Wïlöölö 50:20 - Wëël Jwøk

²⁰ Ki jïïu mana caarru ki cwïnynyu beeye ki man tïïu ki gïn mo raac dëëra, 'ba ki køør mana en cwïny Jwøk, gïnögø atïïe na gïn mo beer, kiper nee jiy mo thööth kwøwge kaawat man bëëde dïcäŋi en.

Wïlöölö 50:20 Iomraidhean Croise

Wïlöölö 37:26

Kanyøgø Juuda aköö jï nyïïmenni ki uutwänni, «?Agïnaŋø ni beer no duue jïïø ni näk mo rem owääø yøø køny piny jaak ni mooŋø gø?

Wïlöölö 37:27

Ööu nø nee gadhø baŋ jø tuuŋ Icmiel, ni ba gudø gø ki ceŋŋø, kiper eni beeye owääø ni rem dëëtø aciel ki gø.» Køøre luummögø aleŋ nyïïmenni ki uutwänni.

Wïlöölö 37:4

'Ba na jooti ya uutwänni ni wääge mëër ki eni ni kaala geni, gena männö ki gø døc, ni bëëtge ni ge ba cäänö ki gø ki met ec.

Wïlöölö 50:19

'Ba Jocep aköö jïge, «Käru lwäyö. ?Aŋø, aana tïmö naa ena kar Jwøk?

Aydheea 10:7

'Ba Aciria, acaara mare paa manøgø, ni manøgø paa mana en wïïe. 'Ba mana en cwïnye kiree beeye dïïr wïc, ni beeye ki man thöör wïth juurre mo thööth.

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

Moa Tïïc Nyïïatwieli 3:26

'Ba Jwøk na thïïŋ Wääde, akwøŋ jääŋ baŋu nee u gwïëdhe ni løga u yi rääö maru karubëët.»

Wëëlö Mana Göör Pøølli Baŋ Jø Röm 8:28

'Ba ŋääø ni Jwøk tïïö ri jammi bëët nee bëënyge jï jøw wø mëër ki eni, jøøa näk ee cwølø keda mana manynye.