1 Jon 1:2 - Basef Buꞌwami Godi

² Ambal anama namunai nataga ea' afa' watolona naep afa'imi. Amama atom dei' afa' wawalipipa ma ambal anama nape la'ela'efi. Ambal anama fowa' nape naloma Ahalomapa dei' nataga alihina watolona.

1 Jon 1:2 Iomraidhean Croise

Jon Nandaꞌafi 1:18

Owa' anona epen nieti Gode. Owa'etin. Nogalomana anama Godi atotona natolona. Anan na'ama etin si'i God. Anan nape felefele' endilisi naloma Ahalomana ea' nawalapa basef ofagema ma ape' nihi'ambapa God.

Jon Nandaꞌafi 1:4

Ambal namunai napaina nape epen anama ea' ambal anama nanda' epes howalas.

Jon Nandaꞌafi 10:28

Ae' ase'am ambal namunai ma meape andeande' la'ela'ef hihif. Amam ina moga', owa'etin. Ina enin epen la'ifina neatagahom lagof ae'ami nefa'am, owa'etin. Amam mope lagof ae'ami la'ela'ef hihif.

Jon Nandaꞌafi 14:6

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Jon Nandaꞌafi 15:27

Ae' a'ipipa, ipe' wapoti' nambimb pi'i basef ae'ami pewalapama esis. Dei' main, ipe' fowa' dambadamba pati asefela maol anda'ana palome pape la'ela'ef pafi'i pataga dei'.”

Jon Nandaꞌafi 16:28

Fowa' gani ae' ape aloma Ahalome ea' akwahona afi'i etap anae'. Dei' ae' a'i ekwaha etap anae' etanima efe'ma anan.”

Jon Nandaꞌafi 17:3

Ambal namunai anama ofagena anama. Esis sogawa ine' etina God endilisinai ea' sogawa endilisi ae' Jisas Krais, ine' nasapa'e afi'i.

Jon Nandaꞌafi 17:5

Ahalome, fowa' etap anae' owa' ata' notagai ae' ape alomena efa' agel lu'unai. Dei' ine' nese'e agel anama lu'unai si'i fowa'.

Jon Nandaꞌafi 19:35

Ae' ati amama naep ae'ami a'ipipa basef amama. Ea' basef amama ae'ami endilisimi atom. Ae' egawa basef amama a'ipipa emi endilisimi a'ipipa ma ipe' wapoti' pembale'efana.

Jon Nandaꞌafi 21:14

Fowa' Jisas nohafel wapoti', nali' nafe'ma afa' alupufai ananifai watolona nimeguf bif. Ea' dei' watolona wapoti' wenif.

Jon Nandaꞌafi 3:13

Ina enin epen etapani nealata gani heven, owa'. Ae' atowe. Ae' ataga epen endilisiwei ea' ae' atowe akwaha heven isila'i, ae' ma'uwi.

Jon Nandaꞌafi 7:29

Ea' ae' egawana. Dei' main, fowa' ae' alomana wape etifigin ea' anan nasapa'e afi'i.”

Jon Nandaꞌafi 8:38

Ae' awalapa basef amama ma amamaga ae' aloma Ahalome ae'anai watolom, ea' a'ipipa basef amama, ea' ipe' panda'am si'i pame' ahalomepa ipe'inai na'ipipa.”

Aposel 10:41

God ina nihi'ambasana Juda hiesi satolona, owa'. Nihi'amba afa' atofa fowa' God nandandepafa ma owalapa basef ananimi. Anan notanima nohafel hi'agif wapoti' ea' wa' gwa'aimi walomana.

Aposel 2:32

Aman anama Jisas God nafelana notanima nohafel wapoti'. Ea' afa' hiafai wati amama dei' wa'iam.

Aposel 3:15

Aman bu'unai ofagena ma ambal namunai, anama ea' pahana naga'. Ea' God nafelona nohafel hi'agif wapoti' ea' afa' biafa wape amam ananifai owalapa basefa amama, wati anan nape namona endilisi.

Aposel 5:32

Dei' afa' waloma Ambal Bu'unai Godi wawalapa basefa amamaga amama hiemi afa' watolom ogawami. God nase'asa Ambal Bu'unai Ananinai ea' ma amam nematawa saila basef ananimi.”

Basef Amama Pol Nandaꞌam Mafeꞌma Esis Romi 8:3

Maol anama mi'uli anama God fowa' naso' Mosesanai owa' la'ifina nonda'ana, God nanda'ana. Dei' main, opalef ape' epesi ina la'ifim. Dei' God nanda' maol anama na'ama. Nasapa'i Nogalomana Ananinai atona nafi'i nataga si'i ape' epes manda' waf aonai. Ama nokwahomapa waf aonai hi'alana. Anan nafi'i ma nokwaha waf aonai ape' epesi noloma nimanimi ma waf anama ea' God nase'anam mapoma anan atona. God nanda'am na'ama dei' nanda' basefa waf aonai ape' manda'anai.

Galesia 4:4

Ea' nogota anama God na'ianai nataga, anan nasapa' Nogalomana ananinai nafi'i etap anae'. Ano'w nemata'w kolana nataga epen nape owina mi'uli esis Juda sailanai.

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

2 Timoti 1:10

Ea' dei' nogota anae' Krais Jisas nafi'i nofa'apa motanimani, anan nataga alihina. Dei' maol ananinai God nagiambamapa na'a nanda'apa mataga la'ifipa mataga alihim. Krais Jisas nikila' ga', ea' basef bu'wami Godi mihima'mapa ambal namunai nape andeande' la'ela'ef.

Taitus 1:2

Ae' anda' maola agiambama bale'ef asasinai ma esis sogawa ma sondanifel sope sohafa ambal anama namunai nope andeande' la'ela'ef. Fowa' gani God ata' owa' nonda' anom amamaga motaga etap anae', anan nali' na'iam ma nose'apa ambal anama ape'. Anan ina nambaso'ami, owa'.

1 Pita 5:1

Ipe' agufipei pimafi esis Kristeni, ae' a'i efela ukup ipe'imi enda'epa petaga la'ifipa. Ae' wapoti' ae' agiliwei imafi esis Kristen. Fowa' aitu ati Krais nofa' nimanimi egawam. Ea' anona nemaf wapoti' itu elomepa ma miti nafifili lu'unai Ananinai notaga. Dei' a'ipipa basef la'ifimi na'ama a'i,

1 Jon 1:1

Afa' wanda' basef amama ma anona aman agilinama Basef anan nase'apa ambal namunai napaipai. Aman anama fowa' gani damba damba nape. Afa' wame' basef ananimi watolona naep mahapilana lagof afa'imi.

1 Jon 2:25

Krais na'ipapa basef endilisimi la'ifimi, Anan anona nemaf nose'apa ambal namunai mope andeande' la'ela'ef.

1 Jon 3:5

Ipe' pegawa Krais nataga ma nakwaha waf aonai ape' manda'anai hi'alana. Anan ina nanda' anona waf aonai, owa'.

1 Jon 3:8

Satan nanda' waf aonai fowa' damba damba nafi'i nafi'i dei' ata' nape la'ela'ef. Emi egafis sanda' waf aonai la'ela'ef sapomanai, esis epes Satani. Nogalomana Godi nafi'i nataga nandawalapa main? Ma nohambombaga opeh Satan nanda'ami.

1 Jon 4:14

Ea' ape' mogawa Ahalomapa nasapa' Nogalomana ananinai ma nofa'ai epes hiesi sape etapi sotanimani ma anan. Ape' mati amamaga amama ma anan nofa'ai epes sotanimai ma'ipasam.

1 Jon 4:2

Ipe' pegawa Ambal Bu'unai Godi na'ama. Emi egafis sa'i, “Endilisi, Jisas Krais nafi'i nataga epen endilisinai”, epes isima Ambal Bu'unai Godi napais opalef asasimi.

1 Jon 5:11

Ea' basef amama endilisimi ma'i na'ama. God nase'apa ambal namunai ma mape andeande' la'ela'ef. Ambal namunai anama Anan nase'apana Nogalomana Ananinai atona.

1 Jon 5:13

Ae' anda' basef mafe'mago ipe' pembale'efa agel Nogalomana Godi. Anda'ama ipe' pegawa dei' pefa' ambal namunai pape andeande' la'ela'ef hihif.

1 Jon 5:20

Ape' mogawa Nogalomana Godi nafi'i ma nose'apa gawa ma mogawa anan God endilisinai. Ape' mape la'ifipa ma Anan endilisinai naloma Nogalomana Ananinai Jisas Krais. God anama endilisinai anan ofagonama ambal namunai napaipa mape andeande' la'ela'ef hihif.