1 Jon 2:1 - Basef Buꞌwami Godi

¹ Ipe' alupipei ae'ipei, ae' okom nainailipa, anda' basef amama mafe'mago ipe' ma ina penda' waf aonai, owa'. I'i enin epen nenda' waf aonai, enin anan niegiambamani nape. Anan Jisas Krais bo'ona andeande'. Anan nahali' Ahalomana ma nokwahoman waf aonai epen anama nanda'anai.

1 Jon 2:1 Iomraidhean Croise

Luk Nandaꞌafi 10:22

Ahalome ae'anai nanda' amamaga hiami hi'alam mape lagel ae'anai. Ina enin epen negawa ae' Nogalomana Godi, owa'etin. Anan atona nogawe. Ea' owa' enin epen negawa Ahalome, owa'. Ae' Nogalomana ananiwei atowe egawana. Ea' emi egafis ihi'ambasa Ahalomei, isima wapoti' esis etis sogawana.”

Jon Nandaꞌafi 10:15

Ea' na'ama etin si'i Ahalome ae'anai negawa ae', ae' egawa anan. Ae' a'i a'e ma ega' iegiambama sipsip ae'ami.

Jon Nandaꞌafi 13:33

Ipe' so'upei, ae' elomepa ope nogota bandana efe'. Ipe' atuwasi pegolopa ae' ea' ina petolowe, owa'. Anama ae' eafe'ma, ipe' ina la'ifipama nambimb peafo'o, owa'. Basef amama atom fowa' a'ipa amam Juda, dei' a'ipipam wapoti'.

Jon Nandaꞌafi 14:16

Ama nambimb ihali' Ahalome, ma nisi'ipei anona nigiambamepa nonda'epa la'ifipa. Anan nope noloma ipe' la'ela'ef hihif.

Jon Nandaꞌafi 14:6

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Jon Nandaꞌafi 21:5

Ea' nofalafa na'i, “Awami alupipei, ipe' pagi anom agof?” Ea' wagwamana basef wa'i, “Owa'etin.”

Jon Nandaꞌafi 5:14

Anom nimeguf mafe'ma ea', Jisas natolona ipat lu'unai Godi sanda' lotuwanai na'ipana na'i, “Neme'! Dei' ine' ambo'wena ea'. Ea' ine' owa' nitanima nefe' nenda' waf aonai wapoti, owa'. Na'ama amamaga awami endilisi motagamena.”

Jon Nandaꞌafi 5:36

Maol anama la'ifinai Ahalome nase'eama na'i imafiana enda'ana hi'ilana anama atona ae' dei' anda'ana. Anama maol la'ifinai nikila' maol Joni nawalapa basef ofagema ma ae'. Dei' main, maol anama Ahalome nasi'ianai ma eanda'ana hi'ialana ae' anda'anai nihi'amba esis amam nematawa segawa Ahalome nasapa'e afi'i.

Jon Nandaꞌafi 6:27

Ipe' ina penda' maola pefa' gwa'aimi amama awami folo'olami, owa'. Ipe' penda' maola gwa'aimi bu'wami sagwa'am mape bo'om andeande' la'ela'ef. Gwa'aimi amama ambal namunai nape la'ela'ef. Gwa'aimi amama, ae' ataga epen endilisiwei, ae' atowe nambimb ese'epam ipe'. God nase'e agel lu'unai nesahe'e ea' ma enda' maol anama lu'unai.”

Jon Nandaꞌafi 8:11

Ea' akwa'w kwa'ipana kwa'i, “Dembinai, owa'. Mafe' hi'alam.” Ea' na'ipakw na'i, “Ae' na'ama etin si'i amam. Ae' ina anda'mena basef, owa'. Ine' fo'o, ea' ina netanima nenda' waf aonai wapoti', owa'.”

Aposel 7:52

Amam profet hiami fowa' gani mapani esis akusepa ipe'isi sanda' waf aonai ma amam hiami saham sanda'am aom. Saha amam profet ma'ipasa Aman Bu'unai anona nemaf neafi'i. Ea' dei' ipe' pawalapana ma amam naumbih mahana naga' ea'.

Basef Amama Pol Nandaꞌam Mafeꞌma Esis Romi 5:10

Fowa' ape' ata' mape naumbih Godi, ea' dei' nanda'apa mataga alupipai ananipai opalef etifim malomana. Anan nanda'am na'ama ma Nogalomana Ananinai naga'ma ape'. Amama atom dei' ape' mape alupipai Godi mogawa endilisi Krais nape namona ma anona nemaf nofa'apa motanimani mofe' molomana mope.

Basef Amama Pol Nandaꞌam Mafeꞌma Esis Romi 6:15

Ea' dei' ape' ata' monda'am mi'imama? Ape' ina mape owina mi'uli anama God fowa naso' Mosesanai, owa'. Ape' dei' mape owina waf anama God nandahomapa etin. Ea' dei' ape' monda' waf aonai? Owa'etin endilisi!

Basef Amama Pol Nandaꞌam Mafeꞌma Esis Romi 8:34

Anona nemaf ina enis epes sofalapa si'i ape' epes aopai ma God nogwamapa waf aonai ape'inai, owa'. Dei' main, Krais Jisas naga' notanima nohafel wapoti'. Ea' anan nape lagel da'isinai Godi nape la'ifinai ea' nanda' beten nagiambamapa wapoti'.

1 Korin 15:34

Dei' ipe' pekwaha ukup amama masi'ipei, pitanimani ukup mopan andeande'. Ipe' ina penda' waf aonai wapoti', owa'. Ae' enda'epa ambagof aoma anom basef dei' a'ipipami. Enis epes ipe'isi ina dei' sogawa God endilisi, ata' owa' etin. Ofagema amama ipe' etipa.

2 Korin 5:21

Aman anama ina nanda' waf aonai ea' God nakolasa awami ape'imi hiami mafe'ma anan atona ea' ofagema ape'imi mapoma anan atona nofa'am. Anan nanda'am na'ama ma ape' mape la'ifipa maloma Jisas Krais mefa' waf ananinai bu'unai.

Galesia 4:19

Ipe' awasi alupipei ae'ipei, ae' okom aona si'i nematawa wame' nimanimi ola awasi. Ame' okom aona ma ipe' efe' efe' etaga ma nogota anama Krais notaga nondawalap alihina opalef ipe'imi nomon ea'ae' okom bo'ona.

Efesus 2:18

Lagel Kraisi atona ape' epes hiesi mape wambotagw biam mape eaf alihina mafe'ma Ahalomapa Goda Ambal Bu'unai Ananinai atona.

Efesus 4:26

I'i opalef ipe'imi aom mope la'ela'ef, ipe' pindumafuma andeande'. Na'ama ipe' penda' waf aonai opalef aom la'ela'ef pefe' aon newala naso'. Na'ama owa'.

1 Timoti 2:5

Ape' mogawa God atotona nape. Ea' anona aman nape la'afena God naloma epes, anama aman endilisinai anan Krais Jisas.

1 Timoti 3:14

Endilisi ae' a'i efe'mago ine' mehip, ea' dei' ata' anda' basef amama mafo'mago ine'.

Hibrui 9:24

Ea' Krais ina nawis ipat anama Godi epes sala'ana lagufi, nondola'wifa ipat anama endilisinai nape heveni, owa'. Anan nafe' nawis heven atogon, anama dei' nataga alihina nape la'ela'efa naep Godi nanda' beten nagiambamapa.

Jems 1:27

Waf sanda' lotuwanai bo'ona andeande' ofagena a'ana naep Ahalomapa ape'inai Godi, anama na'ama. I'i enis awasi mamasas a'asi esis etis sope, o nemata'w alifi'wi akwa'w ato'w kwape kwahu'wi, ape' migiambamasa otamba gwa'aimi maim. Ea' mumafi pe ape'inai andeande' ma waf aonai etapanai ina nenda' opalef ape'imi motaga aom, owa'.

Jems 3:9

Malogof ape'imi atom mafela agel Dembinai Ahalomapa ape'inai ea' ma'i basef awami wapoti' mahambombaga sahin owan ape'isi God nanda'as sape na'ama etin si'i Anan.

1 Pita 2:22

“Anan ina nanda' anona waf aonai, owa'. Ina na'i anom basef baso'maimi ma malogel ananinai, owa'.”

1 Pita 3:18

Ipe' ukup mopoma Krais anan naga' nemaf atotona nakwaha waf aonai ipe' panda'anai ea' amama ma'um. Aman atotona bu'unai naga' ma nagiambama epes hiesi sanda' waf aonai ma nofa'as sefe'ma God. Alop ananinai, sahana naga'. Ea' ambal ananinai, nohafel nape namona.

1 Jon 3:18

Alupipei ae'ipei, ape' ina ukup maimaila esis alupisi ma mi'ipasa basefa malogof atom wafimi, owa'. Ape' ukup mimilas endilisi migiambamas monda' waf bu'unai endilisinai mihi'ambamasana.

1 Jon 3:5

Ipe' pegawa Krais nataga ma nakwaha waf aonai ape' manda'anai hi'alana. Anan ina nanda' anona waf aonai, owa'.

1 Jon 3:7

Ipe' alupipei ae'ipei, pindumafuma andeande'! Na'ama enin epen nembaso'mepa. Emi egafis sanda' waf bu'unai, esis sape andeande' si'i Krais nape.

1 Jon 4:4

Ipe' alupipei ae'ipei, ipe' epes Godi ea' panda' wandaf paloma amam profet awami mambaso'mami pikila'am. Dei' main, Ambal Bu'unai Godi nape nomon opalef ipe'imi anan la'ifinai nikila' aman aonai nape etap anae'.

1 Jon 5:21

Awasi ae'ipei, ipe' pepe la'ifipa pewa' alafugaha god baso'mainai hianai. Ea' ma'um.

3 Jon 1:4

Ae' andanifel endilisi ma awasi saila basef endilisimi. Ea' ae' ina andanifel ma anom amamaga mikila' andanifela awasi ae'asi saila basef endilisimi, owa'.