1 Jon 1:6 - Basef Buꞌwami Godi

⁶ I'i ape' mi'i mope ukup etifim molomana, ama ape' ata' mape manda' waf aonai si'i mape owamb atona, ape' mambaso'ma ape' atepa ma basef ape'imi maloma fe' ape'inai.

1 Jon 1:6 Iomraidhean Croise

Matyu Nandaꞌafi 7:22

Nemaf anama amam nematawa hiesi sifi'i si'ipa ae' si'i, ‘Dembinai, Dembinai, ape' mawalipasa basef Godi si'i profet amama mawalipas ea' ma'i agel ine'inai matofa ambagof awami mape epesi! Ape' ma'i agel ine'inai manda' ikwaf naninani la'ifinai si'i God nanda'anai!’

Jon Nandaꞌafi 11:10

Ea' i'i esis seafe' owamb, atuwasi sowa. Dei' main? Esis nagwapin howalagon a'as.”

Jon Nandaꞌafi 12:35

Ea' Jisas nagwamasa basef na'i, “Nogota ata' bandana ma nogwapin nafifili nope nolomepa. Dei' ipe' pefe' howalagoma. Na'ama owamb neatagamepa. Emi egafis seafe' owambi, esis ina sogawa anama seafe'ma, owa'.

Jon Nandaꞌafi 12:46

Ae' afi'i etap anae' si'i anona nogwapin ma emi egafis sembale'efa ae'i, esis ina sope owamb, owa'.

Jon Nandaꞌafi 8:12

Ea' Jisas na'ipa amam nematawa wapoti' na'i, “Ae' si'i howalagon nafi'i etap. Emi egafis siela ae' esis ina nambimb sefe' akota eaf asasinai, owa'. Esis sope howalagoma ambal namunai nupais.”

1 Timoti 4:2

Anom amam mambaso'ami mawalipasa basef amama baso'maimi. Basef mape opalef asasimi nomon ma'iami mataga aom. Amam ina nambimb ata' momeme'ma waf aonai mogawana, owa'etin.

Jems 2:14

Ipe' sahin owan ae'ipei, i'i enin epen ni'i, “Ae' embale'efa Krais” ma waf ananinai ina bo'ona, bale'ef ananinai falafunai atona. Bale'ef anama ina la'ifina ma anona nemaf God nofa'an notanimani, owa'.

Jems 2:16

enin epen ipe'ini ni'ipa epes isima ni'i, “Ipe' opalef awanem pefe' pefa'ai luwaguf ipe'imi pewahe'am pembaho' alop ipe'inai pefe' pea' gwa'aimi bu'wami!” I'i ipe' pi'iam na'ama, basef amama ipe'imi ina mataga endilisi, owa'. Basef amama ipe'imi migiambamas mi'imama? Owa'etin. Falafumi atom.

Jems 2:18

Ea' enin epen na'i, “Ine' epen nembale'efa Krais ea' ae' anda' waf bu'unai.” Dei' a'ipa epen inima na'ama a'i, “Ine' nihi'ambe bale'ef anama ine'inai waf bu'unai owa' neataga nelomana. Waf bu'unai ae' anda'anai ihi'ambena bale'ef ae'anai.”

1 Jon 1:10

I'i ape' mi'i, “Ape' owa' monda' waf aonai”, ape' mofala God ma'i anan aman na'i basef baso'maimi. Ea' basef ananimi ina mape opalef ape'imi, owa'.

1 Jon 1:3

Amamaga amama afa' watolom wame'ami dei' wa'ipipam ipe' wapoti' ma pepe ukup etifim pelomafa. Afa' wape wambota atona waloma Ahalomafa naloma Nogalomana ananinai Jisas Krais.

1 Jon 1:8

I'i ape' mi'i waf aonai a'apa, ape' mambaso'ma ape' atepa ea' basef endilisimi ina mapaipa, owa'.

1 Jon 2:4

Emi egafis sa'i, “Ape' mogawa God andeande'”, ama esis owa' sila basef Godi, esis sambaso'ami. Ea' basef endilisimi ina mape opalef asasimi, owa'.

1 Jon 4:20

I'i enis epes si'i, “Ape' ukup maimaila God,” ama esis ukup wandafuma Kristen alupusi, epes isima sambaso'mami. Dei' main? Ina enin epen atitin nati God, owa'. Emi egafis sati alupusi asasisi ma owa' ukup mimilas, epes isima ina la'ifisa ukup mila God owa' seatolona naepi, owa'.