Wïlöölö 7:13 - Wëël Jwøk

¹³ Ni ö Nöa ki cïïe, ki wääte na näk Cëm ki Kaam ki Jaapeth, ki määr wääte dääi ni putge ci yi jääy dïcäŋöca kiree,

Wïlöölö 7:13 Iomraidhean Croise

Wïlöölö 10:21

Køøre thuwø Cëm, na näk kwar jø Eber, anyöötö ko obwöre. Cëm beeye cok Jaapethi, ni dwøŋŋa eni ki coki ma Jaapeth.

Wïlöölö 10:6

Wäät Kaam beege Kuuc, ki Micram, ki Put, ki Keenan.

Wïlöölö 5:32

Ni ö Nöa ni bëëde ki cwiiri ma dïpe abïïyö; køøre Cëm ki Kaam ki Jaapeth anywøle.

Wïlöölö 6:10

Ni ö eni ni nyööde ki wääte adäk; ni nyeŋge beege Cëm ki Kaam ki Jaapeth.

Wïlöölö 6:18

'Ba aani aano tudö ki luubö ki ïïni. Ïïno ci yi jääy, ïïni, ki wäätï, ki cïïï, ki määr wäätï bëët na aciel.

Wïlöölö 7:1

Køøre Wuuö Jwøk aköö jï Nöa, ni «Ïïni ki jø paarï bëët, cou yi jääy, kiper beeye ïïna ŋata jooda keere ni mare beer ri beenhnhø man bäre.

Wïlöölö 7:14

ni beege geni ki teeŋ wïth lääc paap bëët, ki teeŋ wïth lääc paac bëët, ki teeŋ wïth gïï wø muuli bëët bäät piny, ki teeŋ wïth weny bëët.

Wïlöölö 8:14

'Ba na tïme na ri riet dwäde, ni nïr dwääy pïërariiø ka abïriiø, piny atal.

Ibaru 11:7

Ni beeye ŋäädhe, na ö Noa na leŋ luubö mana caan Jwøki jïre ni tïïc jääy, ni piem jø paare, kanya ö Jwøki na køp gïïa näk poot kär nëënö jïre. Ni beeye gïnögø na jääl piny ki gø, ni tïm Nöa na lwiidhø mar jïëc man wø ööi ki ri ŋäädhe.

1 Piter 3:20

jøøa dhal luubö dïkwøŋ kanya bëët Jwøki ni cwïnye ee cïp piny ni kurö yïth nïr Nöa, kanya tïïc jääy, jääna piem jøøa nøk keerge na näk abära ki thøw pïï.

2 Piter 2:5

Ni jøøa cääŋŋe na bëëdö bäät piny kär wec Jwøki, 'ba Jwøk gwøga Nöa ki jiy abïriiø møøk, ni beeye Nöa na bëëdö ni køpa luup moa thïŋŋö, kanya käl jwïïö piny bäät jø raay.

Pïëmme 21:22

'Ba kanyo ö wëëk nyïïakuue moøgø wala nyïïmëëkge moa näk cwøw noo öge ni ge pëënynya waani kiper nyïïge, køøre nø, wa läwa köö jïge, ni ‹Bääthu yïthu kiper gïna caanwa jï jø tuuŋ Benjamen, ni weyu nyïïu nee putge ci jïge, kiper øøni, kanya këëdø ki jø Jabic-Gelät, mään moa kälø kär rømø ki jø tuuŋ Benjamen. 'Ba këël uuni, kiper mana näk paa u na cïp nyïïu jïge, bäŋ bääyö bäätu thuwø.› »