Wïlöölö 9:4 - Wëël Jwøk

⁴ «'Ba rïŋö mo remø mare poot ena dëëre kär cammu, kiper remø beeye jwïëy moe.

Wïlöölö 9:4 Iomraidhean Croise

Edhikiel 33:25

Kiper manøgønø, caanï jïge ni man beeye luumma caan Kwäärö Wuuö Jwøki, ena köö, ni ‹Uuna cämö ki rïŋ mo rege da rem, ni wøørru kït gïï wø lammu, ni kunynyu piny ki rem jiy. ?Aŋø, løny ki man lwørru ŋöömö na maru?

Ciik Kiper Dïlämme 19:26

« ‹Rïŋö mo remø mare poot ena dëëre kär cammu. « ‹Käru tïïö ki jap adïëda wala u tïïya tïï thïëth.

Ciik Kiper Dïlämme 3:17

« ‹Manøgø tïmö na ciik mo bëëdö na bäre bäre ki yïth beenhnhe mou bëët ki yïth kwöro bëëdu yïthge bëët, nou ba doo cämö ki gïn ma maaw wala gïn ma remø.› »

Ciik Kiper Dïlämme 7:26

'Ba uuni kwöro bëëdu yïthge, käru cämö ki rem wenyø wala rem lääy.

Moa Tïïc Nyïïatwieli 15:20

'Ba ø doo gööta baŋge nee bëëtge ni karge bäyö ki jap juu na reyø, ni wecge käp, ni ba cämge ki gïn mo odeeø, ki remø.

Moa Tïïc Nyïïatwieli 15:25

Kiper manøgønø, yïthwa atïmö ni met ya acooŋa marwa ki man jëëtwa ki jiy nee jääŋwa baŋu, nee löömge ko omëëyø ma Barnaba ki Pøøl,

Moa Tïïc Nyïïatwieli 15:29

ki man bëëdu ni karu bäyö ki gïï mo onää jï juu, ki cam remø, ki gïn mo odeeø, ki käp. Ni näk dëëtu you gwøø ki gïïögø, maru doo beer. Turu nø.»

Tiet Ciik 12:16

'Ba remø keere kär cammu; wär kønynyu piny kaamar pïï.

Tiet Ciik 12:23

'Ba gwøgu rou ki man ba cammu remø, kiper remø beeye jwïëy, ni jwïëy ba dou camø ki rïŋö na aciel.

Tiet Ciik 14:21

«'Ba gïn mo thøwa e keere kär cammu, kiper uuna jiy mo ena kur keeru jï Wuuö Jwøk na näk Jwøu. Løny jïïu ki man cïp gïn mo thøwa e keere jï wëëllö mo path mo bëëdö yi pääny maru kiper nee came, wala løny jïïu ki man dwøgu gø pwödhö ki jur. «Kär nyidiel thaallu ki caa menni.

Tiet Ciik 15:23

'Ba kär remme cam. Wär køny piny kaamar pïï.

1 Timöthi 4:4

Kiper jammi bëët moa näk ocwääc Jwøki, beyø, ni bäŋ gïn mo doo kwierø ni näk tïïc ni nyeŋ Jwøk opwøø kipere.

1 Camiel 14:32

Kanyøgønø, jø Icriel aput läät kuna twierge dïëk, ki dhäk, ki nyïïrøøe, ni putge lääy moøgø ŋarø piny yïth ŋøøm kaagø; ni putge rïk lääy moøgø cam ni rege ege jääbö ki rem jaak.