1 Jon 1:9 - Basef Buꞌwami Godi

⁹ I'i ape' mowalapa waf aonai ape' manda'anai alihina, atuwasi Anan nokwahomapa waf hianai aonai ape' manda'anai nosa'opapa motaga bo'opa andeande'. Basef fowa' na'i endilisimi atom nonda' waf bu'unai andeande'.

1 Jon 1:9 Iomraidhean Croise

Mak Nandaꞌafi 1:5

Ea' esis hiesi sape etap hiagoma Judia saloma amam nematawa hiesi sape Jerusalemi hi'alas safi'mai Jon sa'i some' basef ananimi. Esis sawalapa waf aonai esis sanda'anai, ea' Jon napisi'as walemb Jordan.

Luk Nandaꞌafi 22:57

Ea' Pita na'i, “Ehae', ae' owa'.” Anan na'i, “Nemata'w, ae' ina egawa anan, owa'.”

Jon Nandaꞌafi 17:25

Ahalome bu'unai endilisi, esis amam nematawa saila waf etapanai ina sogawa ine'. Ea' ae' egawa ine'. Ea' esis amama alupisi sogawa ine' nasapa'e afi'i.

Aposel 19:18

Amam nematawa hiesi sembale'efanai safi'i sawalapa waf aonai esis sanda'anai sa'iana.

Basef Amama Pol Nandaꞌam Mafeꞌma Esis Romi 3:26

Anan nanda'am na'ama ma nogwamasa waf aonai esis sanda'anai ma dei' nihi'ambapa waf bu'unai ananinai nataga alihiguma. Amama atom dei' ape' mogawa Anan bu'unai endilisi na'i emi egafis sembale'efa Jisasi sataga epes bu'wasi.

1 Korin 1:9

God nanda' amamaga ananimi hi'alam andeande' nofalepa ma pepe la'ifipa opalef etifim peloma nogalomana Ananinai Jisas Krais Dembinai ape'inai.

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

Efesus 5:26

Anan nanda'am na'ama ma sotaga epes Godi etis bo'wes si'i nasa'opas embel sataga bo'wesa basef ananimi.

1 Timoti 1:15

Anom basef endilisimi atoma epes hiesi some'ama sombale'efam. Basef amama na'ama. Krais Jisas nisila'i etap anae' ma nefa'ape epes manda' waf aonai nokwahomapana motanimani mape andeande'. Ae' ma'uwi ali' anda' waf aonai ikila' enis epes ea' ma'uwi ae' atowe.

Taitus 2:14

Krais anan nakwaha ambal bu'unai ananinai ma natala ape' natagahepa ma waf aonai hianai mosambala mi'uli Godi. Anan na'i nondombasa ape' ma motaga epes ananipai atepa bu'upai, ukup mohafela monda' opeh lu'wami ma mila waf hianai bu'unai.

Hibrui 10:23

Ape' mombale'efana la'ifipa muwalipas alihima amamaga bu'wami ape' mape mohafami. Amama ape' mohapilam la'ifipa, ina motanima, owa'. Dei' main, ape' mogawa maim amamaga God na'i basef endilisimi atom nambimb nigi'mam nonda'am andeande'.

Hibrui 11:11

Sara akwa'w asa'w ea' ina kola awasi, owa'. Nemaf kola awasianai nafe' hi'alana. Ea' akwa'w kombale'efa God. Amama atom dei' God nanda'akw la'ifikwa kola awani. Dei' main, akwa'w kombale'efana endilisi ma basef amama anan na'i endilisimi atom, kwa'i anan nambimb nigi'mam nonda'am andeande' si'i na'iam.

Hibrui 6:10

God ina epen aonai ma nambimb okom nose'ana ma maol hianai ipe' panda'anai, owa'. Ipe' ukup maimailana. Ea' dei' panda' maol anama ma pigiambama amam nematawa Ananisi. Ea' dei' ata' panda'ana na'ama la'ela'ef.

1 Jon 1:7

Anan nafifili afitinai. I'i mope mififil si'i anan waf aonai a'apa, ea' mope ukup etifim moloma sahin owan hiesi. Jisas Nogalomana Godi. Ea' esimbel ananimi masa'opa waf aonai ape' manda'anai hianai hi'alana mataga bo'opa.

Revelesen 15:3

Esis sanda' awaf Moses nanda'mana opeh Godi naloma awaf sipsip noganai. Awaf anama na'ama. “Dembinai, ine' God pepel hianainai. Opeh hiami ine' nanda'ami, amama la'ifimi ea' afa' watolom ukup matameamam hiahiam! Ine' king numafi epes hiesi ea' waf ine'inai bo'ona endilisinai hi'alana!