Daan otïmö kaamar thwöl mo ena øtjöö, na thwöl mo dhee da cïm mo bëëdö thääŋ jöö, ni kac tier okweeny; ni ö ŋata en bäät okweenynyi ni päth piny ŋää okweeny.
'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»
'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.
Wui, Wuuö Jwøk, nyooth met ec marï jïwa, kiper wa bëëdö ni wa raŋŋa jïrï. Tïmï ni ïïna teek marwa cooth ka amöölla, ni bëëdï ni ïïna pïëmi marwa kanyo enwa yïth gïï mo leth.
Ni cäŋ kwääy lwaa leny köö, ni «Ennø, beerra man gääbu dhøgu ki nyeya mara ma nyeny Aciria, naa cïpa jïïu ko okwëënyi ma kume ariiø ni näk mo løny jïïu ki man cïpu ki jiy mo cäädhi ki bäätge.
Jocep nyï Arimathia, ŋata ŋäc ni bëëtö mare beer ki røk kwääc løøe, mo bëëdö ni køya buc Jwøk ki dëëre, cwïnye amaae ni ci baŋ Paylat, ni kwac dëër Jecu.
'Ba kanyøca da ŋat mo ena yi Jerucalem mo nyeŋŋe cwøl ni Cimien. 'Ba ena dhaanhø mo beer ni cwïnye ena køør Jwøk, ni bëëde ni køya ŋato cøm cwïny jø Icriel. Ni Jwïëc Jwøk na en kur keere ena bääte.
