1 Jon 1:1 - Basef Buꞌwami Godi

¹ Afa' wanda' basef amama ma anona aman agilinama Basef anan nase'apa ambal namunai napaipai. Aman anama fowa' gani damba damba nape. Afa' wame' basef ananimi watolona naep mahapilana lagof afa'imi.

1 Jon 1:1 Iomraidhean Croise

Luk Nandaꞌafi 1:2

Fowa' dambadamba Jisas nafela opeh nanda'am ea' amam dambadamba mali' mati amamaga amama naep amamumi dei' mawalipafa basef amama ea' afa' wanda'am mail buk.

Luk Nandaꞌafi 24:39

Ipe' piti lagufi bo'wagah ae'ami. Ae' atowe ea' ma'uwi ape si'iwi. Ipe' pesa lagofa ae' peme'e. Gambefah ina alop naloma bihitagof mapeis si'i pati mape alop ae'anai, owa'.”

Jon Nandaꞌafi 19:35

Ae' ati amama naep ae'ami a'ipipa basef amama. Ea' basef amama ae'ami endilisimi atom. Ae' egawa basef amama a'ipipa emi endilisimi a'ipipa ma ipe' wapoti' pembale'efana.

Jon Nandaꞌafi 20:27

Ea' na'ipa Tomas na'i, “Ine' nesa faf ine'inai ma ae' anae'. Ea' niti lagof ae'ami. Nesapa' lagel ine'inai nuwis lambeh ae'ami nomon. Ina okom bimbiefina nopeina, owa'. Nembale'efa ae' endilisi.”

Jon Nandaꞌafi 5:26

Ambal namunai nape Ahalome atona. Ea' nanda' ae' Nogalomana ananiwei ea' ae' wapoti' ambal namunai napaiwei na'ama etin.

Jon Nandaꞌafi 8:58

Ea' Jisas nagwamasa basef na'ipas na'i, “Ae' a'ipipa endilisi, fowa' gani Abraham mama'wana ata' owa' kolanai, ae' ali' ape.”

Aposel 1:3

Fowa' saha Jisas nefa' nimanimi lu'wami naga' ea' notanima nohafel wapoti' nafe' natagama alupumi ananimi. Ea' nape aon si'inai tu'waninai nanda' pepel hianai ma nihi'ambam mogawa endilisi anan nofa' ambal namunai nape. Nimeguf amama Anan nawalipasa epes hiesi siowis wambota Godi numafias.

Aposel 4:20

Afa' biafa ina feso'mafa malogof, owa'. Afa' owalapa basef hiami ma amamaga watolom wame'am.”

Hibrui 2:3

God nagwamasa nimanimi lu'wami esis sosambala basef Ananimi ensel amama ma'ipasami. Dei' ipe' ukup mape ma'imama? I'i pewa' alafugaha basef Ananimi dei' nagiambamapa nofa'apa mope andeande', anona nemaf ipe' pefa' pefe' pindihi'ama nimanimi amama pi'imama? Owa'. Pefa' nimanimi pelomas. Dei' main, amama nakwahomapa waf aonai nagiambamapa motanimani, ina so'umi, owa'. Lu'wami endilisi. Dembinai atona nali' nawalapam alihima enis epes. Epes isima sihi'ambapa ma mogawa basef amama endilisimi atom.

1 Jon 4:14

Ea' ape' mogawa Ahalomapa nasapa' Nogalomana ananinai ma nofa'ai epes hiesi sape etapi sotanimani ma anan. Ape' mati amamaga amama ma anan nofa'ai epes sotanimai ma'ipasam.

1 Jon 5:7

Ambal Bu'unai Godi naloma embel maloma esimbel, amama wenifim mawalapa basef ofagema amama atom.

Revelesen 1:11

Ea' na'ipi na'i, “Ine' da'a basefa amamaga amama nambimb neatulumi mil buk. Ea' nenda' basef amama mil buk anama mefe' amam nematawa Godi sios 7-peleim sape wambel anama 7-peleina atona etin. Wambel anama agofuguma amama. Efesus, Smerna, Pergamum, Taiataira, Sardis, Filadelfia, Laodisia.”

Revelesen 1:8

Dembinai God pepel hiamunai Anan na'iam na'ama na'i, “Ae' atowe ape Dembiwei la'ela'ef hihif ape ali'i, ape agi'i endilisi.” Ea' Ae' atowe fowa' gani ape, dei' ape, anona nemaf owagama etanima ifi'i.

Revelesen 19:13

Esimbel masa'opa luwaguf ananimi laumi nalami. Ea' esis sofala agel ananinai sa'i, “Basef Godi.”

Revelesen 2:8

Ine' da'a anom basef mofe'ma ensel numafi sios esis amam nematawa Godi sape Smernai. Ae' ape Dembiwei la'ela'ef hihif ape ali', ape agi' endilisi. Fowa' aga', dei' ehafel wapoti' ape namowe ambal napaiwe. Dei' anda'mepago basef amama ipe' a'i,