Wïlöölö 8:21 - Wëël Jwøk

²¹ Ni ö Wuuö Jwøki ni ŋwääc gïna duuŋ ni met, ni kööe ki cwïnye, ni «Aani køør man nø, piny ba cäŋa ciennø këët kiper gïna tïïc dhaanhe. Kiper acaac dhaanhø man wø caare ki cwïnye ki mana täge thïnhö cøøn beeye acaara mo raac cooth. Aani thuwø gïïa näk kwøw bëët ba cäŋa raanynyø këët kaawat mana tïïa en.

Wïlöölö 8:21 Iomraidhean Croise

Wïlöölö 3:17

Ni kö Wuuö Jwøki jï Adam, ni «Kiper mana leŋï dwør cïïï, ni camï nyi jaath mana köömma ïïni ki gø, na kööa, ni ‹Kärï cämö ri gø›, «Ŋøøm aciena kiperï; cam marï ojootï ki køør öölö mo teek døc yïth nïr kwøw moï bëët.

Wïlöölö 4:12

Kany wäro puurï ŋøøm, bäŋ gïn mo ciek yie jïrï na bäre. Ïïno tïmö na ŋat mo thääyö mo wïïrö jaak bäät piny.»

Wïlöölö 5:29

Køøre nyeŋ gø acaae ni Nöa, ni kööe, ni «Ŋati en beeye ŋato jïtø ki cøm cwïny ki køøre ri öölö marø mana joodø ki køør tïïc mana leth kany wø puurø ŋöömö mana cien Wuuö Jwøki.»

Wïlöölö 6:13

Køøre Jwøk aköö jï Nöa, «Aani, aŋuun bëëtö mar jiy bëët anø ŋøla; kiper piny apäŋ ki gïï mo leth ki køør gïïa tïïcge. 'Ba ennø, ge raanynya raanynyø ki piny bëët na aciel.

Wïlöölö 6:17

Ennø, aani jwïïö jääŋŋa jääŋŋö bäät piny, kiper nee gïn ma dëël jaak mo ree da jwïëy mo kwøw bäät piny nee raanynya. Ni ö gïïa kwøw bëët moa en bäät piny ni putge thøø.

Wïlöölö 6:5

Ni ö Wuuö Jwøki ni joot rääö mar dhaanhø no opällö bäät piny, ni gïï wø caar dhaanhe bëët ki cwïnye beege gïï mo reyø keerge.

Wïlöölö 6:7

Ni kö Wuuö Jwøki, «Aani dhaanhø mana cwääa raanynya raanynyø bäät piny, ki mano täge ki dhaanhø këël mano këët ri lääy, ki gïï wø muuli, ki wec maal bëët; kiper cwïnya apädhö kiper mana cwääa geni.»

Jööp 14:4

?Aŋa ni løny jïre ki man tïïc gïn mo ba waany ni waany? Bäŋ dhaanhø mo løny jïre!

Bwøth Wøk 29:18

Ni cïpï nywø røømmø manøgø bäre no olämi man wø waaŋ bäät gïn wø cïp olämme bääte; ni beeye olämi man wø waaŋ bäre jïra, a na Wuuö Jwøk, ni beeye gïn mo ŋwäänynye met, ni näk olämi man wø waaŋ jïra, a na Wuuö Jwøk.

Bwøth Wøk 29:25

Ni lwørï gïïögø ceŋge, ni waaŋï ge ko olämi man wø waaŋ bäre bäät gïn wø cïp olämme bääte, na gïn mo ŋwäänynye met nyïma, a na Wuuö Jwøk; ni beeye olämi man wø waaŋ jïra, a na Wuuö Jwøk.

Pwöc Leec Wïc 20:9

?Aŋa ni maar köö, ni «Aani, cwïnya bëëdö ni tøŋ, naa bëëdö naa waany, ni bäŋ raay dëëra»?

Luup Dïpööy 7:20

Ka adïëri møn, bäŋ dhaanhø mo mare adïëri bäät piny kany, mo bëëdö ni tïïya gïn mo beer cooth, ni ba bääyi.

Aydheea 47:12

«'Ba ennø, put bëëtö niï poot tïïya tïïe mo wø tïïyï ki thïëth marï, ki jap ajuuk moï na thööth, na bëëdï niï tïïya ge ki mana kälï thïnhö; kanymør niï köö ni duunnö riï, ni kanymør jiy tïïyï tïïö nee lwäcge.

Aydheea 47:15

'Ba teeŋ gïnögø bee gïno tïïcge kiperï, ge na tïïï ki geni na öölï, ni marï gath ki geni ki mana tägï ki thïnhö. ŋati man nø dëëtge aay ni thääyö ki jööre keere. Ni tïme ni bäŋ aciel dëëtge mo piema ïïni.

Aydheea 48:8

'Ba gïïögø käru wïnynyö, ni tietge kuyu. Ki kany mo bäär cøøn, ïthu poot kär jäpö, kiper ŋääa møn nou doo tïïö ki riek waŋ mo raac døc. Uuni, u ŋäc ki man näk mo uuna jø ageem ki mana nywöl uuni.

Aydheea 53:6

Øøni bëët, øøna tïmö kaamar rööm mo orwäänyö, ŋati man nø dëëtø ena gak ki waŋjööre keere. 'Ba Wuuö Jwøk raay 'moø bëët akïth bäät gø.

Aydheea 65:6

«Ka adïëri møn, gïïögø bëëdö no ogöör piny nyïma, naa ba lïŋi, 'ba gïïa tïïcge coola coolø. Aani, gïïa tïïcge dwøga bäätge,

Jeremaya 17:9

Cwïny dhaanhø yie da cwøk mo kaala jammi bëët, ni rääye okadhø døc; ?Aŋa noo ŋäc acaac gø?

Jeremaya 18:12

'Ba geno köö, ni ‹Bäŋ gïn løny jïwa këët na bäre bäre; waani, wa poot cäädhö køør acaare mowa, ni ö ŋati man nø dïwa ni tïïe ki køør teek wïc mare na öö ki køør rääö mana en cwïnye.› »

Jeremaya 8:6

Aani, ïtha aciia ni wïnynya luup moge, 'ba ge cara luup mo patha adïëri. Bäŋ ŋat mo cwïnye opädhö ki bääyö mare, mo wïïe ee parø ki gïna raac na tïïe. ŋati man nø atïmö ni lääta køør gïï wø manynye kaamar okweeny mo lääta baŋ leny.

Edhikiel 20:41

Uuni, u pänhnha pänhnhö kaamar gïn mo ŋwäänynye met, kanyo duua uuni wøk ki baŋ wïth juurre noo cuuŋa uuni ki yïth mïëri moa näk uuno keethø yïthge; køøre dëëra nyoodha nyoodhø jïïu ni nëënö jï wïth juurre ki man näk maa ena kur keera.

Ciik Kiper Dïlämme 1:13

Ŋata cïp olämi manøgø, ec ki tiel wär penye ki pïï. Køøre dïlämi olämi manøgø bäre lwøre lwørø ni waaŋ gø bäät gïn wø cïp olämme bääte, ni beeye olämi man wø waaŋ bäre, no olämi man wø waaŋ ki maac man wø ŋwääi ni met jï Wuuö Jwøk.

Ciik Kiper Dïlämme 1:17

Køøre dïlämi bwöp gø maae maaø ni jeec gø, 'ba ba pääŋŋe ki dïëre bäre, ni ö eni na dïlämi ni waaŋ gø bäät gïn wø cïp olämme bääte, bäät jenni moa no oäbö. Ni manøgø beeye olämi man wø waaŋ bäre, no olämi man wø waaŋ ki maac man wø ŋwääi ni met jï Wuuö Jwøk.

Ciik Kiper Dïlämme 1:9

Ŋata cïp olämi manøgø, ec ki tiel wär penye ki pïï. Køøre dïlämi olämi manøgø waaŋe waaŋø bäre bäät gïn wø cïp olämme bääte, ni beeye olämi man wø waaŋ bäre, no olämi man wø waaŋ ki maac man wø ŋwääi ni met jï Wuuö Jwøk.

Ciik Kiper Dïlämme 26:31

Päänye mou oraanynya na bäre ni nigeruuth, ni raanynya kwör lam mou, ni tïm muuce mou mo wø waaŋ ni wø ŋwääi ni met ni ba ŋwääi jïra këët.

Ciik Kiper Dïlämme 4:31

Ni ö eni ni käl maar olämi wøk bäre, kaawat man wø käl maaw wøk ki ro olämi man wø duunni ki mëër. Ni ö eni na dïlämi ni waaŋ gø bäät gïn wø cïp olämme bääte na gïn wø ŋwääi ni met jï Wuuö Jwøk. Ni manøgø tïïc dïlämi no okïdi kiper ŋatøgø; køøre eni di wëënnö.

Ciik Kiper Dïlämme 8:28

Køør manøgø, Modhe gïïögø akäl wøk ceŋge ni waaŋ geni bäät gïn wø cïp olämme bääte, ni ee dwal bäät olämi man wø waaŋ bäre, ni manøgø beeye olämi mar rööny man wø ŋwääi ni met ni wø waaŋ ki maac jï Wuuö Jwøk.

Kwään Jiy 15:3

u doo cïpö ko olämme mo wø waaŋ bäre jïra, a na Wuuö Jwøk, ni beege olämme mo käla røk pïïth dhäk wala dïëk. Olämme moøgø beege mo wø waaŋ bäre wala mo waaŋŋa thääŋŋe, ni cïp kaper kööŋ mana kööŋö ki gø, wala cïp ka køør met ec, wala cïp kiper ajwöm mou moa näk nïne moge ocïp piny, nee tïme na gïn mo ŋwäänynye met jïra, a na Wuuö Jwøk.

Mathiew 15:19

Kiper acaare moa reyø wø ööi ka yi cwïny, teeŋ ka 'näk, ki luk, ki käp, ki käw, ki caan gïn mo patha adïëri, ki waac nyeŋ.

Jøøn 3:6

Gïn wø nywøl dëëlli beeye dëël, 'ba gïn wø nywøl Jwïëc Jwøki beeye jwïëy.

Wëëlö Mana Göör Pøølli Baŋ Jø Röm 1:21

Kiper geni këël na ŋäcge Jwøk, eni kärge wøørø kaawat mana dege Jwøk wøørø, ni met ec kärge dwøk baŋ gø. 'Ba gena rwäänyö ki mana dege caarø, ni tïm cwïnyge ni bäŋ gïn jootge këët.

Wëëlö Mana Göör Pøølli Baŋ Jø Röm 3:23

'Ba kiper mana tïm jiyi bëët no obääyö ni geno kääŋö ka ajiem Jwøk,

2 Körin 2:15

Kiper wa caala gïï mo ŋwäänyge met mo Krictø ki nyïm Jwøk dï jø wø piem ki jø wø raanynyi.

Epeca 5:2

Ni caathu jöör mëër, kaamar Krictø na mëër ki øøni ni cïp dëëre kiperø na jëëdhi mo ŋwääö ni met no olämi man wø 'näk jï Jwøk.

Pilipay 4:18

'Ba aana nø jïtö ki muuce baŋu mo thööth døc, ni jäŋa ki muuce moa cïbu cer Eparödaata, na näk caala olämi man wø waaŋ ni ŋwääö ni met, man wø jïëc Jwøki ki gø, ni wø met yie ki gø.

1 Jøøn 5:19

Ŋääø ni øøna mo Jwøk, ni piny bäre ena kur ŋata raac.

1 Camiel 26:19

'Ba ennø, ï na nyeya mara, beerra man wïnynyï luupa, a na dhaanhnhï. Ni näk mo beeye Wuuö Jwøk na tïïc ïïni niï ööï maal bääta, beerra man ö Wuuö Jwøki ni jïëc olämi ni raanynya luubö manøgø yïthakiyø; 'ba ni näk mo tïïya jiyi, acïëni oen bäätge nyïm Wuuö Jwøk, kiper dïcäŋi ge riema aani wøk nee kara tïme ni bäär ki jø powa ni beege jic Wuuö Jwøk, ni marge köö, ni ‹Ci tïny juu møøk.›