Wïlöölö 49:9 - Wëël Jwøk

⁹ Juuda rööma nyï ŋuu mo teek, ni caala ŋuu mo ö maal no ojäŋ ki rïŋö. Ena gääŋ, ni tïme kaamar ŋuu mo omøør piny. Ni bëëde kaamar ŋuu ma maath. ?Aŋø, aŋa ni ba lwäär ki man jiec gø?

Wïlöölö 49:9 Iomraidhean Croise

1 Nyeye 10:20

'Ba da gïï ma apaar kurriiø mo caala ŋuuwe mo otïïö ni cuŋŋö bäät kwör tiel moa na abïciel, ni bäät kar tielø man nø løøi ki løøi da ŋuu mo cuŋŋö bääte. 'Ba bäŋ teeŋ wälu manøgø mo okwøŋ tïïc cøøn yi buc nyec mør.

2 Luup Nyeye 9:18

'Ba wälu manøgø nyïme okïthö ko ogat mo da kwör tiel abïciel; 'ba da køøm tiel mo ogur ree mo tïïc ka warkey, ni deŋ wälu løøi ki løøi okïthö ki gïï cïp ceŋ bäätge, ni gïï ma ariiø mo caala ŋuuwe otïïö ni cuŋŋö buute løøi ki løøi.

Edhikiel 19:5

« ‹'Ba menni kanya joot gø ni gïna ŋäädhe oränynyö, ni gïna manynye kär thur kare, ena cäŋ lwötö ki nyaare aciel ni pwöny gø, ni tïïc gø na ŋuu mo teek døc.

Odheea 5:14

Kiper aani, a tïmö kaamar cïgïï ŋuu ki jï jø Ipariem, ni tïma thuwø kaamar ŋuu mo teek ki jï jø Juuda. Geni, ge peta petø ni thenh thenh ni puta aay; ge käla kälö ni bäŋ ŋat piem ge cera.

Odheea 5:4

Gena män tïïe moge na reyø ki man duuge baŋ Jwøk marge. 'Ba kiper mana näk yïth cwïnyge päŋ ki jwïëc käp, gena put tïmö ni bäŋ kwänynyö man ŋäcge Wuuö Jwøk ki gø.

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Kwään Jiy 23:24

Ka adïëri møn, lwaa Icriel cuŋŋö kaamar maath ŋuu, ni ö maal kaamar cïgïï ŋuu, ni bäŋ doo butö këël mano cam gïna dware, ni maath remø mar gïna nääe.»

Kwään Jiy 24:9

Jø Icriel caala cïgïï ŋuu mo obut piny, ni ge caala maath ŋuu. ?Aŋa no maar gø jiec? Gwïëth oen bäät ŋat wäro gwïëth geni, na acïëni oen bäät ŋat wäro cien geni.»

1 Körin 15:24

'Ba kanyøgøøni beeye cuŋ piny, kanyo ö Krictø noo dwøk bura jï Jwøk na näk Wuuö, køør mano raany bure bëët, ki kwääri, ni bäŋ teek mør këët.

Tiet Ciik 33:20

Mana caan Modhe kiper jø tuuŋ Gaat beeye en, ena köö, ni «Gwïëth oen jï ŋato nyaac ŋøøp jø tuuŋ Gaat. Jø tuuŋ Gaat møøra piny kaamar ŋuu, ni wø cööt ceŋ dhaanhø wøk ki wï gø bëët.

Mana Nyooth 5:5

Kanyøgø dhaanhø aciel røk jaae aköö jïra, ni «Kärï jwöŋö. Ŋuur tuuŋ Juuda na løth ri Deebit, nyïïmänne adïïme. Løny jïre ki man jap wëëlö ki möönne karge bïriet.»