1 Jon 4:4 - Basef Buꞌwami Godi

⁴ Ipe' alupipei ae'ipei, ipe' epes Godi ea' panda' wandaf paloma amam profet awami mambaso'mami pikila'am. Dei' main, Ambal Bu'unai Godi nape nomon opalef ipe'imi anan la'ifinai nikila' aman aonai nape etap anae'.

1 Jon 4:4 Iomraidhean Croise

Jon Nandaꞌafi 12:31

Dei' Ahalome God nawaloga wafa amam nematawa hiesi sape etap anae' ea' natofa dembinai aonai numafi etap anae'i.

Jon Nandaꞌafi 14:30

Ae' ina nambimb i'i basef hiami elomepa, owa'. Dei' main? Aman dembinai aonai numafi etap anae' anama dei' nafi'i. Anan ina nambimb la'ifinama nonda'me anom amamaga, owa'etin.

Jon Nandaꞌafi 16:11

Basef ofagema ma kot na'ama. Aman dembinai aonai ma epes etapasi, anan faso'mana ma kot anama ma basef lu'wami God dei' nanda'manami.

Jon Nandaꞌafi 17:23

Ine' nape naloma ae', ae' ape aloma esis, ea' na'ama etin ae' okom na'i esis sotaga ukup etifim endilisi. Ama esis amam nematawa etapasi sogawa ine' nasapa' ae' afi'i, ea' ine' okom nainaila esis endilisi si'i ine' okom nainaila ae'.

Basef Amama Pol Nandaꞌam Mafeꞌma Esis Romi 8:31

Ape' mame' basefa amamaga amama bu'wami God nanda'mapami dei' muwataniam mi'imama? I'i God nagiambamapa, dei' anona nemaf ina enis la'ifisa sohambombagapa, owa'etin.

Basef Amama Pol Nandaꞌam Mafeꞌma Esis Romi 8:37

Ea' amamaga amama hapaimi. Krais anan okom nainailapa endilisi ea' la'ela'ef nanda'apa la'ifipa mikila' amamaga amama endilisi.

1 Korin 2:12

Ape' ina mofa' spirit ambal etapanai, owa'. Ape' dei' mofa' Ambal Bu'unai nape naloma God nafi'i ma mogawa amamaga maim God nase'apam na'ai.

1 Korin 6:13

Ea' enis epes sa'i, “Gwa'aimi amama, alopi atom ea' alop napoma nea' gwa'aimi atom.” Ea' amamaga amama biefim, alop naloma gwa'aimi, anona nemaf God nohambombagam atom hi'ilam. God ina nanda' alop ape'inai ma nonda' waf aonai so'a waolanai, owa'. Anan nanda'ana nonda' maol Ananinai atona bu'unai. Ea' Anan Dembinai ma alop ape'inai numafiana.

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

2 Korin 6:16

Dei' a'ipipa basef amama afela ukup ipe'imi. Ea' ina andeande'ma mokolasa ipat lu'unai Godi noloma amamaga baso'maimi sanda'am sanda' lotumami, owa'. Ipe' pegawa ape' atepa si'i ipat anama God napainai nomon. Si'i fowa' Anan na'iam na'i, “Owagama ae' epe elomas efe' la'afena esis ea' epe God asasiwei ea' esis wapoti' sepe epes ae'asi.”

Efesus 2:2

Nogota anama ipe' ata' paila waf aonai atona etapanai ea' paila basefa aman aonai. Anan la'ifinai numafi pepel aonai nape la'afen numafi etap naloma otaga. La'ifimi amama mataga aman anama aonai dei' numafi epes isima sesambala basef Godi.

Efesus 3:17

A'i bale'ef ipe'inai atona Krais nope opalef ipe'imi nomon la'ela'ef. Ea' anda' beten ahali' Goda waf ukup maimailasanai nope si'ina ma ipe' ma nonda'epa la'ifipa pila waf anama si'i nombalef lawag nahapila etap nowala la'ifina.

Efesus 6:10

Dei' a'i enda' basef akutaimi amama. Ipe' pepe la'ifipa peloma Jisas Dambinai, pepe la'ifipama Anan atona ma pepel lagela pipitagel atona ananinai.

1 Jon 2:1

Ipe' alupipei ae'ipei, ae' okom nainailipa, anda' basef amama mafe'mago ipe' ma ina penda' waf aonai, owa'. I'i enin epen nenda' waf aonai, enin anan niegiambamani nape. Anan Jisas Krais bo'ona andeande'. Anan nahali' Ahalomana ma nokwahoman waf aonai epen anama nanda'anai.

1 Jon 2:13

Ipe' ahape, ipe' pegawa aman anama andeande' fowa' damba damba nape la'ela'efi. Ea' dei' anda' basef amama mafe'mago ipe'. Ipe' awomipei, ipe' pali'amona wandaf aman aonai pikila'ana. Amama atom dei' anda' basef amama mafe'mago ipe'.

1 Jon 3:20

I'i basef mape opalef nomoni ma'iami ma'ipapa basef mihi'ambapa waf ape' manda'anai aona, God dembinai nikila' ukup ape'imi ea' nagawa amamaga hiami.

1 Jon 3:24

Emi egafis saila basef Godi la'ifis, esis sope la'ifis soloma God ea' God nape la'ifina nolomas. Anan nase'apa Ambal Bu'unai Ananinai dei' mogawa God nape la'ifina nalomapa.

1 Jon 4:13

Dei' ape' mogawa ape' mape la'ifipa maloma God ea' anan nape nalomapa. Dei' main? Anan nase'apa Ambal Bu'unai Ananinai nape nalomapa.

1 Jon 4:16

Amama atom dei' ape' mogawa mombale'efa God anan okom nainailapa endilisi. God Anan ofagonama okom nainaila epes hiesi. Emi egafis sape ukup maimaila God naloma epes hiesi la'ela'ef, esis sape la'ifis saloma God ea' Anan nape la'ifina nalomas.

1 Jon 4:6

Ea' ape' epes Godi. Emi egafis sogawa God, esis seme' basef ape'imi. Ea' emi egafis owa' epes Godi, isima ina same' basef ape'imi, owa'. Ea' amama atom dei' ikwaf anama nihi'ambapa ma mogawa epes isima. I'i Ambal Bu'unai Godi endilisinai nupais, seme' basef ape'imi. Ea' i'i ambal nambaso'mami nupais, ina seme' ape', owa'.

1 Jon 5:19

Ape' mogawa ape' awasi Godi, ea' isima owa' awasi Godi sape owina aman aonai Satan anan dembinai asasinai.

1 Jon 5:4

Dei' main, emi egafis sape awasi Godi nanda'as sataga dambais, epes isima la'ifis sahagofa waf etapanai aonai. Ape' mombale'efa God dei' ape' mikila' wandaf mahagofa waf etapanai aonai.

Revelesen 12:11

Esis alupusi sahin owan ape'isi sofa' pepel ma esimbel sipsip noganai sawalipasa basef ananimi endilisimi. Esis sanda' waf anama. Amama atom dei' silai'ipa wandaf sali'amona naumbih ma amama. Esis ina ukup ma'ima'i endilisi ma sope andeande' etap anae', owa'. Esis ina umbamahasa naumbih sohas soga', owa'.