Wïlöölö 49:3 - Wëël Jwøk

³ «Nyie, Ruben, beeye ïïni na kanynya, ni bee ï teek mara, ni ïïna ŋata kwøŋa nywøl dïkwøŋ na näk wïth laaya. Ïïna jïtö ki wödö ki teek mo kaala wääta møga.

Wïlöölö 49:3 Iomraidhean Croise

Wïlöölö 29:32

Ni ö Liia ni jït yie ki dhaanhø, ni lwaare ki gø na dïcwøø, ni cak nyeŋ gø ni Ruben, kiper mana kööe, ni «Wuuö Jwøk can mara ajoode, 'ba ki mano täge ennø, cwøra otïmö ni mëër ki aani.»

Wïlöölö 35:22

'Ba kanya bëët Icrielli ni bëëdö yi ŋöömmögø, wääde ma Ruben aci baŋ Bila, dhaaŋŋa näk kwanynyø mar wänni, ni butge ki gøøni; ni ö wänni ma Icriel ni wïny gïnögø. 'Ba wäät Jeekap beege apaar kurriiø.

Wïlöölö 35:23

Wääte moa nywøle ki Liia beege Ruben na näk kany Jeekap, køøre ki Cimien ki Libay ki Juuda ki Icakar ki Dhebulan;

Wïlöölö 46:8

Nyeŋ wäät Icriel, ni beeye Jeekap, ki nyeŋ wäät wääte na ci Ijep beege ii. Nyeŋ kanynye beeye Ruben.

Wïlöölö 48:18

Ni kö Jocepi jï wänni, «Manøgø paa kare Awuuö, kiper Maneeca beeye kaa. Cïp cer cwïïï bäät wïïe.»

1 Luup Nyeye 2:1

Wäät Icriel beege Ruben, ki Cimien, ki Libay, ki Juuda, ki Icakar, ki Dhebulan,

1 Luup Nyeye 5:1

Man beeye luum wäät Ruben na näk kany Icriel, ni beeye eni ŋata kwøŋ nywøl; 'ba kiper mana ci baŋ cï wänni ni bute ki gø, dööŋö mare aput wëëk wäät Jocep, ni ö beenhnhe moe ni käri göörö yi wëël nyeŋ ki køør dööŋö mare.

1 Luup Nyeye 5:3

'Ba Ruben na näk kany Icriel, wääte beege: Anök, ki Pallu, ki Eedharan, ki Karmi.

Edhikiel 48:6

«'Ba jø tuuŋ Ruben, løøk aciel mana kïïö ki ŋööm jø tuuŋ Ipariem wär cïp jïge na kurge, ni beeye ki mano täge ki jï løø kur tuul-cäŋ këël mano këët jï løø kur pänh-cäŋ.

Kwään Jiy 1:20

Ki røk nyïïkwaac Ruben na näk kany Icriel: Cwøw bëët moa näk cwiicge tägi ka pïërariiø këël mo kaala pïërariiø, moa näk løny jïge ki man cige baŋ leny, nyeŋge agöör piny na aciel aciel ki køør tuŋi moge ki køør dhøk uudi moge.

Kwään Jiy 26:5

Dhøk uudi mo wäät Ruben, ni beeye Ruben na näk kany Icriel, beege dhi øt Anök, ki dhi øt Pallu,

Tiet Ciik 21:17

Eni wääde mana nywøle ki dhaagø mana ba mëëre ki gø dee nyoodhø kiree ni beeye kaa mana dïkwøŋ, ni mooc gø ki kure røk jape bëët ki kwöre ariiø ni kaala wääte møga, kiper beeye eni na kwøŋ nywøl na nyooth gø ni eni nyöödö, ni gïïa doo joot lwiidhe dee joodø.

Tiet Ciik 27:13

'Ba jøw ocuŋŋi bäät Kïn Gëëbal kiper nee luum acïëni jïëcge na kar jiy beege jø tuuŋ Ruben, ki jø tuuŋ Gaat, ki jø tuuŋ Acer, ki jø tuuŋ Dhebulan, ki jø tuuŋ Daan, ki jø tuuŋ Naptali.

Tiet Ciik 33:6

Køøre Modhe jø tuuŋ Ruben agwïëdhe ni kööe, ni «Jø tuuŋ Ruben bëëdö ni kwøw, ni wïthge ba dïdi, këël na bëëde ni kwään jø tuuŋge nøk.»

Mana Nyooth 3:14

«Ni göötï baŋ nyïïatwiel maal mar acooŋ Jwøk mana en Leeyödicia, ni kööï, ni «Moi beege luup ŋat wø cwøl ni Enøgønø, na näk lïŋi mana näk adïëri ni wø cäänö ka adïëri, ni beeye na ö Jwøki na cwääc jammi ki ree: