Wïlöölö 8:1 - Wëël Jwøk

¹ 'Ba Jwøk wïïe kär wïl ki Nöa ki lääc paap bëët ki lääc paac bëët moa en buute yi jääy. Ni ö Jwøki ni wëëk jamø kwönnö bäät piny; ni ö pïïyi ni døøkge.

Wïlöölö 8:1 Iomraidhean Croise

Wïlöölö 19:29

'Ba kanya ö Jwøki na raany päänye moøge ki gøli moge, eni wïïe kär wïl ki Eeberam, ni käl Løøt wøk ki yi paana raanynyi na bëëde yie, ni raany gø ni Løøt tøør yie.

Wïlöölö 30:22

'Ba Jwøk wïïe acaare kiper Reecal, ni wïny mar gø, ni wëëk gø nyöödö.

Wïlöölö 9:10

Ni tuuda gø thuwø ki gïïa kwøw bëët na en buutu, ni beege weny ki lääc paac ki lääc paap bëët na en buutu, na näk gïïa ö wøk bëët ki yi jääy ki uuni na aciel, këël mana këët ri lääc bäät piny bëët.

Neemiya 13:14

'Ba ï na Jwøk mara en, lääŋ aani ni ba rwääny tïïe 'moa jïrï ni beege tïïe 'moa na beyø na tïïa kiper øtø marï, ki mana cïïmma jiy yie mo tïny ïïni.

Neemiya 13:22

Køøre aani, jø tuuŋ Libay aköömma nee dëëtge cïpge kur keerge ki man bëëtge ni ge waany, nee cige nee dhøgi mo kiir koorge ki man bëët cäŋ jwömö ni ena kur keere na mar Jwøk. 'Ba ï na Jwøk mara en, lääŋ aani kiper gïn thuwø na tïïa, ni nyoothï met ec marï jïra ki køør mëër marï na päl ni wø ba jøøl.

Neemiya 13:29

'Ba ï na Jwøk mara en, kär wïïï wïl ki geni kiper gïna tïïcge na jääpge kunhnhö mar dïlämme ki kunhnhö mo ba waany, ni raanyge luubö mana tuut kiper tïï dïlämme, ki mana tuut kiper tïï jø tuuŋ Libay.

Neemiya 13:31

Aani thuwø jöö man käl jenni moa näk otal ki gø, ki caammi mo wø kwøŋ ciek, atïïa, ni jøøi nø moge kälge ka yi kanya näk ocaanø jïge. 'Ba ï na Jwøk mara en, lääŋ aani ni beer.

Jööp 12:15

Ka adïëri møn, eni, kany wø wëëk køth cuŋŋö, piny tal; ni kany wø wëëk køth pädhö, piny nithar.

Jööp 14:13

«Wui, doo beerra man kanï aani yi bwörö, ni cïëgï gø bääta këël kanyo pööth wëërri marï. Doo beerra man cïbï nïne 'moa piny, ni parï wïïï ki aani.

Dut Pwøc 132:1

Bwøth Wøk 14:21

Køøre Modhe cere arwiee bäät Naama Kwaar; ni ö Wuuö Jwøki ni dwøk naam ŋääe ki køør jamø mana teek na tïïe nee kwöde ki yi wäär bäre, ni kwönni ki jï løø kur tuul-cäŋ, ni ö pïïyi ni pääŋge rege, ni ö naammi ni tale.

Bwøth Wøk 15:10

'Ba ïïni jamø marï awëëgï kwönnö, ni ö Naama Kwaarri ni mwøny nyïïmän bëët; ni negelïŋ piny kaamar ley yïth pïïa teek.

Bwøth Wøk 2:24

Køøre Jwøk cooyø marge awïnynye; ni ö Jwøki ni par wïïe ki luumme na tuude ki Eeberam, ki Aydhak, ki Jeekap.

Pwöc Leec Wïc 25:23

Da jamø mo kwödö mo wø kännö ki køth, ni leep mo waya nyeŋ wø duua agääde.

Aydheea 44:27

Bee aani ni wø köö ki naama dwøŋ na päŋ, ni ‹Talï!› ni puta nyeŋŋi moe taal.

Jeremaya 50:38

Ajäl meel opïï yi ŋöömö mare bäre, pï näm moe otal! Kiper beeye paac mo bëënna juu mo otieŋø, ni wø bøøl ri juu mo otieŋø ni wø duu lwär.

Amøc 8:7

Wuuö Jwøk ni wø jït jic Jeekapi ka atöör kipere akööŋ dëëre keere, ni kööe, ni «Røk gïïa tïïcge bëët bäŋ gïn mo wïïa wïl ki gø.

Joona 4:11

?A aani, cwïnya a ba dee pädhö nidïï kiper Nineba, päänya dwøŋ na näk yie da jiy mo kaala kume ma dïpa ki pïërariiø, jøøa näk bäŋ gïn mo ŋäcge ki man gaage bäät cwïcge ki bäät cämge, na näk jïge da dhäk mo thööth thuwø?»

Neeyam 1:4

Eni naama dwøŋ di jooø ni taal gø, ni taal näm bëët. Ni ö luumme mo pwöle mo Baacan ki jer Kïn Karmël ni talge, ni ö jer Lur Libaanø moa no oŋøøk ni talge.

Abakuk 3:2

Wui Wuuö Jwøk, lïëŋ mar nyeŋŋï awïnynya, ni thäŋ yia ki gïr tïïe moï. Wui Wuuö Jwøk, tïïe moa tïïyï, cäŋ tïïyö kar kany ennø, niï tïïya geni nee ŋäc yïth cwiiri moi. Nyooth met ec këël na bëëdï ni ïïno wëër.

Dhekaraya 10:11

Geni, ge puta pöödhö ki yi bëëtö mo leth mo caala athaŋ naama dwøŋ, 'ba aani, athaga manøgø gøøa gøø, nee kwöra päŋ mo Naam Nail talge, ni ö atöör mar Aciria ni puti dwøk piny, ni ö teeki mar Ijep ni ränynye.

Kwään Jiy 10:9

'Ba kany wäro cou baŋ leny nou këëdu ki nyïïmännu mo wø many uuni nou dïïmge yi ŋöömmu, tuŋi doo koodhø ni di layø, kiper nee Wuuö Jwøk na näk Jwøu wïïe pare ki uuni, ni piem uuni ceŋ nyïïmännu.

Kwään Jiy 22:32

Ni kö nyïïatwiel maalli mar Wuuö Jwøk jïre, na «?Aperŋø na pöötï arëën marï kwöre adäk en? Aana ö kany kiper niï mäna, kiper gïno tïïyï enø beeye gïn mo duunnö ki ränynyö nyïma.

Mana Nyooth 16:19

Ni ö paana dwøŋŋi ni kaaŋŋe na thäŋi adäk, ni ö mïëc pinynyi ni päthge, ni ö Jwøki ni par wïïe ki gïr Babiløn na dwøŋ, nee wëëk mäthö ya athöödhi na päŋ ki wëëye na raac døc.

Mana Nyooth 18:5

Kiper raay moe rege alöörge ni këëtge maalø, ni ö Jwøki ni par wïïe ki rääye.

1 Camiel 1:19

Køøre Elkana ki määre, gena päny maal ka amöölla cøøn ni wøørge Wuuö Jwøk, ni putge døø poge na en Reema. 'Ba Elkana aci baŋ cïïe ma Anna na dhaagø, ni ö Wuuö Jwøki ni køny Anna ki man jïte ki nyilaal.