1 Jon 4:1 - Basef Buꞌwami Godi

¹ Alupipei ae'ipei, amam profet mambaso'mami mafe'agon anama etap hiagoma. Ipe' ina pembale'efa epes isima hiesi sa'i, “Ae' Ambal Bu'unai Godi napaiwei.” Owa'. Ipe' ata' pegwaloga ambagof amama hiami pendendomam ama pegawa amam mataga mafi'i Ambal Bu'unai Godi o owa'?

1 Jon 4:1 Iomraidhean Croise

Mak Nandaꞌafi 13:21

Nemaf anama notaga ma i'i enis epes si'ipipa si'i, ‘Ipe' piti Krais, God nandandepana nasap'ana nafi'i, anan nape na'ae,’ o ‘Nani nape gani,’ ipe' ina pembale'efas, owa' hapaisi.

Luk Nandaꞌafi 12:57

“Dei' maina ipe' owa' powaloga waf bu'unai?

Luk Nandaꞌafi 21:8

Ea' Jisas na'i, “Ipe' pindumafuma pepe. Na'ama enis epes sombaso'mepa. Epes hiesi anona nemaf sifi'i si'i agel ae'anai si'i, ‘Ae' ea' ma'uwi.’ Ea' enis si'i, ‘Dei' nemaf nafi'i felefele' ea'.’ Ipe' ina pefe' pila esis, owa'. Hapeimi.

Aposel 17:11

Epes sape Beriai ukup mohafel endilisi same' basef sanda' waf bu'unai sikila' esis sape Tesalonaikai. Dei' main, esis Beria sofa' basef sandanifelamam endilisi. Ea' la'ela'ef satalifa basef mail buk Baibeli ma sogawa basef Pol na'ipasami endilisimi o owa'.

Aposel 20:29

Ae' egawa atuwasi ikwahipa efe', nambimb anom amam awami si'i nombagw wandafumi mufi'i motaga la'afena ipe' ea' mohambombaga esis Kristen si'i nombagw maha sipsip.

1 Korin 12:10

Ea' enin epen Ambal Godi nagiambaman nase'an pepela nenda' amamaga la'ifimi si'i God nanda'ami. Ea' enin epen Ambal Godi nafelan na'i basef Godi. Enin epen nefa' gawa ma newaloga ambagof mamumami hiami, bu'wami o awami. Ea' enin negawa ma na'i diga naninani hianai. Ea' enin epen negawa ma nemboma basefa diga naninani.

1 Korin 14:29

Ea' amam profet biam o wanom Ambal Bu'unai Godi nafelama mowalapa basef Ananimi, amam mowalapam. Ea' anom amam mowaloga basef amama.

1 Tesalonaika 5:20

Ipe' ina pewa' alafugaha basef Godi Ambal Bu'unai nafelas sa'ipipami, owa'.

1 Tesalonaika 5:21

Pewaloga basef hiami, ma pembale'a basef bu'wami atom la'ifipa.

2 Tesalonaika 2:2

Enis epes sa'ipipa sa'i nemaf Dembinai anona nemaf niefi'ianai nataga ea'. Ae' ine' egawa. Basef amama Ambal Bu'unai Godi na'ipanam enin epen na'ipi pas o enin epen na'iam okom ananinai atona o esis sa'i afa' wanda' basef amama wasapa'am mafo'o wa'ipasa basef amama? I'i peme'asa basef amama, ipe' ina pehafel gegelalasipa kwapete' mehip ea' ukup ipe'imi aom, owa'

1 Timoti 4:1

Ambal Bu'unai Godi na'i basef alihim na'ama. Anona nemaf enis epes sokwaha sombale'efa basef endilisimi Godi. Ea' seme' basefa epes isima ambagof awami mambaso'ami sila basef ambagof awami ma'iami.

2 Timoti 3:13

Ea' amam awami maloma amam mambaso'ami nambimb mombaso'ma epes hiesi. Ea' anom amam mombaso'ma amam atom. Ea' waf amam manda'anai nambimb notaga aona endilisi.

2 Pita 2:1

Fowa' anom profet mambaso'ami mataga la'afena esis amam nematawa Israel mambaso'masa basef baso'maimi. Dei' na'ama etin anona nemaf anom amam mambaso'ami mohafel la'afena ipe' wapoti' ea' mondambaho' mifi'i mombaso'mepa mi'ipipa basef mamumami hiami baso'maimi mahambombaga epesi. Dembinai Anan fowa' naga' ma natala amam amama natagahoma waf aonai amam manda'anai ma mope andeande'. Ea' owa'. Amam mase'ana alafugah Dembinai. Nambimb monda'am na'ama etin, ea' mehip amam motaga aom.

1 Jon 2:18

Ipe' alupipei ae'ipei, ae' okom maimailipa, dei' nemaf na'i hi'ilana. Fowa' ipe' pame' basefa naumbih Kraisi ma'i motaga. Ea' dei' naumbih Ananimi hiami mataga ea'. Ape' mogawa dei' nogota na'i hi'ilana.

1 Jon 2:7

Alupipei ae'ipei, ae' okom nainailipa. Dei' ae' anda' basef amama mafe'mago ipe', ina anona mi'uli dambainai, owa'. Ae' a'ipipa mi'uli anama atona fowa'inai, fowa' damba damba pegawana. Mi'uli anama basef ipe' pame' ea'.

2 Jon 1:7

Enis epes sambaso'mami safe' ganigani etap hiagoma. Esis ina sawalipasa Jisas Krais sa'i anan nogalomana Godi nataga epen endilisinai, owa'. Esis sambaso'mami, isima naumbih Kraisi.

3 Jon 1:11

Ine' alupinai, ina nila waf aonai, hapainai. Nila waf bu'unai atona. Emi egafis sanda' waf bu'unai, esis epes Godi. Ea' emi egafis sanda' waf aonai, esis ina segawa God, owa'.

Revelesen 2:2

Ae' egawa amamaga maim ipe' panda'ami opeh lu'wami. Nimanimi matagamepa, paitu la'ifipa la'ela'ef, ina patanima, owa'. Ea' ae' egawa ipe' paitu la'ifipa endilisi ma pandaiwa'ma amama manda' waf aonai. Ipe' pawaloga amam amama mambaso'ami ma'i amam aposel, patolom pegawa amam ina aposel, owa'. Amam mambaso'ami.