Wïlöölö 9:15 - Wëël Jwøk

¹⁵ Ni ö aani ni para wïïa ki luumma tuuda na en yïthakiyø ki uuni ki gïïa kwøw bëët, ni pïï ba cäŋ duuö këët na jwïïö kuna raany gïïa kwøw bëët.

Wïlöölö 9:15 Iomraidhean Croise

Wïlöölö 8:21

Ni ö Wuuö Jwøki ni ŋwääc gïna duuŋ ni met, ni kööe ki cwïnye, ni «Aani køør man nø, piny ba cäŋa ciennø këët kiper gïna tïïc dhaanhe. Kiper acaac dhaanhø man wø caare ki cwïnye ki mana täge thïnhö cøøn beeye acaara mo raac cooth. Aani thuwø gïïa näk kwøw bëët ba cäŋa raanynyø këët kaawat mana tïïa en.

Wïlöölö 9:10

Ni tuuda gø thuwø ki gïïa kwøw bëët na en buutu, ni beege weny ki lääc paac ki lääc paap bëët na en buutu, na näk gïïa ö wøk bëët ki yi jääy ki uuni na aciel, këël mana këët ri lääc bäät piny bëët.

Wïlöölö 9:11

Luubö mara tuuda tuudö ki uuni. Køør man en nø gïïa kwøw bëët bäät piny ba doo ränynyö këët ki jwïïö, ni doo bäŋ jwïïö mo duui këët mo caala man mo raanynya piny bäre.»

Wïlöölö 9:14

Køøre kany wäro käla pøøl bäät piny, daanø puta nëënnö yïth pøøl.

1 Nyeye 8:23

Ni kööe, «Wui Wuuö Jwøk, Jwø Icriel, bäŋ Jwøk mo caala ïïni maalø wala bäät piny, mo luumma tuude ki jiy ee gwøø, ni nyooth mëër mare ni wø ba jøøl jï jiye mo wø tïïö ka adïëri nyïme ki cwïnyge bäre.

Neemiya 9:32

«'Ba ennø, ï na Jwøk marwa en, ï na Jwøa dwøŋ na teek, ni wø kwany dëëlli nyïme, ni wø gwøk luum mëër mana näk ba jøøl na tuude, gïï ni wø tägi ni leth ii, kär nëënö jïrï kaamar nyi gïn mo thiinh jaak, ni beege gïïa tägö dëëtwa, ki dëët nyeye mowa, ki dïbwöthe mowa, ki dïlämme mowa, ki nyïïkuk Jwøk mowa, ki kwäcwa, ki jiyï bëët, ni beeye ki mana täge ki ri nïr nyeye mo jø Aciria këël dïcäŋi en.

Bwøth Wøk 28:12

Køøre kïte moøgø na ariiø yøø wär kïth kwöra näk da göök abïïna cwøl ni ëëput, nee bëëtge na kïte mo wïc di parø ki køørge kiper nyeŋ wäät Icriel na en dëëtge, ni ö Aranni ni käl nyeŋge nyïma, a na Wuuö Jwøk, ni ena røk gööge karge riet, kiper nee wïc wø par ki ge.

Jeremaya 14:21

Kär wa jarï, kiper nee nyeŋŋï ba ränynye; kär niï tïïya kar ajiem wälu marï nee jøøŋŋe; 'ba beerra man lääŋŋï luumma tuutï ki waani, ni ba raanynyï gø.

Edhikiel 16:60

'Ba aani wïïa poot para parø ki luumma tuuda ki ïïni yïth nïr thïnhö moï. 'Ba ennø, a tudö ki luubö ki ïïni mo bëëdö na bäre bäre.

Luk 1:72

nee mëër mare nyoodhe jï kwäyø, ni lääŋŋa luumme na en kur keere na tuude ki geni,

Tiet Ciik 7:9

Kiper manøgø nø, wär ŋäyu ni Wuuö Jwøk na näk Jwøu beeye eni na Jwøk keere, ni ena Jwøk mo maar ka ŋääth; ni luumma tuude, ki mëëye ni wø ba jøøl, bëëdö ni gwøe gwøø ki yïth beenhnhe ma kume mo ba løny ki kwaan jï jø wø mëër ki eni ni wø gwøk ciik moe.