 2:15

Waf nematawa onda'anai anama. Awo ombale'efa God endilisi ea' ukup mimila enis epes wigiambamas, ea' ope bo'owa andeande' umafi awau andeande' waf aonai a'awa. I'i ombale'efa waf anama wilana la'ela'ef, God nambimb nokwahomawa waf aonai awau wanda'anai nofa'awa utanimani ope andeande'. Maina nogota ola awasi, nigiambamawa olas andeande'.

1 Timoti 4:12

Esis sati ine' ukup ma'i, ine' ata' awomina, ea' ina ni'i aho'ma si'i ine' aman falafinai, owa'. Ine' nepe si'i ikwaf bu'unai ma esis Kristen sila waf bu'unai ine' nanda'anai ma fe' pe ki bale'ef ine'inai, noloma waf anama okom na'ina'ianai noloma waf bu'unai.

1 Timoti 6:11

Ea' ine' aman Godi newa' alafugama amamaga amama ea' nefe' nila waf anama bu'unai. Nenda' maola nefa' waf bu'unai endilisinai Godi, nembale'efa Jisasa okom ninila epes hiesi. Nenda'am na'ama ma nitu la'ifina ma waf aonai enis sonda'menanai. Ine' nenda' waf so'uso'umbela enis epes.

2 Timoti 1:13

Basef amama bu'wami ine' name'ama malogel ae'anai, basef amama si'i anona ikwaf bu'unai ma nihi'ambena waf bu'unai newalipasa epes. Ine' nembale'efa Jisas Krais endilisi ea' okom ninilana nenda' waf na'ama nembale'ef la'ifina ma basef amama.

2 Timoti 2:22

La'ela'ef ine' nendafa'ma ukup amama awasimi mataga ma amam amama awomimi. Nenda' maol bu'unai la'ifina nembale'efa God nila waf bu'unai neloma okom nainaila enis epesanai. Ea' nila waf opaf awaninai, neloma epes isima opalef mape bo'om andeande' sofala Dembinai.

Taitus 2:2

Amam hagami owa' mea' embel mohaga mogaol. Amam ukup mope andeande'ma waf bu'unai ea' nomonas mopaim mumafi alop andeande'. Amam mope andeande'ma bale'ef amamunai nope bo'ona atona ma waf anama ukup mila God ea' mila epes wapoti'. Ea' mitu la'ifima nimanimi hiami.

1 Pita 1:3

Ape' mefela agel Godi, Anan God Ahalomana Jisas Krais Dembinai ape'inai. Anan okom lu'unai nainailapa nati uwahipipa endilisi. Ea' nafela Jisas Krais nohafel hi'agif, amama atom God nanda'apa mataga dambaipa ma mope namepa mogawa endilisi anona nemaf Anan nofa'apa motanimani.

1 Jon 4:10

Basef ofagema ma God okom nainaila ape' amama. Ape' ina mali' ukup maimailana, owa'. Anan nali' okom nainailapa ea' nasapa' Nogalomana Ananinai nafi'i ma nanda' okom wandafunai Godi naga' nakwaha waf aonai ape' manda'anai.

Revelesen 22:21

Ae' a'i Dembinai Jisas nigiambamepa na'a nope nolomepa, ipe' God Ananipei. Endilisi.