1 Jon 3:3 - Basef Buꞌwami Godi

³ Emi egafis sape sohafa Anan nufi'i, esis sape sandondombam opalef asasimi la'ela'ef ma sope bo'wes andeande' si'i Krais nape.

1 Jon 3:3 Iomraidhean Croise

Matyu Nandaꞌafi 5:48

Na'ama ipe' pepe bo'wepa endilisi si'i Ahalomepa ipe'inai God nape heven ilif.

Luk Nandaꞌafi 6:36

Ahalomepa ipe'inai na'i uwahipis esis sanda' waf aonai. Ipe' penda'am na'ama etin si'i anan nati esis uwahipis.

Jon Nandaꞌafi 17:19

Ine' nigiambame epe ine'iwei atowe ma igiambama esis wapoti' sotaga bo'wes andeande' ine'isi etis.

Aposel 15:9

Anan ina nanda' anona wafa ape' ea' nonda' anona waf esis, owa'. Esis sembale'efa God amama atom opalef asasimi mataga bo'om si'i afa'.

Basef Amama Pol Nandaꞌam Mafeꞌma Esis Romi 15:12

Ea' Aisaia wapoti' na'iam na'i, “Anona nemaf anona aman notaga wambota Jesi. Aman anama notaga nope Dembinai ma esis sololama Godi numafias ea' sombale'efana si'i endilisi anona nemaf anan nigiambamas.”

2 Korin 7:1

Ipe' alupipei afa'ipei endilisi, ape' mofa' basef amama Godi endilisimi la'ifimi. Ea' mokwaha amamaga amama awami mape nomona alop naloma ambagof ape'imi ea' mope bu'upai umbamahepama God mila waf bu'unai.

Kolosi 1:5

Fowa' basef bu'wami Godi amama endilisimi matagamepa pame'ama amamaga bu'wami ipe'imi God nandandombam dei' ma'oh heven ipe' pape pehafami. Amamaga amama bu'wami ofagema ma bale'ef ipe'inai naloma waf anama ipe' panda'anai ukup maimaila epes hiesi.

2 Tesalonaika 2:16

Afa' wa'i Dembinai ape'inai Jisas Krais naloma God Ahalomapa ape'inai ukup amamumi maimailapa magiambamapa manda'apa mataga la'ifipa. Amam manda'apa na'ama la'ela'ef. Ea' magiambamapa mape mohafa God nonda'apa mope andeande'

Taitus 3:7

Anan nanda'am na'ama ma na'i ape' epes bo'wepa andeande' ma okom anama Jisasi atona lu'unai nainaila ape'. Ea' nandandepapa ma mofa' ambal namunai mope andeande' la'ela'ef. Ea' ape' mombale'efana mape mohafana.

Hibrui 12:14

Ipe' dei' penda' maol la'ifipa ma pila waf opalef mope awanem peloma epes hiesi. Ea' pila waf anama bu'unai andeande', pepe Dembinai ananipei etipa endilisi. Epen waf anama a'ani, anona nemaf enin ina niti Dembinai, owa'.

Hibrui 6:18

Basef amama endilisimi atom na'iam endilisi gani ilif. Basef amama biefim ma'iam na'ama etin dei' mape la'ela'ef, ina anom amamaga maloma enis epes soho'ofam, owa'. Anan na'ipapa basef biefim amama ma nenda' opalef ape'imi la'ifim endilisi, ape' amam nematawa mafa' mafe' mandambaho' felefele'ma Anan. Ape' mombale'efa basef amama la'ifipa mogawa endilisi Anan anona nemaf nigiambamapa ma mope andeande'.

Hibrui 7:26

Dembinai pris anama la'ifinai endilisi ma nagiambamapa. Anan naila waf Godi bo'ona andeande', waf aonai a'ana. Anan okom bu'unai dei' nape laogona epes sanda' waf aonai. God nase'ana agel lu'unai nikila' ilif endilisi.

Jems 4:8

Ipe' pifi'i felefele' endilisi ma Goda Anan nifi'i felefele' endilisi ma ipe'. Ipe' panda' waf aonai, pekwaha waf anama ipe' panda'anai si'i epes sasa'opa lagof asasimi mataga bo'om. Ipe' epes malogof biamipei, ipe' pekwaha waf anama ea' penda' ukup ipe'imi motaga bo'om.

1 Pita 1:15

God nofala ipe', Anan bo'ona andeande'. Ea' ipe' wapoti' pepe na'ama etin si'i Anan, pepe ananipei etipa andeande' ma fe' pe anama ipe'inai hi'ilana.

1 Pita 1:3

Ape' mefela agel Godi, Anan God Ahalomana Jisas Krais Dembinai ape'inai. Anan okom lu'unai nainailapa nati uwahipipa endilisi. Ea' nafela Jisas Krais nohafel hi'agif, amama atom God nanda'apa mataga dambaipa ma mope namepa mogawa endilisi anona nemaf Anan nofa'apa motanimani.

2 Pita 1:4

Pepel Ananinai naloma howalagon amama atom Anan nase'apa basef ananimi na'i endilisi atom. Basef amama lu'wami bu'wami endilisi. Basef amama atom ipe' pataga la'ifipama pefa' ambal namunai ma waf Godi pelomana. Ama pefe' pihi'ama waf aonai naninani nataga nanda' ukup mohafel endilisi ma waf aonai nape etap anae'i nanda' epes sataga awes.

2 Pita 3:14

Alupipei ae'ipei endilisi, ipe' ukup mope mohafa amamaga amama meataga. Ea' ipe' penda' maol la'ifipa pimafi ipe' pepe bo'wepa andeande'ma waf aonai a'epa ma naep Godi, pepe opalef etifim peloma God.

1 Jon 2:6

Emi egafis sa'i, “Ape' mape la'ifipa maloma God”, pe asasinai notaga bo'ona si'i pe Jisas Kraisi.

1 Jon 4:17

Waf ukup maimaila esis Kristen alupusi endilisi, amama mataga bo'om endilisi ma ape' mitu la'ifipa nemaf anama lu'unai ma God nowalogapa. Dei' main, Anan napaipa nomon, ea' mape etap anae' si'i Krais nape. Ape' ina umbamahapa ma nemaf anama God nowalogapa, owa'.