1 Pita 1:3 - Basef Buꞌwami Godi

³ Ape' mefela agel Godi, Anan God Ahalomana Jisas Krais Dembinai ape'inai. Anan okom lu'unai nainailapa nati uwahipipa endilisi. Ea' nafela Jisas Krais nohafel hi'agif, amama atom God nanda'apa mataga dambaipa ma mope namepa mogawa endilisi anona nemaf Anan nofa'apa motanimani.

1 Pita 1:3 Iomraidhean Croise

Jon Nandaꞌafi 1:13

Esis ina sataga awasi Godi ma waf bu'unai mamasas solasi, owa'etin. Esis ina sataga awasi Godi si'i ukup mamasasi ma'i ma selas, owa'. God atona nanda'as sataga awasi ananisi.

Basef Amama Pol Nandaꞌam Mafeꞌma Esis Romi 12:12

Ipe' pepe pehafa Dembinai nigiambamepa. Ea' pendanifel etin pupe. I'i nimanimi meatagamepa, pitu la'ifipa. Ea' penda' beten nimeguf hiami la'ela'ef.

Basef Amama Pol Nandaꞌam Mafeꞌma Esis Romi 15:13

Ape' mogawa endilisi God nagiambamapa ma mope andeande'. God anan ofagonama amama. Dei' ae' a'i ipe' pembale'efana nonda' danifel lu'unai noloma opalef awanemi motaga si'ima ipe'. Ea' a'i pepel Ambal Bu'unai Ananinai nonda'epa pegawa endilisi God nigiambamepa ea' piti pepel Ananinai.

Basef Amama Pol Nandaꞌam Mafeꞌma Esis Romi 4:25

God nasapa' Jisas nafi'i naga'ma nakwaha waf aonai ape' manda'anai. Ea' nafelona hi'agifa na'i ape' epes bu'upai.

Basef Amama Pol Nandaꞌam Mafeꞌma Esis Romi 5:10

Fowa' ape' ata' mape naumbih Godi, ea' dei' nanda'apa mataga alupipai ananipai opalef etifim malomana. Anan nanda'am na'ama ma Nogalomana Ananinai naga'ma ape'. Amama atom dei' ape' mape alupipai Godi mogawa endilisi Krais nape namona ma anona nemaf nofa'apa motanimani mofe' molomana mope.

Basef Amama Pol Nandaꞌam Mafeꞌma Esis Romi 8:11

Fowa' God nafela Jisas notanima nohafel hi'agif. Ea' Ambal ananinai nagiambamepa na'ama. Ipe' epes emi egafipa Ambal Bu'unai Godi napaipa nomon, nase'epa ambal namunai alop ipe'inai wapoti'. Ipe' paga' ea', dei' anan nanda'epa pape namipa.

Basef Amama Pol Nandaꞌam Mafeꞌma Esis Romi 8:24

God nofa'apa motanimani dei' mombale'afana mape mohafana nonda'apa motaga endilisi dahama dahama ma amamaga amama bu'wami. Ea' amamaga mape mohafami matolom ea', ape' ina ata' mope mohafam wapoti', owa'. I'i enin epen niti amamaga amama nape nehafami ea', dei' maina ata' nepe nehafam wapoti'? Owa'.

1 Korin 13:13

Dei' waf wenifina nape, anama na'ama. Waf mombale'efa Kraisi naloma waf mope mohafa God, waf ukup maimailasanai. Waf anama wenifina. Ea' nali' endilisi, waf ukup maimailasanai.

1 Korin 15:20

Ina na'ama, owa'. Krais naga' dei' endilisi God nafelona nohafel wapoti'. Anan nohafel na'ama nali'ma epes saga'i si'i gwa'aimi mali' maof aofi.

2 Korin 1:3

Ape' mefela agel Godi lu'una, anan God Ahalomana Dembinai ape'inai Jisas Krais. Anan Ahalomapa ape'inai, ofagonama okom nainailapa nati ape' uwahipipa. Anan God nanda' opalef nimanimi ape' hiapai mape awanemi.

Galesia 6:16

Emi egafis saila basef amama ae' a'i opalef asasimi mope awanem, ea' ae' a'i God niti uwahipis nigiambamas soloma epes Israel hiesi Godi.

Efesus 1:17

Jisas Krais anan Dembinai ape'inai. Ae' anda' beten la'ela'ef nimeguf hiami ahali' God, Anan Dembinai Jisas Kraisi, Anan Ahalomapa ape'inai nafifili pepel napainai. Anda' beten ahali'ana ma nose'epa gawa bu'unai ukup ipe'imi pegawa basef Godi ofagema mandawalap alihima ipe'. Ama pegawa God andeande'.

Efesus 1:3

Ape' ata' minifela Ahalomapa God, ahalomana Dembinai ape'inai Jisas Krais! Ama Krais atona anan nase'apa amamaga hiami bu'wami atom mape otaga ilifi magiambamapa ukup maloma ambagof ape'imi ma fe' pe ki ape'inai mope andeande'.

Efesus 1:7

Krais atona naga' natagahepa ma waf aonai natalepa esimbel Ananimi. Ea' nakwaha waf aonai ape' manda'anai. Anan nanda'am na'ama si'i okom Godi nainailapa endilisi ma waf nagiambamapa na'a.

Efesus 2:4

Ea' God nati owahipipa endilisi ape' epes, okom lu'unai nainailapa.

Efesus 3:20

God anan la'ifinai. La'ifimi amama Ananimi dei' manda' maol opalef ape'imi nomon, amama la'ifim endilisi. La'ifimi amama atom anan la'ifinai ma nonda' amamaga hiami mikila' basef hiami manda' beten mahali'anami hi'alam maloma ukup ape' hiapai wapoti'.

Kolosi 1:23

Ea' ipe' pembale'efa basef bu'wami Godi la'ifipa la'ela'ef ma pitu la'ifipa endilisi si'i olaf nali'i nanda' ipat la'ifina. Na'ama ukup mose'epama pegawa endilisi anona nemaf pefa' amamaga amama bu'wami basef bu'wami Ananimi ma'iami. Basef amama pame'am ea' sawalipasama epes hiesi sape etap hiagoma. Basef amama ae' Pol ataga aman anda' maola awalipasami.

Kolosi 1:27

Okom Ananinai nape na'ama. Anan na'i nihi'ambapa basef amama bu'wami endilisi agel lu'unai, mandawalap magiambama esis amam nematawa hiesi. Basef amama na'ama. Krais nape opalef ipe'imi nomona dei' pape pehafa anona nemaf pefa' nafifili Ananinai pelomana.

1 Tesalonaika 1:3

Afa' la'el'ef wa'ipa God ahalomapa ape'inai ma ipe' wanda' betena ipe'. Ipe' pembale'efa God panda' waf bu'unai. Fowa' ipe' paso' opalefa God naloma enis epes wapoti'. Ea' dei' panda' maol lu'unai Godi. Ipe' ukup mape la'ifipa pehafa Dembinai Jisas Krais nifi'i. Ea' afa' wanda' beten nimeguf hiami ma ipe'.

1 Tesalonaika 4:13

Ipe' sahin owan, afa' wa'i ipe' pegawa andeande'ma amam nematawa isima saga'i. Na'ama opalef ipe'imi ukup mimilas pelomas si'i isima sololama God sanda'am. Esis owa' sogawa ma sope sohafa nemaf anama saga'i sotanima sohafel wapoti' hi'agilif.

2 Tesalonaika 2:16

Afa' wa'i Dembinai ape'inai Jisas Krais naloma God Ahalomapa ape'inai ukup amamumi maimailapa magiambamapa manda'apa mataga la'ifipa. Amam manda'apa na'ama la'ela'ef. Ea' magiambamapa mape mohafa God nonda'apa mope andeande'

1 Timoti 1:14

Dembinai ape'inai nagiambame na'a nanda'e ataga la'ifiwi dei' embale'efana okom nainailana.

Taitus 2:13

Nogota anama ape' mape mohafa danifela anama lu'unai mape mohafanai. Ape' mape mohafa pepel nafifili God Dembinai ape'inai nofa'apa motanimani, anan Jisas Krais anona nemaf notaga nondawalap.

Hibrui 3:6

Ea' Krais nape nogalomana Godi naila basef endilisi nanda' maol andeande' ma nape Dembinai numafi epes wambota Godi. I'i la'ela'ef ape' mombale'efana la'ifipa mogawa anona nemaf Krais niefi'i nofa'apa mefe' heven mope andeande', ape' mape wambota Ananinai.

Jems 1:18

Anan naila okom ananinai atona ma basef ananimi endilisimi ma ape' mataga mape mali'ma amamaga amama Anan nanda'ami.

1 Pita 1:13

Ea' dei' ipe' pendondomba ukup ipe'imi ma penda' maol bu'unai, pimafi alop noloma ukup ipe'imi pepe andeande'. Ea' pembale'efa God pepe ukup bo'om pehafa Jisas Krais anona nemaf notaga nondawalap alihinama nigiambamepa na'a nofa'epa petanimani.

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.

1 Pita 1:23

Dei' main? Ipe' ina pataga dambaipa si'i awasi sataga mamasas etapasi saga'i, owa'. Basef Godi atom Anan nanda'epa pataga dambaipa. Basef amama ambal namunai napainai nape namuna la'ela'ef, dei' ipe' pataga dambaipa ea'.

1 Pita 2:2

Ipe' pepe ukup mila basef Godi si'i awasi ata' solas dambaisi ukup maila sa' nomambeh atomi. Ipe' la'ela'ef eap nese'epama pi'i basef Godi atom bo'om andeande', owa' somboma anom amamaga awami mealomami. Basef amama manda'epa dembepa la'ifipa ma bale'ef ipe'inai bo'ona. Penda'am na'ama ma anona nemaf God nofa'epa pitanimani pepe andeande'.

1 Pita 3:15

Ipe' ukup mopoma Krais atona nope Dembinai andeande'ma opalef ipe'imi penda' lotumana. Ea' pendandombam pepe la'ela'ef ma pewalapa basef ofagema alihim pegwamasam emi egafis sohali'ipamami ma amamaga bu'wami pape pehafami.

1 Pita 3:21

Embel amama lu'wami mondola'wifa sofa' baptais migiambamepa pepe andeande'. Amama ina masa'opa alogwa alop atona ande', owa'. Amama anom basef endilisi la'ifimi ape' ma'iam maloma God, amama mataga mape opalef nomoni bo'om andeande'. Amama mofa'epa petanimani ma pepel anama atona Jisas Krais notanima nohafel.

1 Pita 3:5

Nematawa Godi fowa'iwai ombale'efana wape wa'i endilisi God anona nemaf nila basef ananimi andeande'. Sosaf awaunai na'ama, wanda' waf bu'unai opalef nomon ea' wafe' owina wauhupawa awaumi.

1 Jon 2:29

Ipe' pegawa Krais Anan bu'unai andeande' endilisi. Ea' pegawa anom basef wapoti', emi egafis saila waf bu'unai andeande', esis awasi Godi.

1 Jon 3:3

Emi egafis sape sohafa Anan nufi'i, esis sape sandondombam opalef asasimi la'ela'ef ma sope bo'wes andeande' si'i Krais nape.

1 Jon 3:9

Emi egafis sape awasi Godi, esis ina sape sanda' waf aonai la'ela'ef, owa'. Dei' main, okom Godi nape opalef asasinai ea' esis awasi Godi. Ea' esis ina la'ifisa ata' sonda' waf aonai la'ela'ef, owa'.

1 Jon 4:7

Ipe', ae' okom nainailipei, ape' ukup mimila sahin owan ape'isi. Dei' main, waf anama nafi'i God. Emi egafis ukup maimaila sahin owan, esis awasi Godi ea' dei' segawa God saila basef Ananimi.

1 Jon 5:1

Emi egafis sembale'efa Jisas anan Krais God nasapa'ana nafi'i, epes isima awasi Godi. Ea' emi egafis ukup maimaila ahalomas, esis ukup maimaila awasi ananisi wapoti'.

1 Jon 5:18

Ape' mogawa emi egafis sape awasi Godi, esis ina sape sanda' waf aonai la'ela'ef, owa'. Dei' main, Nogalomana Godi numafias andeande'ma pepel ananinai ma aman aonai ina nahambombagas, owa'.

1 Jon 5:4

Dei' main, emi egafis sape awasi Godi nanda'as sataga dambais, epes isima la'ifis sahagofa waf etapanai aonai. Ape' mombale'efa God dei' ape' mikila' wandaf mahagofa waf etapanai aonai.