Wïlöölö 6:9 - Wëël Jwøk

⁹ Man beeye luum nyïïkwaac Nöa. Nöa beeye dhaanhø mo mare beer ri jøøa bëëdö kar kaaca, ni bäŋ gïn mo jøøŋŋi ri bëëtö mare. Ena bëëdö ni caatha køør Jwøk.

Wïlöölö 6:9 Iomraidhean Croise

Wïlöölö 10:1

Man beeye luum nyïïkwaac Cëm ki Kaam ki Jaapeth na näk wäät Nöa. Kanya tïme na køør jwïïö gena nyöödö, ni jïtge ko obwöre.

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Wïlöölö 2:4

Man beeye luum cwääc mana cwääc maal ki piny ki gø. Kanya ö Wuuö Jwøki na cwääc maal ki piny,

Wïlöölö 48:15

Ni ö eni ni gwïëth Jocep ni kööe, «Jwøa cääth kwara ma Eeberam ki wära ma Aydhak køøre, Jwøa bwøth aani ki yïth nïne bëët këël dïcäŋi en,

Wïlöölö 5:1

Man beeye luum nyïïkwaac Adam. Dïcäŋa ö Wuuö Jwøki na cwääc dhaanhø, eni dhaanhø acwääe ni rööma Jwøk.

Wïlöölö 5:22

Køør kanya ö Inøki na nywøl wääde ma Mathucala, ena cäŋ bëëtö ki cwiiri ma dïpe adäk ni bëëde ni caatha køør Jwøk, ni nyööde ki wääte ki nyïïe møøk.

Wïlöölö 5:24

Ni ö Inøki ni bëëde ni caatha køør Jwøk, ni kär kare joodø, kiper ena lwør Jwøki.

Wïlöölö 6:10

Ni ö eni ni nyööde ki wääte adäk; ni nyeŋge beege Cëm ki Kaam ki Jaapeth.

Wïlöölö 7:1

Køøre Wuuö Jwøk aköö jï Nöa, ni «Ïïni ki jø paarï bëët, cou yi jääy, kiper beeye ïïna ŋata jooda keere ni mare beer ri beenhnhø man bäre.

2 Camiel 22:24

Aana bëëdö ni bäŋ gïn jøøŋŋi ri bëëtö mara nyïmï, ni bëëda ni raa yaa gwøø ki raay.

1 Nyeye 3:6

Kanyøgø, Cølöman aköö, ni «Ïïni, ïïna bëëdö niï nyøtha mëër marï na dwøŋ ni wø ba jøøl jï dhaanhnhï ma wära ma Deebit ki køør mana bëëde ni tïïya adïëri nyïmï, ni bëëdö ki bëëtö mo beer, ni cwïnye thïïŋ ki ïïni. 'Ba dïcäŋi ennø, ïïna cïpö ki wääde mo pï piny bäät wälu mare, niï poot nyootha mëër marï na dwøŋ ni wø ba jøøl jïre.

2 Luup Nyeye 15:17

'Ba eni kwör lam moa en bäät thuuri käre raanynyø dï Icriel. 'Ba këël na käre gø raanynyø, ena bëëdö ni cwïnye waany ki yïth nïne moa beede bëët.

2 Luup Nyeye 25:2

'Ba Amaciya ena bëëdö ni tïïya gïï mo nëëni ni beyø ki jï Wuuö Jwøk. 'Ba këël na bëëde na ennønø, eni poot ba tïïö ka cwïnye bäre na adïëri.

Jööp 1:1

'Ba da dhaanhø mo obëëdö yi ŋööm Uc mo nyeŋŋe cwøl ni Jööp. 'Ba dhaanhø manøgø, ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.

Jööp 1:8

Køøre Wuuö Jwøk aköö jï Ceethan, ni «?Dhaanhnha ma Jööp ajootï? Eni, ena dhaanhø mo bäŋ ŋat mo caala gø bäät piny; ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.»

Jööp 12:4

«Aana tïmö na gïr ŋeethø jï nyïïawääta, ni beeye aani ni wø pëëny Jwøk ni duunne jïra, ŋata bëëtö mare tiir na näk ba bääö atïmö na gïr ŋeethø.

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Luup Dïpööy 7:20

Ka adïëri møn, bäŋ dhaanhø mo mare adïëri bäät piny kany, mo bëëdö ni tïïya gïn mo beer cooth, ni ba bääyi.

Edhikiel 14:14

këël jøøi na adäk ii doo nut rege, ni beege Nöa, ki Daniel, ki Jööp, bee jøøgø keerge noo piem ki køør bëëtö marge na beer.» Manøgø beeye dwøl mana caan Kwäärö Wuuö Jwøki.

Edhikiel 14:20

a na Kwäärö Wuuö Jwøk, a caana gø, ni kaawat man bëëda naa kwøw en, këël Nöa, ki Daniel, ki Jööp doo nut dïge, ba løny jï ŋati man nø dëëtge ki man piem wääde wala nyaare. 'Ba beege ki dëëtge keerge noo piem ki køør bëëtö marge na beer.»

Abakuk 2:4

«Ka adïëri møn, ŋat atöör bäŋ bëëtö mo tiir yi cwïnye, 'ba ŋata mare beer kwøw ki køør ŋäädhe mare.

Luk 1:6

'Ba gena jiy mo beyø nyïm Jwøk karge riet, ni ge caatha køør moa näk ocem Wuue ki ciik moe bëët, ni bäŋ gïn mo ege baaø rege.

Luk 2:25

'Ba kanyøca da ŋat mo ena yi Jerucalem mo nyeŋŋe cwøl ni Cimien. 'Ba ena dhaanhø mo beer ni cwïnye ena køør Jwøk, ni bëëde ni køya ŋato cøm cwïny jø Icriel. Ni Jwïëc Jwøk na en kur keere ena bääte.

Luk 23:50

'Ba kanyøce da dhaanhø mør mo nyeŋŋe cwøl ni Jocep ma nyï Arimathia, paac mør mo poot na po jø Juuth, mo ena ri kwääc løøe, mo ena dhaanhø ma wøp mo cwïnye beer,

Moa Tïïc Nyïïatwieli 10:22

Ni köge, ni «Waani, wa jääŋŋa Körnilia ma wïth lwaa dïkuye ma dïpa, mo ena dhaanhø mo beer ni lwäär ki Jwøk, ni eni wø pwøc jø Juuthi pwøø bëët. Eni, ena nyuunh nyïïatwiel maalli mør na en kur keere na mar Jwøk kiper nee jääk baŋï niï ööï paare, kiper nee luupo caanï wïnynye.»

Wëëlö Mana Göör Pøølli Baŋ Jø Röm 1:17

Kiper bëënynyö man wø cïp Jwøki onyoodhø ree, ni wø joot ki køør ŋäädhe keere na bäre bäre, kaawat mana gööri, ni «Eni noo bëënynyi ki køør ŋäädhe okwøw.»

Galeecia 3:11

'Ba kawaane ajoot, ni bäŋ dhaanhø mo doo jïëö ni mare beer nyïm Jwøk ki køør ciik Jwøk. 'Ba «Ŋat wø jïëc ki køør ŋäädhe, kwøw.»

Tiet Ciik 18:13

'Ba uuni, u doo bëëdö ni bäŋ gïn mo jøøŋŋi ri bëëtö maru nyïm Wuuö Jwøk na näk Jwøu.

Ibaru 11:7

Ni beeye ŋäädhe, na ö Noa na leŋ luubö mana caan Jwøki jïre ni tïïc jääy, ni piem jø paare, kanya ö Jwøki na køp gïïa näk poot kär nëënö jïre. Ni beeye gïnögø na jääl piny ki gø, ni tïm Nöa na lwiidhø mar jïëc man wø ööi ki ri ŋäädhe.

1 Piter 2:5

Ni tïmu nou caala kïte mo kwøw, ni uuno geerø ni uuna øt Jwøk, nou tïmu ni uuna dïlämme moa en kur keerge, nou cïpa cwïnynyu na en køør Jwøk jï Jwøk no olämme mo wø jïëc Jwøki ki køør Jecu Krictø.

2 Piter 2:5

Ni jøøa cääŋŋe na bëëdö bäät piny kär wec Jwøki, 'ba Jwøk gwøga Nöa ki jiy abïriiø møøk, ni beeye Nöa na bëëdö ni køpa luup moa thïŋŋö, kanya käl jwïïö piny bäät jø raay.