Wïlöölö 9:6 - Wëël Jwøk

⁶ «Ŋat mo kønynya rem dhaanhø piny jaak, remme okøny dhaanhe mørri piny thuwø; kiper Jwøk dhaanhø acwääe ki kïdö mo caala mare.

Wïlöölö 9:6 Iomraidhean Croise

Wïlöölö 4:14

Neenï, ennø dïcäŋi en aana riemï wøk yïth ŋøøm; ni bëëda naa ba en buutï këët. Ni tïma ni aana dhaanhø maa thääyö jaak mo wïïrö bäät piny; ni kanymør ŋato wäro joot aani jaak a di nääö.»

Wïlöölö 42:22

Ni kö Rubenni jïge, «?Aŋø, kära caanø jïïu ni käru bääyö dëër nyilaal? 'Ba mara käru wïnynyö. Neennu, kawaane ennø, ajäl remme aö bäätø.»

Wïlöölö 5:1

Man beeye luum nyïïkwaac Adam. Dïcäŋa ö Wuuö Jwøki na cwääc dhaanhø, eni dhaanhø acwääe ni rööma Jwøk.

2 Camiel 4:11

Ennø møn, u na wïthu reyø, dhaanhø mo bëëtö mare beer anø 'nägu yi øde bäät pëëm mare. ?Aŋø, gïno tïïa dëëtu ba tïmö ni kadha eni ki mana tïïa dëër ŋata wääny aani? Aani kwör rem Icböcëth coola coolø dëëtu ni dïïra wïthu bäät pinyi en.»

1 Nyeye 2:9

'Ba ennø, kär raŋï kaamar dhaanhø mo kär bääyö; kee ïïna dhaanhø mo wïïï leer, mo gïno tïïyï dëëre ŋäyï. 'Ba eni, këël na bëëde ni wïïe da lwaar enø, wär 'nägï.»

2 Nyeye 11:1

'Ba kanya ö Athaliya mii Akadhiya na joot gø ni wääde othøw, ena ö maal ni 'näk jiy bëët moa en dhi øt nyec.

2 Nyeye 11:16

Kanyøgø nyijøøgø aputge mak; 'ba kanya tïme ni eni pïï dhi kal man wø døny okwëënyi ki yie deŋ øt nyeya, ena put 'näk kaace.

2 Nyeye 11:20

Kanyøgø jø paac bëët yïthge aput mïnnö, ni ö päänynyi ni neebäc, kiper mana 'näkge Athaliya ko opëëllö deŋ øt nyeya.

2 Luup Nyeye 33:24

Ni ö jø kööre moe ni tutge ki luubö kipere, ni putge gø 'näk yi øtø mare.

Bwøth Wøk 20:13

«Kärï nägö ki dhaanhø.

Pwöc Leec Wïc 28:17

Ŋat mo dëëre da kwör dhaanhø mo rem gø ee køny piny bëëdö ni bëënna böö këël aŋuun thøø mare; eni, kär dee ŋat køny gø.

Luup Dïpööy 3:3

Da caa mar 'näk, ki caa man wëëk jiy kwøw yie; da caa man toor uudi piny yie, ki caa man geer uudi yie.

Ciik Kiper Dïlämme 17:4

ni käre käl dho oduŋkaany røømmø ni cïp gø no olämi jï Wuuö Jwøk nyïm oduŋkaara mar Wuuö Jwøk kaagø, ajäla mar remø mana øc piny tïmö ni ena bäät ŋatøgø. Eni remø akøny piny ki jaak, ni teeŋ ŋatøgø wär tïme ni tøør yïthakic tuuŋge.

Ciik Kiper Dïlämme 24:17

« ‹'Ba ni näk mo dhaanhø nyääga jwïëc dhaanhø, ka adïëri møn, eni wär put 'näk.

Kwään Jiy 35:16

«'Ba ni näk dhaanhø wati di gøø ki nywïënyö, ni ö ŋata gøøc ni thøøe, ŋata gööyö enø beeye dïnääy, ni dïnääy manøgø doo nääö.

Kwään Jiy 35:25

Ni gwøkge ŋata näk ree da kwör cer ŋat wø cool kwör, ni dwøkge gø pääny mar gwøk røk kanya reŋ yie. Køøre eni doo bëëdö kaace këël mano thøw Kwääy Lam Mana Dwøŋ, ŋata näk ojørø ki maara en kur keere.

Kwään Jiy 35:33

«'Ba ciik moøgø dou gwøø nee ŋöömö mano bëëdu yie nee ba ränynye. Kiper køny remø piny, ŋöömö di raanynyø; ni bäŋ gïn mo wëënna bääyö yi ŋöömö mo remø okøny piny yie, ni näk mo paa rem ŋata køny rem dhaanhø piny keere.

Mathiew 26:52

'Ba Jecu aköö jïre, ni «Dwøk opëëllö marï kare. Kiper jiy bëët mo wø kwaany opëëllö, onäk ko opëëllö.

Wëëlö Mana Göör Pøølli Baŋ Jø Röm 13:4

Kiper kwäärö ena ŋat tïïc mar Jwøk kiper niï bëënynyï. 'Ba ni näk miï tïïya gïn mo raac, wär lwäärï. Kiper eni opëëllö bäŋ wø kääri jaak. Kiper ena ŋat tïïc mar Jwøk, ŋat wø tïïc ajäla dëër ŋat wø tïïc raay.

1 Körin 11:7

'Ba dïcwøø ba doo løny ki man loop wïïe, kiper mana tïme ni ena kïdö na ajiem mar Jwøk. 'Ba dhaagø beeye ajiem dïcwøø.

Tiet Ciik 19:11

«'Ba ni näk da dhaanhø mo män ki watge, ni møør piny nyïme, ni ö maal, ni gøøc gø, ni thøøe, ni reŋ yi pääny aciel røk päänye moi na adäk ii,

Tiet Ciik 5:17

« ‹Kärï nägö ki dhaanhø.

Jeemeth 3:9

Ni beeye eni wø pwøø Kwäärö na näk Wääø ki gø, ni cäŋø jiy ciennø ki gø, jøøa näk ocwääö ni kïtge rööma kït Jwøk.

Mana Nyooth 13:10

Ni näk da ŋat mo dëëre da weny peec ri leny, eni put ka peec. 'Ba ni näk da ŋat mo dëëre da weny thøw opëëllö, eni di nääö ko opëëllö. Man nø, manynya jïëny gïï mo leth ki ŋäädhe mar jø Jwøk.

Pïëmme 9:56

Kanyøgønø, gïna tïïc Abimëlëki na raac, ni beeye gïna tïïe dëër wänni na nyääk jwïëc uutwänni moa näk pïërabïriiø, gïnögø acool Jwøki dëëre.

1 Camiel 15:33

'Ba Camiel aköö, ni «Kaawat mana ö opëëllö marï na tïïc mään ni bäŋ obwöre, meru thuwø dööŋ ni bäŋ nyilaal jïre dï mään bëët.» Ni ö Camielli ni put Agaak ŋørø na thäŋi Gëlgela nyïm Wuuö Jwøk.