1 Timoti 1:12 - Basef Buꞌwami Godi

¹² Dembinai ape'inai Krais Jisas nase'e pepel, okom napoma ae' bu'uwai anda' maol ananinai nanda'e anda' maol anama, ea' anifelona.

1 Timoti 1:12 Iomraidhean Croise

Matyu Nandaꞌafi 20:4

Ea' na'ipam na'i, ‘Ipe' wapoti' fo'o penda' maol aof ae'anai ma ease'epa otamba mondendaepa mondahama waf bu'unai.’

Jon Nandaꞌafi 5:23

God nanda'am na'ama ma dei' esis amam nematawa hiesi safela agel ae' Nogalomanai ananiwei lu'una na'ama etin si'i safela agel Ahalomei lu'una. Emi egafis owa' seafela agel ae' Nogalomanai lu'una, amama ina safela agel Ahalomei God nasapa'e afi'i lu'una, owa'.

Aposel 16:15

Ea' kofa' baptais kwaloma esis sape ipat atona wapoti'. Akwa'w kofa' baptais, kwa'ipafa basef kwa'i, “I'i ipe' ukup mi'i ae' embale'efa Dembinai endilisi, ipe' fi'i pepe peloma ae' ipat ae'anai.” Ea' akwa'w la'ifikw kwao'wafa wafe' waila basef akwa'umi.

Aposel 9:15

Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Aposel 9:22

Ea' pepel Soli nataga la'ifina nihi'amabas ma basef nawalipasami. Ea' esis Juda sape Damaskusi same' basefa anan. Esis ina la'ifisa sogwa anom basef si'ipanam, owa'. Anan la'ifina nihi'ambas endilisi na'i, “Jisas anan Krais, God nandandepana nasapa'ana nafi'i.”

1 Korin 15:10

Ea' God atona okom nainaili nigiabame na'a nanda'e ape andeande'. Ea' dei' ae' ape. Anan nigiambame na'a, ae' anda' maol ape. Nanda'e la'ifiwi anda' maol Ananinai ikila' anom aposel. Ea' ina ae' atowe anda' maol, owa'. God nagiambame na'a, amama atom dei' ape anda' maol anama la'ela'ef.

1 Korin 3:5

Ipe' ata' ukup motamea andeande'. Apolos emi egafuna? Ae' Pol emi egafowe? Afa' biafa wanda' maoli atofa. Dembinai nase'afa maol nandandafa. Ea' maol anama afa' biafa wanda'anai, eaf anama atona dei' ipe' pembale'efa Krais. Ape' hiapai manda' maol anama God nasi'ipami.

1 Korin 7:25

Amam nematawa isima ata' owa' seandaso'amai, ae' mi'uli Dembinai owa'ma ie'ipas ea' awalapa nomonas ae'ami atom a'ipipa. Anan nati uwahipiwi nagiambame ea' nanda'e anda' maol Ananinai andeande'. Ea' ipe' peme' basef ae'ami andeande'.

2 Korin 4:1

God na'i afa' uwahipifa dei' nase'afa maol anama. Ea' dei' afa' ina otanima ma maol anama, owa'.

Galesia 3:26

Ipe' pembale'efa Krais Jisas. Amama atom dei' ipe' hipei pataga awasi Godi, pape la'ifipa paloma Krais Jisas.

Galesia 3:28

Dei' ina enis epes sape dambesi ma enis epesa naep Godi, owa'. Esis Juda ina sape dambesa isima owa' Judaisi, emi egafis agof a'asi ina sape owina epes agufisi, amam ina mape dambema awau nematawa, owa'. Ipe' hipei pape la'ifipa paloma Jisas Krais pataga etifipa.

Filipai 2:11

mowalapa basef mi'iam na'ama mi'i, “Jisas Krais Anan Dembinai.” Monda'am na'ama mefela agel Ahalomana Godi nolata ilif endilisi.

Filipai 4:13

Krais nanda'e la'ifiwi nase'e pepel. Amama atom dei' la'ifiwi ma anda' amamaga hiami hi'alam.

Kolosi 1:25

Ae' ataga aman anda' maol agiambama sios amam nematawa Godi na'ama. God nandandepe dei' ataga aman anda' maol a'ipipa basef hiami ananimi hi'alam.

1 Timoti 1:1

Ae' Pol anda' basef amama. God nofa' ape' motanimani mope andeande' ea' mape mohafa anona nemaf miti Krais Jisas mope molomana. Amam biam mandandepe ma'ipi basef la'ifimi ma ape aposel Krais Jisasi.

1 Timoti 1:11

Basef amama mape basef bu'wami God nase'eam ae' ma ewalapam. Basef amama bu'wami ma'ipafa God bu'unai endilisi ofagonama danifel naloma mafifili.

1 Timoti 1:2

Ae' anda'menago basef amama ine' Timoti, ine' nembale'efa God dei' nataga nogalome ae'inai endilisi. Ae' a'i God noloma Krais Jisas dembinai afa'inai miti uwahipina migiambamena na'a monda'ena netaga la'ifina ma bale'ef, opaf ine'inai nope awanena.

1 Timoti 6:13

God nase'am ambal namunai hiahaom hiami maloma epes. Afagel nali'i Jisas Krais nawalapa basef ofagema endilisimi andeande'ma naep Pontius Pailat gavman dembinai. Naep Godi naloma Jisas Krais dei' a'ipina basef la'ifimi na'ama. Nila basef bu'wami Godi nimafi esis amam nematawa Godi andeande'. Ine' nenda'am na'ama. Ine' nimafi okom ine'inai andeande' nila basef amama Godi andeande' waf aonai owa' nopeina, ea' epes ina sonda' findiwa ma basef amama. Nimafiam nepe na'ama etin nefe' netaga ma nemaf anama Dembinai ape'inai Jisas Krais notaga alihina.

2 Timoti 2:2

Basef hiami ine' name' fowa' awalapama naep epes hiesi, amama newalapama anom amam bu'wami mogawa basef andeande'i ma mi'ipa enis epes andeande'.

2 Timoti 4:17

Ea' Dembinai numafi ae' ape nase'e pepel. Amama atom dei' awalapa basef bu'wami a'iam la'ifiwi endilisi ea' epes isima hiesi owa' Judaisi sogawa basef Godi, dei' same'am hi'alas. Ea' God nagiambame ma malogel mafin anama lu'unai laion.

Taitus 1:4

Ae' anda' basef amama mafe'mago ine' Taitus. Ine' nembale'efa God na'ama etin si'i ape' hiapai mombale'efana. Amama atom dei' ine' nogalome ae'inai endilisi. Ae' a'i God ahalomapa noloma Krais Jisas anan nofa'apa motanimani, amam biam migiambamena na'a okom ine'inai nope awanena.

Filemon 1:9

Ea' ae' andaiwa' ma i'ipina, owa'. God okom nainailafa ea' afa' wapoti' ukup maimaila epes hiesi. Amama atom dei' ahali'ina. Ae' Pol, hagewe dei' ape anda' kalabus anda' opeh Krais Jisasi,