Wïlöölö 49:25 - Wëël Jwøk

²⁵ Ï na Jocep, teek marï ojootï baŋ Jwøa näk Jwø wäru, Jwø wø køny ïïni, ni beeye Jwøa en teeki jïre ni wø gwïëth ïïni, na ŋato gwïëth ïïni ki gwïëth mo ööi ki maal, ki gwïëth mo käla piny thuwø; ni gwïëth ïïni ni jïtï ko obwöre ki lääc paac mo thööth.

Wïlöölö 49:25 Iomraidhean Croise

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Wïlöölö 27:28

Beerra man ö Jwøki ni wëëk thööy mo maal ïïni, ki lurö mar ŋöömö; ni mooc ïïni ki bëëlö mo päl, ki kwøk nyïïomøki mo thööth;

Wïlöölö 28:13

Ni kar kanyøgø Wuuö Jwøk cuŋŋa bääte, ni kööe, ni «Aana Wuuö Jwøk, na näk Jwø kwaru ma Eeberam ki wäru ma Aydhak; ŋöömmi bäre ni ïïno but piny yie en, cïba cïbö jïrï ki nyïïkwaayï.

Wïlöölö 28:21

ni duu aani po wära ni dëëra jööt, Wuuö Jwøk puta bëëtö na Jwøk mara møn.

Wïlöölö 28:3

'Ba Jwøk na en teeki jïre ïïno gwïëdhe, ni tïïc ïïni niï kännï ki nyïëdi ni nyaayï, ni tïmï ni ïïna lwaa wï jur.

Wïlöölö 32:9

Ni ö Jeekapi ni läme, ni kööe, ni «Wui Awuuö Jwøk, ï na Jwø kwara ma Eeberam ki wära ma Aydhak, ïïna cäänö ki aani ni kööï, ni ‹Ci døø pou baŋ tuuŋu; 'ba bëëtö marï otïïa ni beer.›

Wïlöölö 35:11

Ni cäŋ Jwøki köö jï Jeekap, ni «Aana Jwøa en teeki jïre; nyöödï ni nyaayï piny, ni ö wï jur na näk lwaa wï jur ni tïme ni käla riï, ni ö nyeye ni öge wøk ki dëërï.

Wïlöölö 35:3

Køøre øøno tïŋŋi ni cøø Bëthël; køøre aano tïïö ki gïn wø cïp olämme bääte kaace jï Jwøk, Jwøa wïny kwac mara kanya ena yïth gïï mo leth, ni beeye Jwøa bëëdö ni nutö buuta yïth kwöra caadha bëët.»

Wïlöölö 43:23

Ni løk gø jïge, «Cïbu cwïnynyu piny; käru lwäyö; Jwøu na näk Jwø wääu beeye na cïp kwär manøgøøni jïïu ni dwøk gwetu yïth opïri mou. Aani gwetu alwøra.» Køøre Cimien akäl wøk baŋge.

Wïlöölö 48:3

Ni kö Jeekapi jï Jocep, «Jwøk na en teeki jïre ree anyoodhe jïra yi Löja yi ŋööm Keenan ni gwïëth aani,

Bwøth Wøk 18:4

Ni nyeŋ maya cwøl ni Eliëdher, kiper wänni ma Modhe aköö, ni «Jwøk na näk Jwø kwara bee eni na køny aani, ni käl aani wøk dho opëëllö mar Peerø.»

Mathiew 6:33

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

Epeca 1:3

Pwøc en ri Jwøk na näk Wää Kwääyø ma Jecu Krictø, ŋata gwïëth øøni dëër Krictø, ki gwëëthe bëët mo Jwïëc Jwøk mo wø en maal,

Tiet Ciik 33:1

'Ba man beeye gwïëth mana ö Modhe dhaanh Wuuö Jwøk na gwïëth jø Icriel ki gø kanya poode ni eni poot kär thøw, ni kööe,

Tiet Ciik 8:17

Kanymør u köö ki cwïnynyu, ni ‹Beeye riek waŋ marwa ki teek bäätwa na tïïc japi ni thööth ii jïwa.›

Pilipay 4:19

'Ba Jwøa uuno kønye ki gïïo manynyu bëët, kaawat mana näk eno kwär ka ajiem ki ri Krictø Jecu.

1 Timöthi 4:8

Ŋääø ni pwöny røk beeye gïn mo beer, 'ba bëët jöör Jwøk beeye gïna beerra eni døc ki kare bäre, kiper beeye eni ni cïp kwøw ennø, ki kwøw mano en yi nyïm thuwø.