1 Jon 1:7 - Basef Buꞌwami Godi

⁷ Anan nafifili afitinai. I'i mope mififil si'i anan waf aonai a'apa, ea' mope ukup etifim moloma sahin owan hiesi. Jisas Nogalomana Godi. Ea' esimbel ananimi masa'opa waf aonai ape' manda'anai hianai hi'alana mataga bo'opa.

1 Jon 1:7 Iomraidhean Croise

Matyu Nandaꞌafi 6:12

Ine' nekwahomapa waf aonai ape' manda'anai si'i ape' makwahomasa waf aonai enis epes sanda'mapanai.

Jon Nandaꞌafi 1:29

Wafilu Jon nati Jisas nafi'mai anan na'ipas na'ama na'i, “Ipe' piti aman anama anan si'i mafin sipsip nogalomana Godi. Anan nambimb nokwaha waf aonai esis amam nematawa hiesi sape etapi sanda'anai.

Jon Nandaꞌafi 12:35

Ea' Jisas nagwamasa basef na'i, “Nogota ata' bandana ma nogwapin nafifili nope nolomepa. Dei' ipe' pefe' howalagoma. Na'ama owamb neatagamepa. Emi egafis seafe' owambi, esis ina sogawa anama seafe'ma, owa'.

Jon Nandaꞌafi 5:4

Anom nimeguf anona ensel Dembinai Godi nafi'i nowala walemb batupa'manai anama nanda' embel mandambombol. Emi egafin awes nanda'asi nili' nefe' newala embel, netaga bo'wen wapoti'.]

Basef Amama Pol Nandaꞌam Mafeꞌma Esis Romi 13:12

Owamb na'i hi'ilana ea' felefele'ma lola notaga. Na'ama andeande'ma ape' mokwaha waf hianai aonai owambunai ma monda' waf bu'unai alipunai pepe la'ifipa si'i mofa' walitapa mahagasa wandafa waf aonai.

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

Efesus 1:7

Krais atona naga' natagahepa ma waf aonai natalepa esimbel Ananimi. Ea' nakwaha waf aonai ape' manda'anai. Anan nanda'am na'ama si'i okom Godi nainailapa endilisi ma waf nagiambamapa na'a.

Efesus 5:8

Dei' main, fowa' ipe' ata' panda waf aonai si'i pape owamb. Ea' dei' pape la'ifipama paloma Jisas Dembinai, amama atom dei' nahaponepa papoma si'i pape howalagoma. Ipe' pefe' si'i epes safe' alip howalagoma.

1 Timoti 6:16

Ea' anan atona owa' neaga'i, nape nafifili lu'unai endilisi. Ea' ape' dei' ina la'ifipama mefe' felefele'ma anan, owa'. Dei' enin epen owa' neatolonai. Owagama wapoti' owa' enin epen la'ifina neati Anan, owa'. Ae' a'i agel ananinai lu'unai noloma pepel Ananinai nopoma Anan atona la'ela'ef. Endilisi.

Taitus 2:14

Krais anan nakwaha ambal bu'unai ananinai ma natala ape' natagahepa ma waf aonai hianai mosambala mi'uli Godi. Anan na'i nondombasa ape' ma motaga epes ananipai atepa bu'upai, ukup mohafela monda' opeh lu'wami ma mila waf hianai bu'unai.

Hibrui 9:14

Ea' esimbel Kraisi mikila' amama endilisi. Krais ina nanda' anona waf aonai, owa'. Ambal Bu'unai Godi nape namunai la'ela'ef nagiambamana ma nondolalima God nase'ana Anan atona hi'alana. Amama atom dei' esimbel ananimi ina mandombasa alop atona ape'inai ande', owa'. Amama mandombasa ukup ape'imi ma basef ma'i opalef nomoni bo'om andeande' endilisi ea' makwaha waf naninani esis sanda'anai owa' seape bo'wesa naep Godi ma ape' dei' manda' maol God nape namunai.

Jems 1:17

Amamaga bu'wami hiami si'i presen, amama ahalomapa ape'inai nase'apam misila'i heven. Anan nanda' mafifili aon alipunai owambunai maloma ondowa motawa ilif otaga. Owaf naluwi, ambagof laom bandam. Ea' God ina nandaho'of na'ama si'i ambogof, owa'. Anan nape na'ama etin la'ela'ef hihif.

1 Pita 1:19

Anan natalipa natagahipa ma pepe wafifipa ma esimbel Kraisi atom. Esimbel amama bo'om lu'um endilisi. Krais naga' si'i fowa' gani esis saha sipsip noganai sondolalima God. Sipsip anama bo'ona endilisi ina anona melet natomana, owa'. Anan bo'ona endilisi.

1 Jon 1:3

Amamaga amama afa' watolom wame'ami dei' wa'ipipam ipe' wapoti' ma pepe ukup etifim pelomafa. Afa' wape wambota atona waloma Ahalomafa naloma Nogalomana ananinai Jisas Krais.

1 Jon 1:5

Basef amama afa' wame'ama anan na'ama. God anan nafifili afitinai. Ina anona owamb nailana, owa'.

1 Jon 5:6

Jisas Krais ma'una aman anama nafi'i. Ea' Anan nefa' baptais embel sahana naga' esimbel Ananimi malo. Anan ina nafi'i ma waf nefa' baptaisa embel atom, owa'. Anan nafi'i ma waf sahana naga' esimbel ananimi malo. Ambal Bu'unai Godi ofagonama waf endilisinai hi'alana. Ea' Ambal anama nawalipasa basef amama ma Krais endilisimi.

2 Jon 1:4

Ae' andanifel endilisi ma egawa enis awasi ine'isi saila basef bu'wami endilisimi si'i Ahalomapa na'ipapa basef la'ifimima milam.

3 Jon 1:4

Ae' andanifel endilisi ma awasi saila basef endilisimi. Ea' ae' ina andanifel ma anom amamaga mikila' andanifela awasi ae'asi saila basef endilisimi, owa'.

Revelesen 12:11

Esis alupusi sahin owan ape'isi sofa' pepel ma esimbel sipsip noganai sawalipasa basef ananimi endilisimi. Esis sanda' waf anama. Amama atom dei' silai'ipa wandaf sali'amona naumbih ma amama. Esis ina ukup ma'ima'i endilisi ma sope andeande' etap anae', owa'. Esis ina umbamahasa naumbih sohas soga', owa'.

Revelesen 7:14

Ea' agwamana basef a'i, “Dembinai ae'inai, ine' etina negawas.” Ea' Anan na'ipi na'i, “Epes isima fowa' sape etap sofa' nimanimi lu'wami ma lagof esis naumbih. Esis sasa'opa luwaguf asasimi ma esimbel sipsip anama noganai, dei' mataga afitim.