Wïlöölö 50:23 - Wëël Jwøk

²³ Ni ö Jocepi ni joot nyïïkwaac wääde ma Ipariem këël mana pïïe ri dää beenhnhe; ni ö wäät nyikwaare ma Makir o Maneeca ni cïp geni bäät ääme.

Wïlöölö 50:23 Iomraidhean Croise

Wïlöölö 30:3

Ni kö Reecalli, ni «Ŋat tïïc mara ma Bila en; ci baŋe na dhaagø, nee nyööde jïra ko obwöre, kiper naa jïta ko obwöre ki ree.»

Wïlöölö 48:19

'Ba wänni akweer ni kööe, «Ŋääa, wääda. Ŋääa ni Maneeca beeye kaa. Eni thuwø tïmö na lwaak mo dwøŋ; 'ba coki mana thiinh en otïmö ni dwøŋŋa eni, ni tïm nyïïkwaaye na lwaa jiy mo thööth.»

Wïlöölö 49:12

Nyeŋŋe mïërö ni kaala køøŋ nyïïomøki mo tøŋ døc, ni lage tar ni kaala caak.

Wïlöölö 50:22

Kanyøgø Jocep ki jø po wänni bëët gena bëëdö Ijep. Ni cwiic Jocep moa beede ni eni kwøw beege cwiiri ma dïpa ka apaar.

1 Luup Nyeye 7:14

'Ba wäät Maneeca beege: Aciriel ki Makir na nywøle ki dhaaŋŋa na akwanya, nyi jø Aram. 'Ba Makir beeye na wää Gelät.

Jööp 42:16

'Ba køør gïnögø, Jööp abëëdö ki cwiiri ma dïpa ki pïëraŋween; ni joot wääte ki nyïïkwaaye këël mana pïïe ri ŋweer beenhnhe.

Pwöc Leec Wïc 17:6

Aduda mar jäle beeye nyïïkwaacge, ni ö ajiemmi mar obwöre ni näk wëëe moge.

Kwään Jiy 32:33

'Ba Modhe ŋöömö aput cïp jï nyïïkwaac Gaat ki nyïïkwaac Ruben, ki thääŋ tuuŋ Maneeca o Jocep, ni beeye ŋööm Cëëwön nyeny jø Amör, ki ŋööm Ög nyeny jø Baacan, ki päänye moge moa døøŋŋø ki moa therø, këël ŋøøm bëët moa en deŋ päänye moøgø.

Kwään Jiy 32:39

Ni ö nyïïkwaac Makir o Maneeca ni cige Gelät ni macge gø, ni riemge jø Amör moa en kaace.

Jøcua 17:1

'Ba ki ri ŋöömö mana en løø Naam Jördan jï løø kur pänh-cäŋ, da ŋøøm mo oci jï thääŋ tuuŋ Maneeca ki køør ŋïïce mo wø tïïc ki ri kwääk ki baw. 'Ba Maneeca beeye kany Jocep, ni o Makirri ni näk kany Maneeca, ni eni da wääde mo cwøl ni Gelät. 'Ba kar kaaca, nyïïkwaac Makir, kiper mana näk gena jø leny mo teek, ŋööm Gelät ki ŋööm Baacan na en løø Naam Jördan jï løø kur tuul-cäŋ, onø cïp jïge na mano dööŋ jïge na kurge.