Wïlöölö 49:27 - Wëël Jwøk

²⁷ «Benjamen otïmö ni caala orudö mo owär, mo maga lääy ka amöölla ni cam gø ki law ec. 'Ba no tïme na wïthïënhö, jammi moa twiere di pääŋŋö.»

Wïlöölö 49:27 Iomraidhean Croise

Wïlöölö 35:18

'Ba kanya tïm jwïëy moe ni manynya aay dëëre kiper nee thøøe, eni nyeŋ wääde acaae ni Benöni, 'ba wänni nyeŋ wääde acaae ni Benjamen.

Wïlöölö 46:21

Ni wäät Benjamen beege Bëla, ki Bëkër, ka Acbël, ki Gëra, ki Neeman, ka Aki, ki Röc, ki Mupim, ki Upim, ka Art.

Wïlöölö 49:26

Gwïëth mo wäru bëëdö ni teeka geni ki kïte moa kwøŋ bëëtö cøøn, ni kaala thuuri mo wø bëëdö na bäre bäre. Beerra man bëët gwïëthi moøgø bäät Jocep, ni tïmge ni ena bääte, eni na näk dwøŋŋa kare ki uutwänni.

Wïlöölö 49:28

Jøøgø bëët beege wïth tuŋi apaar kurriiø mo Icriel, ni luupögø beege moa caan wääge jïge kanya gwïëth geni. Gena gwïëdhe ki gwïëth mo orømø ki ŋati man nø.

Jeremaya 5:6

Kiper manøgønø, geno näk ŋuuwi mo ööi ki yi lul, ni ö orudö mo ööi ki dï paap ni cam geni. Kwac obëëdö ni kurö dhøk kiiri mo päänye moge, ni ŋato ö wøk jaak pute ka jeeyø na thäŋi; kiper raay moge atïmö ni thööth, ni gïïa gaage wøk ki ge thööth døc.

Edhikiel 22:25

Dïbwöthe moe moa en yie ge bëëdö kaamar ŋuuwe mo märö bäät lääy mo bakge bagø; jwïëc jiy araanyge ni kälge jammi mo jiy ki gïï møøk mo perge leth. 'Ba ki køør 'näk mana tïïcge, mään mo thööth awëëkge dööŋŋe na määr thuunhnhi.

Edhikiel 22:27

Kwääri moe moa en yie, ge bëëdö kaamar orude mo ge baga lääy, ki køør mana bëëtge ni rem jiy kønyge piny, ni jwïëc jiy raanyge raanynyø kiper joot jammi ki jöör møt.

Jepaniya 3:3

Dïbwöthe moe ge bëëdö kaamar ŋuuwe mo märö, ni ö dïŋut luupi moe ni bëëtge kaamar kwäänynye mo owär, mo ge cämö ka wäär ni bäŋ gïn wecge kiper amöölla.

Kwään Jiy 1:36

Ki røk nyïïkwaac Benjamen: Cwøw bëët moa näk cwiicge tägi ka pïërariiø këël mo kaala pïërariiø, moa näk løny jïge ki man cige baŋ leny, nyeŋge agöör piny na aciel aciel ki køør tuŋi moge ki køør dhøk uudi moge.

Kwään Jiy 23:24

Ka adïëri møn, lwaa Icriel cuŋŋö kaamar maath ŋuu, ni ö maal kaamar cïgïï ŋuu, ni bäŋ doo butö këël mano cam gïna dware, ni maath remø mar gïna nääe.»

Kwään Jiy 34:21

«Ki røk jø tuuŋ Benjamen beeye Elidat o Kicilön.

Mathiew 10:16

«Neennu, aani, a jääŋŋa u wøk kaamar dïëk mo ena dï kwäänynye. Kiper manøgønø, bëëdu ni nyeŋŋu reegø kaamar thwöre nou mwöl kaamar akuyi.

Mathiew 7:15

«Gwøgu rou ki nyïïkuk Jwøk mo patha adïëri mo wø ö baŋu ni ge käära duup rööm, 'ba ki yïthge gena kwäänynye mo owär.

Moa Tïïc Nyïïatwieli 20:29

Kiper ŋääa, ni køøra noo aaa, orude mo reyø døc ööa dïïu ni ba wecge pïïth.

Moa Tïïc Nyïïatwieli 8:3

'Ba Cøøl acooŋ Jwøk araanynye, ni duunye yïth uudi bëët ni maaŋŋa cwøw ki mään ni kïth geni øt twöc.

Moa Tïïc Nyïïatwieli 9:1

'Ba Cøøl cwïnye poot raac ni manynya man 'näk bääk Wuuö, ni ci baŋ Kwääy Lam Mana Dwøŋ,

Tiet Ciik 33:12

Mana caan Modhe kiper jø tuuŋ Benjamen beeye en, ena köö, ni «Jø tuuŋ Benjamen na mëër Wuuö Jwøki ki ge, ge bëëdö ni geno gwøk Wuuö Jwøki, ni wø koor geni ki yïth nïne bëët; ni bëëtge ni ge ena cere.»

Pilipay 3:5

Kiper aana daŋ ri bäc nïne, ni aana thwønh ki yi Icriel, ni aana nyï dhi øt Benjamen, ni aana ŋat Ibaru, naa nywöli ni aana Ibaru. 'Ba nee kiper Ciik Jwøk, aana ŋat Paricith.

Pïëmme 20:21

Køøre jø tuuŋ Benjamen aput ö wøk ki Giba, ni putge jø Icriel ma kume ma pïërariiø kurriiø 'näk dïcäŋeca, ni put pinynyi gääbö ki jiy moa thøw.

Pïëmme 20:25

Kanyøgønø, jø tuuŋ Benjamen aput ö wøk ki Giba thuwø kanya tïme na ri riet nïne, ni ö jø lenynyi mo jø Icriel ma kume apaar ka abära mo ceŋge da jap leny ni cäŋge ge nägö, ni put pinynyi gääbö ki jiy moa thøw.