1 Jon 4:2 - Basef Buꞌwami Godi

² Ipe' pegawa Ambal Bu'unai Godi na'ama. Emi egafis sa'i, “Endilisi, Jisas Krais nafi'i nataga epen endilisinai”, epes isima Ambal Bu'unai Godi napais opalef asasimi.

1 Jon 4:2 Iomraidhean Croise

Jon Nandaꞌafi 1:14

Basef mataga epen ea' anan nape la'afena ape', ea' wati howalagon pepel Ananinai. Howalagon anama pepel Nogalomana atona, Ahalomana nasapa'ana nafi'i. Ape' mati amama nagiambamapa etin nanda'apa la'ifipa ma nihi'ambapa waf endilisinai nape si'ina ma anan.

1 Korin 12:3

Ea' ipe' pegawa emi epen Ambal Bu'unai Godi nafelan na'i basef, ina ni'i basef ni'i, “Jisas owagama higililana,” owa'. Ea' emi epen Ambal Bu'unai Godi a'ani, enin ina anona nemaf ni'i basef ni'i, “Jisas Anan Dembinai,” owa'.

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

1 Jon 1:2

Ambal anama namunai nataga ea' afa' watolona naep afa'imi. Amama atom dei' afa' wawalipipa ma ambal anama nape la'ela'efi. Ambal anama fowa' nape naloma Ahalomapa dei' nataga alihina watolona.

1 Jon 2:23

Emi egafis sowa' alafugaha Nogalomanai, esis sowa' alafugaha Ahalomana wapoti'. Ea' emi egafis saso' opalefa Nogalomanai, Ahalomapa nape nomona opalef asasimi.

1 Jon 4:15

Emi egafis sawalapa basef alihiguma sa'i, “Endilisi, Jisas anan Nogalomana Godi”, God nape la'ifina nalomas, esis wapoti' sape la'ifisa Anan.

1 Jon 4:3

Ea' emi egafis owa' si'iam na'ama ma Krais, Ambal Bu'unai Godi ina nape esis, owa'. Ambal nape epes isima anan nanda' naumbih naloma Krais. Fowa' pame' basefa ambal aonai na'i nonda' naumbih noloma Kraisi nifi'i dei' nafi'i nape ea' etap anae'.

1 Jon 5:1

Emi egafis sembale'efa Jisas anan Krais God nasapa'ana nafi'i, epes isima awasi Godi. Ea' emi egafis ukup maimaila ahalomas, esis ukup maimaila awasi ananisi wapoti'.

2 Jon 1:7

Enis epes sambaso'mami safe' ganigani etap hiagoma. Esis ina sawalipasa Jisas Krais sa'i anan nogalomana Godi nataga epen endilisinai, owa'. Esis sambaso'mami, isima naumbih Kraisi.