1 Jon 2:3 - Basef Buꞌwami Godi

³ I'i ape' mila basef Godi la'ifipa, ape' mogawa anan endilisi.

1 Jon 2:3 Iomraidhean Croise

Luk Nandaꞌafi 6:46

Dei' maina ipe' pa'i ae' Dembiwei, Dembiwei, ea' ipe' owa' pila malogel ae'anai?

Jon Nandaꞌafi 14:15

I'i ipe' ukup mimila ae' endilisi, ipe' pila mi'uli ae'enai andeande'.

Jon Nandaꞌafi 15:10

I'i ipe' pila mi'uli ae'anai andeande', nambimb pepe okom ae'anai nomon si'i ae' aila mi'uli Ahalome andeande'ma ape okom ananinai nomon.

Jon Nandaꞌafi 15:14

I'i pila mi'uli a'ipipanai andeande' ipe' alupipei ae'ipei.

Jon Nandaꞌafi 17:3

Ambal namunai anama ofagena anama. Esis sogawa ine' etina God endilisinai ea' sogawa endilisi ae' Jisas Krais, ine' nasapa'e afi'i.

2 Korin 4:6

Fowa' gani God nati owamb atona na'i, “Lala notaga.” Dei' na'ama etin nanda' nafifili ananinai nataga ma afa' nanda' opalef afa'imi mafifil endilisi. Nafifili anama nihi'ambapa gawa ma nafifili pepel Godi nape la'ela'ef. Ape' mati anama ma waf Jisas Kraisi nafifili nataga amaga ananinai.

Hibrui 5:9

Anan nataga Nogalomana Godi bo'ona endilisi. Amama atom dei' Anan ofagonama epes saila basef ananimi mofa'as sotanimani sofa' ambal namunai sope andeande' la'ela'ef hihif.

1 Jon 2:13

Ipe' ahape, ipe' pegawa aman anama andeande' fowa' damba damba nape la'ela'efi. Ea' dei' anda' basef amama mafe'mago ipe'. Ipe' awomipei, ipe' pali'amona wandaf aman aonai pikila'ana. Amama atom dei' anda' basef amama mafe'mago ipe'.

1 Jon 3:14

Ape' ukup maimaila esis sahin owan, amama ape' mogawa dei' makwahona waf anama ga'inai mataga mofa' ambal namunai. Dei' main? Ape' ukup maimaila esis sahin owan endilisi. Emi egafis owa' ukup mimila sahin owan asasisi, esis ata' sape la'ela'ef waf ga'inai.

1 Jon 3:19

I'i ape' monda' waf anama ma ukup mimila sahin owan ape'isi, ape' mogawa maila basef endilisimi. Waf anama nanda' opalef ape'imi awanema mope la'ifipa ma naep Godi.

1 Jon 3:6

Ea' emi egafis sape la'ifis saloma Anan, isima ina ata' sape saila waf aonai, owa'. I'i emi egafis saila waf aonai, ukup asisimi ina mati Krais sogawana, owa'.

1 Jon 4:13

Dei' ape' mogawa ape' mape la'ifipa maloma God ea' anan nape nalomapa. Dei' main? Anan nase'apa Ambal Bu'unai Ananinai nape nalomapa.

1 Jon 4:7

Ipe', ae' okom nainailipei, ape' ukup mimila sahin owan ape'isi. Dei' main, waf anama nafi'i God. Emi egafis ukup maimaila sahin owan, esis awasi Godi ea' dei' segawa God saila basef Ananimi.

1 Jon 5:19

Ape' mogawa ape' awasi Godi, ea' isima owa' awasi Godi sape owina aman aonai Satan anan dembinai asasinai.

1 Jon 5:2

I'i ape' ukup mimila God ama mila basef la'ifimi Ananimi, anona nemaf ape' mogawa ukup maimaila awasi Ananisi wapoti'.

1 Jon 5:3

Waf ofagema ma ape' ukup maimaila God anama. Ape' maila basef mi'uli la'ifinai Ananinai, ina ahifina endilisi, owa'.

Revelesen 12:17

Ea' anan okom numbutina endilisi ma akwa'w nafe' na'i nonda' wandaf noloma enis batawisa'w akwa'usi, esis amam nematawa isima saila mi'uli hianai Godi sawalapa basef Jisasi sailam.

Revelesen 14:12

Nemaf anama nimanimi amama motaga, enis amam nematawa Godi situ la'ifis. Esis amam nematawa isima saila mi'uli Godi ma sombale'efa Jisas la'ifis andeande'.

Revelesen 22:14

Esis amam nematawa sasa'opa luwaguf asasimi ma sataga bo'wes, esis sondanifel. Esis isima anona nemaf God na'i esis bo'wes ma sefa' gwa'aimi ma lawag anama ambal namunai napainai ea' la'ifisa sefe' suwis uta anama ma wambel anama bu'unai.