1 Jon 2:4 - Basef Buꞌwami Godi

⁴ Emi egafis sa'i, “Ape' mogawa God andeande'”, ama esis owa' sila basef Godi, esis sambaso'ami. Ea' basef endilisimi ina mape opalef asasimi, owa'.

1 Jon 2:4 Iomraidhean Croise

1 Jon 1:6

I'i ape' mi'i mope ukup etifim molomana, ama ape' ata' mape manda' waf aonai si'i mape owamb atona, ape' mambaso'ma ape' atepa ma basef ape'imi maloma fe' ape'inai.

Taitus 1:16

Malogof asasimi sa'iam na'ama sa'i, “Ape' mogawa God.” Ea' fe' asasinai nawalapa esis sowa' alafugaha God. God anan nandaiwa'ma esis endilisi. Epes isima sosambala basef, ina la'ifisa sonda' anona waf bu'unai, owa'.

1 Jon 1:8

I'i ape' mi'i waf aonai a'apa, ape' mambaso'ma ape' atepa ea' basef endilisimi ina mapaipa, owa'.

1 Jon 4:20

I'i enis epes si'i, “Ape' ukup maimaila God,” ama esis ukup wandafuma Kristen alupusi, epes isima sambaso'mami. Dei' main? Ina enin epen atitin nati God, owa'. Emi egafis sati alupusi asasisi ma owa' ukup mimilas, epes isima ina la'ifisa ukup mila God owa' seatolona naepi, owa'.

1 Jon 2:9

Emi egafis si'i, “Ape' mape nafifili,” ama esis opalef aoma sahin owan asasisi, epes isima ata' sape owamb la'ela'ef.

1 Jon 1:10

I'i ape' mi'i, “Ape' owa' monda' waf aonai”, ape' mofala God ma'i anan aman na'i basef baso'maimi. Ea' basef ananimi ina mape opalef ape'imi, owa'.

Jon Nandaꞌafi 8:44

Ahalomepa ipe'inai Satan ea' ipe' paila nomonas ananimi atom. Fowa' dambadamba nafi'i nafi'i nataga dei', anan naha epes saga', ea' nowa' alafugama basef endilisimi. Nomonas ananimi ina mapoma basef endilisimi, owa'. Anan nambaso'mas nimeguf hiami la'ela'ef. Basef baso'maimi anan na'iami, amama si'i diga ananinai. Dei' main, anan epen nambaso'ami ea' ofagenama basef baso'maimi hiami.

Taitus 1:10

Epes hiesi ina saila basef, owa'. Sosambalom. Esis sanda' basef etin sa'iam sambaso'ma enis epes. Esis hiesi wambota Judai satopa' alop.

1 Jon 2:3

I'i ape' mila basef Godi la'ifipa, ape' mogawa anan endilisi.

1 Jon 3:6

Ea' emi egafis sape la'ifis saloma Anan, isima ina ata' sape saila waf aonai, owa'. I'i emi egafis saila waf aonai, ukup asisimi ina mati Krais sogawana, owa'.

1 Jon 4:7

Ipe', ae' okom nainailipei, ape' ukup mimila sahin owan ape'isi. Dei' main, waf anama nafi'i God. Emi egafis ukup maimaila sahin owan, esis awasi Godi ea' dei' segawa God saila basef Ananimi.