Wïlöölö 50:24 - Wëël Jwøk

²⁴ Ni kö Jocepi jï coki ki uutwänni, ni «Aani kar thøwa aløny ni cään, 'ba Jwøk ööa baŋu kuna køny uuni, ni käl uuni wøk yi ŋöömmi, ni kïth uuni yi ŋöömma kööŋe kipere jï Eeberam, ki Aydhak, ki Jeekap.»

Wïlöölö 50:24 Iomraidhean Croise

Wïlöölö 12:7

Kanyøgø Wuuö Jwøk ree anyoodhe jï Abram ni kööe, ni «Aani ŋøøpi ii cïba cïbö jï nyïïkwaayï.» Køøre Abram atïïö ki gïn wø cïp olämme bääte jï Wuuö Jwøk na nyooth ree jïgø.

Wïlöölö 13:15

kiper ŋøøpo nëëni jïrï bëët yøø ocïba jïrï na bäre bäre këël nyïïkwaayï mo ööi køørï.

Wïlöölö 13:17

Ö maal, ni caathï dï ŋöömmögø bäre; kiper cïba cïbö jïrï.»

Wïlöölö 15:18

Dïcäŋöca Wuuö Jwøk atudö ki luubö ka Abram, ni kööe, ni «Ŋöömö man acïba jï nyïïkwaayï, ki mano täge ki naam jø Ijep këël mano këët naama dwøŋ, na näk Upareeti,

Wïlöölö 15:7

Ni kö Wuuö Jwøki jï Abram, ni «Beeye aani na Wuuö Jwøk na käl ïïni wøk ki yi Ur po jø Kaldia, kiper nee ŋöömmi cïba jïrï nee tïme na moï.»

Wïlöölö 15:8

Ni kö Abrammi, ni «?Wui Kwäärö Wuuö Jwøk, oŋääa gø nidïï ki man näk tïmö na 'moa?»

Wïlöölö 17:8

'Ba ŋöömmi ni bëëdï yie ni ïïna wëëllö en, na näk ŋööm Keenan bäre, ocïba jïrï ki nyïïkwaayï mo ööi køørï, nee bëëde na marge na bäre bäre; ni bëëda ni aana Jwøk marge.»

Wïlöölö 21:1

'Ba Wuuö Jwøk aö kuna køny Ceera kaawat mana caane, ni ö Wuuö Jwøki ni tïïc gïna kwøŋ buuk jïgø.

Wïlöölö 26:3

Pï piny yi ŋöömmi, ni bëëdï ni ïïna wëëllö; 'ba aano en buutï ni gwïëdha ïïni, kiper ŋöömö man bäre en ocïba jïrï ki nyïïkwaayï, ni wëëga kööŋ mana kööŋa ki gø jï wäru ma Eeberam thur kare.

Wïlöölö 28:13

Ni kar kanyøgø Wuuö Jwøk cuŋŋa bääte, ni kööe, ni «Aana Wuuö Jwøk, na näk Jwø kwaru ma Eeberam ki wäru ma Aydhak; ŋöömmi bäre ni ïïno but piny yie en, cïba cïbö jïrï ki nyïïkwaayï.

Wïlöölö 3:19

Cam marï ojootï ki køør kwäk marï këël mano tïme ni ŋuuda thøø marï no døøï yi ŋöömö, kiper ï käla ree. Ï käla ri ŋöömö; køøre ï døøa yi ŋöömö.»

Wïlöölö 35:12

Ŋöömma cïba jï kwaru ma Eeberam ki wäru ma Aydhak, cïba cïbö jïrï; ni cïba gø jï nyïïkwaayï mo ööi køørï.»

Wïlöölö 46:4

Aani aano cäädhi ki ïïni kanyo ciï Ijep, ni cäŋa ïïni duuö ki kunöce thuwø, ni ö Jocepi ni ŋen nyeŋŋï ki ceŋŋe kiree.»

Wïlöölö 47:29

'Ba kanya cään kar thøw Icrielli, eni wääde ma Jocep acwøle ni kööe, «Ni näk iï met ki aani, cïp cerï bäät ääma ni kööŋï ni tïïyï gïn mo beer ma adïëri kipera, ni ba koonyï aani yi ŋööm Ijep.

Wïlöölö 48:21

Køøre Icriel aköö jï Jocep, «Ennø, kara aløny ni cään ki man thøøa, 'ba Jwøk obëëdö buutï, ni cäŋ ïïni dwøk yi ŋööm kwäyu.

Wïlöölö 50:5

ni ‹Jocep aköö ni wänni acäänö ki eni ni kööe, ni «Aani kar thøwa acäännö; wär aani koony yi käänna jiiŋŋa kipera yi ŋööm Keenan.» Ni ö Jocepi ni kööŋe ki man tïïc gïnögø. 'Ba kawaane eni kwaya ïïni ki man ci kunöce nee wänni koonye. Køøre eno duui.› »

Jööp 30:23

Aani ŋääa naa kïthï piny kar thøø, ni beeye kanya no ojiiŋŋø na kar røømmø kiper gïïa kwøw bëët.

Bwøth Wøk 12:41

'Ba na tïme na aŋuun cwiiyøgø na dïpe aŋween ki pïëradäk yøø, dïcäŋögø kiree, lwaae bëët mo Wuuö Jwøk na näk jø Icriel aput aa wøk yi ŋööm Ijep.

Bwøth Wøk 12:51

'Ba dïcäŋeca kiree, Wuuö Jwøk jø Icriel akäl wøk yi ŋööm Ijep ki køør lwaae moge.

Bwøth Wøk 13:19

Ni ö Modhe ni lwør cuu Jocep, ni käär geni, kiper Jöcep jø Icriel awëëk kööŋ dïkwøŋ, ni kööe, ni «Ka adïëri møn, Jwøk ööa baŋu kuna køny uuni; 'ba kar kaaca nø, cuu 'moa wär kwanynyu kany ni källu geni.»

Bwøth Wøk 3:8

Ennø, aana ö piny kuna käla ge wøk ceŋ jø Ijep, kiper nee ge käla wøk yi ŋöömmöce, ni kïtha geni yi ŋöömma beer na näk yie laac, ni beeye ŋöömma näk caak ki maar kïc päl yie, na näk po jø Keenan ki jø Këth ki jø Amör ki jø Përec ki jø Ëwi ki jø Jeebuc.

Bwøth Wøk 33:1

Køøre Wuuö Jwøk acäänö ki Modhe, ni kööe, ni «Aayu kany, ni beeye ïïni ki jøøgø na kälï wøk ki yi ŋööm Ijep yøø; ni cou yi ŋöömma kööŋa kipere jï Eeberam, ki Aydhak, ki Jeekap, na kööa, ni ‹Ŋöömö manøgø cïba cïbö jï nyïïkwaayu.›

Bwøth Wøk 4:31

Ni ö jø Icrielli ni ŋääthge; 'ba kanya wïnyge gø ni Wuuö Jwøk alïïmmö baŋge ni joot caannø marge, wïthge akuulge piny ni wøørge gø.

Luup Dïpööy 12:5

Maya thuwø, jiy tïmö ni lwäär ki man ethge kwöra en maal, ni ge lwäär ki gïïo reyø noo tägi nyeŋ jïëthe; ni beeye kanyo tïm wïth jenni ni ŋøøk, na aditwie tuta dëëtge ki öölö, ni bäŋ gïr met ec mo many dhaanhe këët. Køøre nø, dhaanhø cøøa kar aŋuun bëëtö mare, ni ö jiyi moo kïmmi ni bëëtge ni ge wïïrö nyeŋ jïëthe jaak.

Luup Dïpööy 12:7

Køøre nø, tør døøa yïth ŋøøm na käl yi gø, ni ö jwïëyi ni døø baŋ Jwøk na cïp gø.

Kwään Jiy 32:11

ni ‹Ka adïëri møn, røk jøøa ö wøk ki Ijep, moa näk cwiicge pïërariiø këël mo kaala pïërariiø, bäŋ dhaanhø aciel dïge mo joot ŋöömma buua jï Eeberam ki Aydhak ki Jeekap, kiper køøra kärge caadhø ki cwïnyge bäre;

Wëëlö Mana Göör Pøølli Baŋ Jø Röm 5:12

'Ba raay atägö bäät piny ki køør dhaanhø aciel, ni ö thøøe ni ööe ki køør raay, ni tïm thøøe ni nyaa bäät jiy bëët, kiper mana näk jiy obääyö bëët.

Tiet Ciik 1:8

Neennu, ŋöömmögø anø cïba jïïu; cou yie ni lwørru gø, ni tïme na maru, ni beeye ŋöömma kööŋa kipere, a na Wuuö Jwøk, kiper nee cïba jï kwäyu, ni beege Eeberam ki Aydhak ki Jeekap, këël nyïïkwaacge moo lämmi køørge.› »

Tiet Ciik 6:10

«'Ba yi nyïme Wuuö Jwøk na näk Jwøu uuno kïth yi ŋöömma kööŋe kipere jï kwäyu ma Eeberam ki Aydhak ki Jeekap, kiper nee mëëk uuni, ni beeye ŋöömö mo yie da päänye mo døøŋŋø mo beyø mo ba geera uuni;

Ibaru 11:22

Ni beeye ŋäädhe, na ö Jocepi na caan wääth mar jø Icriel, kanya tïm kare ni cään ki thøø, ni cem ge kiper cuuwe.

Ibaru 9:27

keda man bëëde no onyoodhø jï jiy, ni dhaanhø thøw yie aciel, ni køøre beeye ŋøl luup.

Jøcua 24:32

'Ba cuu mo Jocep na kuu jø Icrielli kanya öge wøk ki Ijep aputge koony Cekam, yi thäk ŋøøpa ŋeew Jeekapi ki gwel ma dïpa baŋ wäät Eemör, ni beeye Eemör wää Cekam; ni put ŋøømmi moøgø dööŋŋe jï nyïïkwaac Jocep na kurge.