1 Timoti 1:11 - Basef Buꞌwami Godi

¹¹ Basef amama mape basef bu'wami God nase'eam ae' ma ewalapam. Basef amama bu'wami ma'ipafa God bu'unai endilisi ofagonama danifel naloma mafifili.

1 Timoti 1:11 Iomraidhean Croise

Luk Nandaꞌafi 2:14

“Ape' mafela agel God nape gani ilif endilisi lu'una. Pepel howalogon ananinai atona. Ea' epes emi sape etapi God okom bo'ona ma esis, opalef asasimi mope awanem.”

Basef Amama Pol Nandaꞌam Mafeꞌma Esis Romi 2:16

Amama anona nemaf motaga na'ama etina nemaf anama God nowaloga waf hianai epes hiesi sanda'anai. Nemaf anama Anan ni'i wila ma Jisas Krais nope dembinai nogwaloga waf hianai asasinai nandambahi'i noloma basef sa'iam sambahe'ami. Basef bu'wami Godi ae' awalapami amama atom.

1 Korin 9:17

I'i okom ae'anai atona enda' maol anama Ananinai, owagama efa' otamba ma maol anama. Owa'etin. Ae' owa' anona eaf, anda'am etin. Dei' main, anama anona maol God nase'eana ae' anda'anai.

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

2 Korin 4:6

Fowa' gani God nati owamb atona na'i, “Lala notaga.” Dei' na'ama etin nanda' nafifili ananinai nataga ma afa' nanda' opalef afa'imi mafifil endilisi. Nafifili anama nihi'ambapa gawa ma nafifili pepel Godi nape la'ela'ef. Ape' mati anama ma waf Jisas Kraisi nafifili nataga amaga ananinai.

Galesia 2:7

Ea' amam mogawa God nase'e maol anama ma awalipasa basef bu'wami esis owa' Judaisi, si'i nase'anana Pita nawalipa esis Juda.

Efesus 1:12

Ape' Juda atepa mogawa endilisi mape mohafa Krais, God nandandepapa na'ama ma monda' epes hiesi sefela agel Ananinai lu'una. Agel anama ananinai bu'unai endilisi.

Efesus 1:6

God nanda'am na'ama ma ape' mefela agel Ananinai minifelona ma waf bu'unai Anan nanda'anai nagiambamapa na'a. Waf anama nawalapa pepel nafifili Ananinai. Anan nagiambamapa na'a nase'apa nogalomana okom Ananinai nainailana endilisi, ea' mape la'ifipa malomana.

Efesus 2:7

God nanda'apa na'ama ma nogota anae' dei' nafe' nafe' notaga owagama nihi'ambas okom ananinai nainailapa nigiambamapa na'a, ma epes hiesi soloma ensel hiami sogawa okom anama ananinai lu'unai endilisi nandawalap alihina ma ape' na'ama. Anan nanda'apa mape la'ifipa maloma Krais Jisas.

Efesus 3:10

Fowa' ata' mandambaho', dei' na'i esis amam nematawa Godi sombale'efanai sihi'ambam amam dembemi agufumi maloma amamaga pepel hianai nape heveni mogawa gawa Godi. Gawa anama hianai ananinai naninani lu'una sa'ona hi'alana.

Kolosi 1:25

Ae' ataga aman anda' maol agiambama sios amam nematawa Godi na'ama. God nandandepe dei' ataga aman anda' maol a'ipipa basef hiami ananimi hi'alam.

1 Tesalonaika 2:4

God atona nagwambafa natolofa wape andeande' ea' nase'afa maol afa' ma wawalapa basef bu'wami Ananimi. Ea' amama atom dei' wawalapam. Afa' ina wanda' maola epes sinifela maol afa' wanda'anai, owa'. Wanda' maola God atona nondanifela maol Ananinai, Anan atona nawaloga afa' nogawafa.

1 Timoti 2:7

Ea' dei' God nanda'e ape aposela ewalapa basef bu'wami Ananimi. Ae' a'i endilisi, ina ambaso'am. Anan nanda'e ape dembiwei tisa ma enis epes hiesi sololama Godi ma sombale'efa basef amama endilisimi.

1 Timoti 6:15

Nemaf anama God na'ianai nosapa'ana nifi'i. God atona ofagonama danifel, anan atona Dembinai King numafi epes hiesi soloma amamaga hiami hi'alam. Anan king ma king hiami, Dembinai ma dembemi hiami.

1 Timoti 6:20

Nogalome Timoti, ine' nindumafuma nimafi basef amama God nasi'inami andeande'. Newa' alafugama basef amama baso'maimi wafimi sa'i basef gawaimi. Basef amama ma'i mohambombaga waf Godi.

2 Timoti 1:11

Anan nali' nandandepe anda' maol anama awalapa basef bu'wami Godi ma epes hiesi. Ae' aposel God nasapa'e awalapa basef Ananimi, ae' tisa dembiwei anda' maol Jisasi.

2 Timoti 1:14

Nimafi basef amama bu'wami endilisimi God nase'enam lagof ine'imi ma nimafiam. Ambal Bu'unai Godi nape nomona ape', nigiambamena numafina ma maol anama.

2 Timoti 2:2

Basef hiami ine' name' fowa' awalapama naep epes hiesi, amama newalapama anom amam bu'wami mogawa basef andeande'i ma mi'ipa enis epes andeande'.

Taitus 1:3

Anom nimeguf mafe'ma ea', nogota anama anan atona nandandepana ea', anan nafela amam amama mawalapa basef ananimi alihim. God anan nofa'apa motanimani, anan na'iam dei' nase'e opeh amama ma ewalapa basef amama.