Wïlöölö 6:17 - Wëël Jwøk

¹⁷ Ennø, aani jwïïö jääŋŋa jääŋŋö bäät piny, kiper nee gïn ma dëël jaak mo ree da jwïëy mo kwøw bäät piny nee raanynya. Ni ö gïïa kwøw bëët moa en bäät piny ni putge thøø.

Wïlöölö 6:17 Iomraidhean Croise

Wïlöölö 2:7

Ni ö Wuuö Jwøki ni cwääc dhaanhø ri ŋøøp piny, ni kooth jam kwøw um dhaanhø, ni tïm dhaanhe ni ree da jwïëy mo kwøw.

Wïlöölö 6:13

Køøre Jwøk aköö jï Nöa, «Aani, aŋuun bëëtö mar jiy bëët anø ŋøla; kiper piny apäŋ ki gïï mo leth ki køør gïïa tïïcge. 'Ba ennø, ge raanynya raanynyø ki piny bëët na aciel.

Wïlöölö 6:16

Køøre wï jääy wär mooyï ki rëëbi, ni wëënnï yïthakic wïïe maal ki kööre piny ki gööyö aciel. Ni kølï dhi jääy tier-buute. Ni tïïyï yi jääy ni yïthe adäk, ni maya ena piny, ni rietge ena bääte maal, ni dääge ena maal bäätge.

Wïlöölö 6:7

Ni kö Wuuö Jwøki, «Aani dhaanhø mana cwääa raanynya raanynyø bäät piny, ki mano täge ki dhaanhø këël mano këët ri lääy, ki gïï wø muuli, ki wec maal bëët; kiper cwïnya apädhö kiper mana cwääa geni.»

Wïlöölö 7:15

Ni ö gïïögø na näk dëëtge da jwïëy bëët ni cige yi jääy baŋ Nöa no oriewi riewi,

Wïlöölö 7:17

Ni ö jwïïö ni put nyaay bäät piny ki nïne ma pïëraŋween, ni ö pïïyi ni meetge rege, ni tïïcge jääy ni thäärö, ni tïme ni kare bäär ki piny.

Wïlöölö 7:4

Kiper køør nïne abïriiø aani køth jääŋŋa jääŋŋö bäät piny, ni pädhe ki cääŋŋe ma pïëraŋween ki wärre ma pïëraŋween; ni ö gïïa cwääa bëët na näk kwøw ni puta geni raanynyø bäät piny.»

Wïlöölö 9:9

ni «Ennø, aani a tudö ki luubö ki uuni ki nyïïkwaayu moo ööi køøru.

Jööp 22:16

'Ba gena laar thøø ni karge poodi, ni tïmge kaamar øtø mo okøøl jwïïö.

Bwøth Wøk 14:17

'Ba aani cwïny jø Ijep odøøya mo teek møn ni lämge køør jø Icriel; 'ba aani teek mara onyoodha ki ri Peerø ki lwaak mar leny mare bäre, ki jïëthe moe mo wø tut okwëënyi, ki jø okwëënyi moe.

Aydheea 51:12

Wuuö Jwøk aköö, ni «Bee aani ki dëëra ni wø cøm cwïnynyu. ?Aŋø, uuna jøøe, u ni lwäär ki dhaanhø man ni wø thøw jaak en, ni bee dhaanhø man no ocwääö kaamar luum jaak en?

Aydheea 54:9

«Kiper manøgø, gïno tïïa otïmö ni caala nïr Nöa, kanya kööŋa ni pïï kär ö piny këët na jwïïö. Kaawat manøgø thuwø, ennø, aana kööŋ naa ba gooti këët ki ïïni, wala man cäänna ïïni ki luubö mo teek.

Edhikiel 34:11

«Kiper man bee luumma caan Kwäärö Wuuö Jwøki, ena köö, ni ‹Ka adïëri møn, aani ki dëëra kiree dïëk 'moa omanynya ni gwøa geni.

Edhikiel 34:20

«Kiper manøgønø, man beeye luumma caan Kwäärö Wuuö Jwøki jïge, ena köö, ni ‹Neennu, aani ki dëëra aano tïmö ni aana dïŋut luup yïthakic diel mana no olør ki diel mana no odwat.

Edhikiel 5:8

«Kiper manøgønø, a na Kwäärö Wuuö Jwøk, luumma caana beeye en: Aani, a ööa maal bäätï, ï na Jerucalem, ni ö ajäla mara ni kïtha gø bäätï ni nëënö jï wïth juurre.

Edhikiel 6:3

ni kööï, ‹Wui, u na kïte mo Icriel, wïnynyu dwør Kwäärö Wuuö Jwøk! Luumma caan Kwäärö Wuuö Jwøki jïïu, u na kïte, ki thuuri, ka agäp-kïte, ki gøli, bee en, ena köö: Ni ka adïëri møn, aani ki dëëra, a ööa baŋu ko opëëllö, ni jääla uuni, ni raanynya kwör lam mou moa en bäät thuuri.

Odheea 5:14

Kiper aani, a tïmö kaamar cïgïï ŋuu ki jï jø Ipariem, ni tïma thuwø kaamar ŋuu mo teek ki jï jø Juuda. Geni, ge peta petø ni thenh thenh ni puta aay; ge käla kälö ni bäŋ ŋat piem ge cera.

Ciik Kiper Dïlämme 26:28

aani ki dëëra kiree, ageem mara ki uuni puta ka tïïc na wëër dëëtu, ni jääla uuni kwöre abïriiø kiper raay mou.

Amøc 9:6

Wuuö Jwøk paare ee geerø maal, ni tïïc maal na rëëbi bäät piny. Bee eni ni wø cwöl pïï wøk ki yi naama dwøŋ, ni wëëk gø pädhö bäät ŋøøm; eni na tïïc gïïögø bëët, beeye Wuuö Jwøk ki dëëre.

Mathiew 24:39

ni bëëtge ni ööny jwïïö kucge këël mana ö jwïïe ni dïïr wïthge bëët. 'Ba ööny Wär Dhaanhø otïmö ni caala manøgø thuwø.

Luk 17:27

Kiper jøøka na bëëtge, ge cämö, ni ge mädhö, ni ge nyöömö, ni wëëkge nyïïge nywøm, këël dïcäŋa ö Nöa na døny yi jääy, ni ö jwïëe ni dïïr wïthge bëët.

Wëëlö Mana Göör Pøølli Baŋ Jø Röm 5:21

kiper nee met yi Jwøk tïme ni dwøŋŋa eni ki køør bëënynyö mano cööp ri kwøw mana näk adïëri mo bäŋ cuŋŋe ki køør Jecu Krictø na näk Kwääyø, kaawat mana ö raayi na dïïm jiy dïkwøŋ na känne ki thøø.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Tiet Ciik 32:39

« ‹'Ba ennø, wär ŋäyu ni beeye aani keera na Wuuö Jwøk, ni bäŋ jwøk mør këët. Beeye aani ni wø wëëk dhaanhø thøø, ni beeye aani ni wø wëëk dhaanhø kwøw. Beeye aani ni wø wëëk jiy jïtö ki ŋwiili, ni beeye aani ni wø køny ŋwiili mo jiy. 'Ba bäŋ jwøk mør mo løny jïre ki man piem dhaanhø cera.

Ibaru 11:7

Ni beeye ŋäädhe, na ö Noa na leŋ luubö mana caan Jwøki jïre ni tïïc jääy, ni piem jø paare, kanya ö Jwøki na køp gïïa näk poot kär nëënö jïre. Ni beeye gïnögø na jääl piny ki gø, ni tïm Nöa na lwiidhø mar jïëc man wø ööi ki ri ŋäädhe.

1 Piter 3:20

jøøa dhal luubö dïkwøŋ kanya bëët Jwøki ni cwïnye ee cïp piny ni kurö yïth nïr Nöa, kanya tïïc jääy, jääna piem jøøa nøk keerge na näk abära ki thøw pïï.

2 Piter 2:5

Ni jøøa cääŋŋe na bëëdö bäät piny kär wec Jwøki, 'ba Jwøk gwøga Nöa ki jiy abïriiø møøk, ni beeye Nöa na bëëdö ni køpa luup moa thïŋŋö, kanya käl jwïïö piny bäät jø raay.