Wïlöölö 49:8 - Wëël Jwøk

⁸ «Ïïni na Juuda, ïïno pwøc nyïïmeru ki uutwäru; cerï oen bäät ŋut nyïïmännï. Nyïïmeru ki uutwäru wïthge okuulge piny nyïmï.

Wïlöölö 49:8 Iomraidhean Croise

Wïlöölö 27:29

beerra man tïm wïth juurre ni tïnynya ïïni, ni këëlge cøŋge piny nyïmï ni wøørge ïïni; ni tïmï ni ïïna kwäärö wïth nyïïmeru, ni ö geni ni këëlge cøŋge piny nyïmï ni wøørge ïïni. Acïëni oen bäät jø ocien ïïni, ni ö gwïëthi ni en bäät jø ogwïëth ïïni.»

Wïlöölö 29:35

Køøre Liia yie acäŋ jïtö ki dhaanhø, ni lwaare ki gø na dïcwøø, ni kööe, ni «Yie man nø Wuuö Jwøk pwøa pwøø.» Kiper manøgø nø, nyeŋ wääde acaae ni Juuda. Ni put cuŋŋö køør obwöre moøgø.

Wïlöölö 42:6

'Ba Jocep beeye ŋata näk kwäärö Ijep, ni bee eni na en ŋïëwi cere mo beel kiper jø mïëri bëët. Kanyøgø uutwänni aö baŋe ni kuulge wïthge piny nyïme ni määthge gø.

Wïlöölö 46:12

Ni nyeŋ wäät Juuda beege Er, ki Önan, ki Ceela, ki Peereth, ki Dheera. 'Ba Er ki Önan, gena thøw yi ŋööm Keenan. 'Ba wäät Peereth beege Eedharan, ki Amul.

2 Camiel 22:41

Ïïni, nyïïmänna atïïyï nee ŋäthge luuge baŋa ni reŋge, ni ö jøøa bëëdö ni män ki aani, ni puta ge thöör.

2 Camiel 24:9

'Ba Jöap kwään jiy moa kwaane acïbe jï nyeya ma Deebit; ni jiy moa teek na näk leny løny jïge dï Icriel beege jiy ma kume ma dïpe abära; 'ba jø tuuŋ Juuda beege jiy ma kume ma dïpe abïïc.

2 Camiel 5:3

Kanyøgønø, jø døøk Icriel bëët gena ö baŋ nyeya ma Deebit kanya en yie Keeprön, ni ö nyeya ni tude ki luubö ki geni Keeprön kaagø nyïm Wuuö Jwøk; ni ö geni ni thïïmge wï Deebit ki maaw ni ge røønya gø na nyeya mar jø Icriel bëët.

1 Luup Nyeye 28:4

«'Ba eni na Wuuö Jwøk, Jwø Icriel, aana jiere ki røk jø dhi øt wära bëët naa tïma ni aana nyeya mar jø Icriel na bäre bäre. Kiper eni tuuŋ Juuda ajiere na bwödhi. 'Ba ki røk dhøk uudi mo jø tuuŋ Juuda, dhi øt wära beeye na jiere, ni kwäny a wøk ki yïthakic wäät wära bëët, ni tïïc aani na nyeya bäät jø Icriel bëët ki køør met ec mare.

1 Luup Nyeye 5:2

'Ba Juuda atïmö no oteeø døc ki røk uutwänni, ni joot bwödhi ki ree; 'ba dööŋ kar poot ena baŋ wäät Jocep.

2 Luup Nyeye 14:8

'Ba Aca jïre da jø leny ma kume ma dïpe adäk mo wø käär kööt leny moa døøŋŋø ki tøøŋi ki røk jø tuuŋ Juuda. 'Ba ki røk jø tuuŋ Benjamen jïre da jø leny ma kume ma dïpe ariiø ki pïërabära mo wø käär kööt leny moa therø ka athëëre. 'Ba jøøgø bëët beege jø leny moa teek.

2 Luup Nyeye 15:9

Ni ö eni ni cooŋ jø tuuŋ Juuda ki jø tuuŋ Benjamen, ki jiy moa dää buutge na käl røk jø tuuŋ Ipariem, ki røk jø tuuŋ Maneeca, ki røk jø tuuŋ Cimien; kiper jiy mo thööth aci dëëre ki yi Icriel kanya jootge gø ni Wuuö Jwøk, Jwøk mare, bëëdö ka eni.

2 Luup Nyeye 17:2

Eni yïth päänye bëët mo Juuda moa näk ogeerø ni teek akïthe ki jø leny, ni kïth jø leny møøk yïth mïëri møga mo Juuda ki yïth päänye moa en yi ŋööm Ipariem na mak wänni ma Aca.

2 Luup Nyeye 30:11

'Ba këël na tïïcge gïnögø, jø møøk ki røk jø tuuŋ Acer, ki røk jø tuuŋ Maneeca, ki røk jø tuuŋ Dhebulan, rege adwøkge piny ni cige Jerucalem.

Dut Pwøc 76:1

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Edhikiel 21:29

Kiper gïï wø kööu no onyoodhø jïïu, ki gïï wø caru beege luup tööt; 'ba opëëllö ocïp ŋut jø raay ni 'näk geni. Cäŋ maneca apïï; caa mar ajäla mana näk aŋuudi aöö.

Kwään Jiy 1:27

Cwøw moa kwaan ri jø tuuŋ Juuda beege jiy ma kume ma pïërabïriiø kurŋween ki dïpe abïciel.

Kwään Jiy 10:14

'Ba lwaa leny mar jø tuuŋ Juuda akwøŋ tïŋŋö ki køør bëëra mar twïër marge, ni dïbwödhi marge beeye Nacøn wär Aminadap.

Kwään Jiy 26:20

'Ba dhøk uudi mo wäät Juuda møga beege dhi øt Ceela, ki dhi øt Peereth, ki dhi øt Dheera.

Kwään Jiy 26:22

Moøgø beege dhøk uudi mo wäät Juuda, ni kwäänge beege jiy ma kume ma pïërabïriiø ka abïciel ki dïpe abïïc.

Tiet Ciik 33:7

Mana caan Modhe kiper jø tuuŋ Juuda beeye en, ena köö, «Awuuö Jwøk, wïny kwac mar jø tuuŋ Juuda, ni duuï geni baŋ jø tuuŋge ki jööt dëël. Geni rege amakge ki man këëtge ki nyïïmän. Beerra man kønyï geni kany wø këëtge ki nyïïmän moge.»

Ibaru 10:13

'Ba ki mana täge kar kanyøce, eni koora kanya di nyïïmänne tïïö yie na køøm tiete.

Ibaru 7:14

Kiper ŋäc ni Kwääyø käla dhi øt Juuda. 'Ba kur tuuŋøce bäŋ gïn mo ocaan Modhe kiper dïlämme.

Jøcua 10:24

'Ba kanya nø ö jøøgø na kälge nyeye moøgø baŋ Jøcua, Jøcua jø leny mo jø Icriel bëët acwøle, ni kööe jï kwääc lwaae mo leny moa aay ki eni, ni «Nyänhnhu kany mo cään, ni këëllu othäc tietu ŋut nyeye moøgø.» Ni ö kwääc lwaae moøgø ni öge kany mo cään ni këëlge othäc tietge ŋut nyeye moøgø.

Jøcua 15:20

'Ba moøgø beege ŋøøm moa ci jï jø tuuŋ Juuda na ŋöömmo dööŋ jïge na kurge ki køør dhøk uudi moge.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 5:5

Kanyøgø dhaanhø aciel røk jaae aköö jïra, ni «Kärï jwöŋö. Ŋuur tuuŋ Juuda na løth ri Deebit, nyïïmänne adïïme. Løny jïre ki man jap wëëlö ki möönne karge bïriet.»

Pïëmme 20:18

'Ba jø Icriel aö maal, ni aage Bëthël kuna pëënyge Jwøk ni köge, na «?A jø tuuŋ mane noo bwøth leny jïwa nee wa këëtwa ki jø tuuŋ Benjamen?» Køøre Wuuö Jwøk aköö, ni «Beeye jø tuuŋ Juuda noo bwøth leny dïkwøŋ.»