Wïlöölö 9:5 - Wëël Jwøk

⁵ Ka adïëri møn, kwör rem kwøw maru coola coolø dëët lääy bëët. Ni coola gø thuwø dëët jiy bëët. Kwör rem kwøw mar dhaanhø coola coolø dëër ŋati man nø.

Wïlöölö 9:5 Iomraidhean Croise

Wïlöölö 42:22

Ni kö Rubenni jïge, «?Aŋø, kära caanø jïïu ni käru bääyö dëër nyilaal? 'Ba mara käru wïnynyö. Neennu, kawaane ennø, ajäl remme aö bäätø.»

2 Camiel 4:11

Ennø møn, u na wïthu reyø, dhaanhø mo bëëtö mare beer anø 'nägu yi øde bäät pëëm mare. ?Aŋø, gïno tïïa dëëtu ba tïmö ni kadha eni ki mana tïïa dëër ŋata wääny aani? Aani kwör rem Icböcëth coola coolø dëëtu ni dïïra wïthu bäät pinyi en.»

1 Nyeye 2:6

'Ba ennø, tïïyï ki køør leec wïc marï; këël na bëëde ni wïïe da lwaar, kär weyï nee thøøe keere; wär 'nägï.

2 Nyeye 11:1

'Ba kanya ö Athaliya mii Akadhiya na joot gø ni wääde othøw, ena ö maal ni 'näk jiy bëët moa en dhi øt nyec.

2 Luup Nyeye 24:22

'Ba nyeya ma Jöac, Dhekaraya anääe ni wïïe käre caarø ki Jööda wää Dhekaraya na nyooth mëër mare jïgø. 'Ba kanya tïm Dhekaraya ni manynya thøø, ena köö, ni «Wuuö Jwøk ïïno neene ni cool kwör dëërï.»

2 Luup Nyeye 33:24

Ni ö jø kööre moe ni tutge ki luubö kipere, ni putge gø 'näk yi øtø mare.

2 Luup Nyeye 33:25

Køøre jiy bëët moa tudö ki luubö bäät Amön, gena put jø paaci 'näk, ni røønyge wääde ma Jöcaya na nyeya kar gø.

Bwøth Wøk 20:13

«Kärï nägö ki dhaanhø.

Bwøth Wøk 21:12

«Ŋato gøøc dhaanhø mør ni thøøe, ka adïëri møn, eni doo nääö.

Ciik Kiper Dïlämme 19:16

« ‹Kärï wïdö yïthakic jiy ni marï waac nyeŋ, ni ba jølï luubö mo raanynya jwïëc wadu. Beeye aani na Wuuö Jwøk.

Ciik Kiper Dïlämme 24:17

« ‹'Ba ni näk mo dhaanhø nyääga jwïëc dhaanhø, ka adïëri møn, eni wär put 'näk.

Ciik Kiper Dïlämme 24:21

Ŋat mo 'näga lää paac, kar gø wär coole; 'ba ŋat mo 'näga dhaanhø, eni wär 'näk.

Kwään Jiy 35:16

«'Ba ni näk dhaanhø wati di gøø ki nywïënyö, ni ö ŋata gøøc ni thøøe, ŋata gööyö enø beeye dïnääy, ni dïnääy manøgø doo nääö.

Kwään Jiy 35:17

Wala ni näk dhaanhø cere da kïdi mo løny ki man 'näk dhaanhø ki gø, ni këël wati ki gø, ni ö ŋata këël ni thøøe, ŋata këëtö enø beeye dïnääy, ni dïnääy manøgø doo nääö.

Kwään Jiy 35:18

Wala ni näk cer dhaanhø da jaath mo løny ki man 'näk dhaanhø ki gø, ni gøøc wati ki gø, ni ö ŋata gøøc ni thøøe, ŋata gööyö enø beeye dïnääy, ni dïnääy manøgø doo nääö.

Kwään Jiy 35:21

wala ni näk mo dhaanhø män ki wati, ni gøøc gø ni cere ee miiø, ni thøw ŋatøce, ŋata gööyö enø doo nääö, kiper ena dïnääy. Ŋat wø cool kwör, dïnääy manøgø dee nääö kany wø røømge ki gø jaak.

Mathiew 23:35

'Ba kwör rep jøøa beyø na køny piny bäät piny oduu bäätu, ni tägi ka rem Eebel na näk mare beer këël mano këët ri rem Dhekaraya o Barakia, ŋata 'nägu yaakic Øt Jwøk Mana Dwøŋ ki gïn wø cïp olämme bääte.

Moa Tïïc Nyïïatwieli 17:26

Ni eni wïth juurre bëët tïïe ka dëër dhaanhø aciel, nee bëëtge bäät piny bäre, ni cïp nïr bëëtö jïge ki nyeŋ keee mo kwör bëëte moge,

Tiet Ciik 19:11

«'Ba ni näk da dhaanhø mo män ki watge, ni møør piny nyïme, ni ö maal, ni gøøc gø, ni thøøe, ni reŋ yi pääny aciel røk päänye moi na adäk ii,

Tiet Ciik 19:12

jø døøŋŋø mo pääny mana bëëde yie doo jäägö ki jiy ni lwørge eni kaace, ni duuge gø cer ŋata doo cool kwör, kiper nee 'näk.

Pïëmme 9:56

Kanyøgønø, gïna tïïc Abimëlëki na raac, ni beeye gïna tïïe dëër wänni na nyääk jwïëc uutwänni moa näk pïërabïriiø, gïnögø acool Jwøki dëëre.