1 Jon 1:3 - Basef Buꞌwami Godi

³ Amamaga amama afa' watolom wame'ami dei' wa'ipipam ipe' wapoti' ma pepe ukup etifim pelomafa. Afa' wape wambota atona waloma Ahalomafa naloma Nogalomana ananinai Jisas Krais.

1 Jon 1:3 Iomraidhean Croise

Jon Nandaꞌafi 17:11

Dei' ae' ina ata' epe etap anae' wapoti', owa'. Ea' esis sope etap anae'. Ea' ae' efe'mago ine'. Ahalome bu'unai endilisi, ine' nimafi esisa sope la'ifisa pepel anama ine'inai, nali' nasi'ianai. Ine' nenda'am na'ama ma esis sope wambota atotona si'i afa' biafa wape atotofa.

Jon Nandaꞌafi 17:21

Ahalome, ae' anda' betena esis isima hiesi sope ukup etifim si'i ine' Ahalome nape naloma ae' ea' ape alomena. Ea' na'ama etin, anda' betena esis sope afa' biafa. Ama amam nematawa saila waf etapanai sombale'efa ine' etina nasapa'e afi'i.

Jon Nandaꞌafi 17:25

Ahalome bu'unai endilisi, esis amam nematawa saila waf etapanai ina sogawa ine'. Ea' ae' egawa ine'. Ea' esis amama alupisi sogawa ine' nasapa'e afi'i.

Jon Nandaꞌafi 17:3

Ambal namunai anama ofagena anama. Esis sogawa ine' etina God endilisinai ea' sogawa endilisi ae' Jisas Krais, ine' nasapa'e afi'i.

Jon Nandaꞌafi 19:35

Ae' ati amama naep ae'ami a'ipipa basef amama. Ea' basef amama ae'ami endilisimi atom. Ae' egawa basef amama a'ipipa emi endilisimi a'ipipa ma ipe' wapoti' pembale'efana.

Aposel 13:32

Ea' ape' dei' ma'ipipa basef bu'wami ipe'. Amamaga amama fowa' God na'iama na'i nose'asas akusipa ape'isi,

Aposel 13:41

‘Ipe' panda' basef findiwaimi, ipe' petologon ukup matamea mefe' ea' awepa. Ae' anda' anona maol la'ifinai ma nimeguf ipe' ata' papeimi. I'i enin epen ni'ipipa maol anama, ipe' ina atuwasi pembale'efa maol anama, owa'.’ ”

Aposel 2:42

Amam nematawa isima sataga Kristen dambaisi esis la'ifis endilisi ma same' basef amam aposel mawalipasami sandagiambanama etin enis sahin owan sape etifigin etin sa' gwa'aimi sanda' beten etifigin atogon.

Aposel 20:27

Dei' main, ae' ina umbamahe ma a'ipipa basefa okom hianai Godi, owa'. A'ipipam hi'alam.

Aposel 4:20

Afa' biafa ina feso'mafa malogof, owa'. Afa' owalapa basef hiami ma amamaga watolom wame'am.”

Basef Amama Pol Nandaꞌam Mafeꞌma Esis Romi 15:27

Endilisi ukup asasimi atom ma'iam ea' dei' sanda'am na'ama. Ea' ae' a'i esis sowaolamasa anona wiaf notaoma esis Kristen sape Jerusalemi. Fowa' esis Juda sali' sawalipasa basef Godi ma sagiambama ambagof esis isima owa' Judaisi sape etap hiagoma Masedonia saloma esis Grik sapoma. Amama atom dei' andeande'ma esis sogwamasa wiaf anama esis Judai ma amamaga magiambama alopami.

1 Korin 1:30

God nahapona ipe' pape la'ifipa paloma Krais Jisas ea' God nanda' Krais nape ofagonama gawa ape'inai. Anan atona eaf ape'inai ma God nanda'apa mope bu'upai ma naep ananimi ma mope ananipai atepa. Anan atona natalepa nakwahepa ma waf aonai ma mape wafifipa.

1 Korin 1:9

God nanda' amamaga ananimi hi'alam andeande' nofalepa ma pepe la'ifipa opalef etifim peloma nogalomana Ananinai Jisas Krais Dembinai ape'inai.

1 Korin 15:1

Ipe' alupipei, dei' ae' a'i efela ukup ipe'imi wapoti' ma basef amama bu'wami Godi ali' a'ipipami. Ipe' pefa' basef amama atom dei' manda'epa pembale'ef paitu la'ifipa.

2 Korin 13:14

Ae' a'i Dembinai Jisas Krais niti uwahipipa nigiambamepago na'a ma okom Godi bu'unai nainailipa. Ea' a'i Ambal Bu'unai Ananinai nope noloma ipe' hipei ma pelomana opalef etifim pepe.

Efesus 3:6

Basef amama bu'wami Godi mape na'ama. Epes hiesi owa' Judaisi hi'alas fowa' sololama Godi saloma ipe' pataga etifipa paloma ape' Israel. Ea' ipe' hipei paloma ape' Juda mofa' amamaga bu'wami hiami God na'i endilisi nase'apami ma lagel Krais Jisasi.

Filipai 1:7

Ae' ahapila ipe' okom ae'anai, egawa God nigiambamepa dei' anona nemaf wapoti' na'ama etin. Amama andeande'. Dei' main, ape' manda'kolas etin manda' opeh ananimi. Nemaf anae' dei' ape kalabus o nimeguf hiami ali' awalapa basef amama bu'wami epes hiesi agiambamasa sogawa basef amama endilisimi atom, nimeguf amama hiami God nagiambamapa na'a.

Filipai 2:1

Ipe' pefa' pepel Kraisi? Ipe' pegawa Krais okom nainailipa nanda' opalef ipe'imi mape awanem? Ipe' pape ukup etifim paloma Ambal Bu'unai Godi? Ipe' ukup mapoma pagiambama ipe' atona etin? Endilisi, waf anama napomepa na'ama.

Filipai 3:10

Ae' a'i egawa Krais endilisi noloma pepel God nafelona nohafel hi'agif. Ae' a'i elomana ondao'oma ma waf anama ofa' nimanimi ma ofa' ukup etifim amama si'i Anan okom napoma nemaf anama naga'anai.

Kolosi 1:13

Anan natagahepa ma pepel aonai nape owamb ea' nahaponapa mafe' mawis nomona maol Nogalomanai nope Dembinai numafiapa. Nogalomana anama Anan okom na'iana endilisi.

1 Tesalonaika 1:10

Ea' esis sa'i ipe' pape pehafa Nogalomana Ananinai anona nemaf nekwaha heven notanima nifi'i. Anan Jisas, fowa' naga' ea' God nafelona wapoti'. Anona nemaf owagama God okom wandafunai ma emi egafis sanda' waf aonai. Ea' dei' Jisas nagalo'mapa ma okom anama wandafunai.

1 Timoti 6:2

Ipe' agof a'epa panda' opeh na'a ma amam agufumi dembemi anom Kristen, ipe' ina ukup mope na'ama pi'i, “Anom Kristen sahopafa atom ea' hapaimi, osambala basef amamumi.” Owa'. Ipe' ukup mope na'ama pi'i, “Amom Kristen ea' afa' ukup mimilam, onda' maol amamunai andeande', ukila' maol wanda'ama amam agufumi owa' Kristeni.” Dei' main, ipe' agof a'epa pagiambama amam Kristen ipe' ukup maimailami. Timoti, basef amama ine' niwalipasam nefela ukup asasimi nenda'as sotaga la'ifis. La'ela'ef ine' niwalipa esis amam nematawa ma sonda' waf bu'unai, ea' nefelasa sonda'am.

Hibrui 2:12

Si'i Anan fowa' na'iam na'i, “God, Ae' anona nemaf ewalapa agel Ine'inai ma esis sahin owan ae'asi. Ae' enda' awalef efela agel ine'inai ma esis hiesi sifi'i sondowa'anima etifigin.”

Hibrui 3:1

Ipe' alupipei epes Godi, Anan nape ilif nofalipei, ipe' peme'. Ipe' okokoma Jisas, Anan aposel nape pris Dembinai ma waf naloma basef ofagema ape' ea' mombale'ef mawalipasami.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

1 Pita 5:1

Ipe' agufipei pimafi esis Kristeni, ae' a'i efela ukup ipe'imi enda'epa petaga la'ifipa. Ae' wapoti' ae' agiliwei imafi esis Kristen. Fowa' aitu ati Krais nofa' nimanimi egawam. Ea' anona nemaf wapoti' itu elomepa ma miti nafifili lu'unai Ananinai notaga. Dei' a'ipipa basef la'ifimi na'ama a'i,

2 Pita 1:16

Afa' wa'ipipa ea' pegawa pepel Dembinai ape'inai Jisas Kraisi ma anona nemaf notanima nifi'i noloma pepel lu'unai Ananinai. Afa' ina waila anom basef numunefin epes gawaisi sa'iami wa'ipipa basef amama Kraisi, owa'. Afa' watolona endilisi nofa' pepel la'ifinai bu'unai Godi ma naep afa'imi, amama atom dei' wa'ipipa.

1 Jon 1:1

Afa' wanda' basef amama ma anona aman agilinama Basef anan nase'apa ambal namunai napaipai. Aman anama fowa' gani damba damba nape. Afa' wame' basef ananimi watolona naep mahapilana lagof afa'imi.

1 Jon 1:5

Basef amama afa' wame'ama anan na'ama. God anan nafifili afitinai. Ina anona owamb nailana, owa'.

1 Jon 1:7

Anan nafifili afitinai. I'i mope mififil si'i anan waf aonai a'apa, ea' mope ukup etifim moloma sahin owan hiesi. Jisas Nogalomana Godi. Ea' esimbel ananimi masa'opa waf aonai ape' manda'anai hianai hi'alana mataga bo'opa.