Wïlöölö 49:10 - Wëël Jwøk

¹⁰ Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Wïlöölö 49:10 Iomraidhean Croise

2 Camiel 7:13

Ni ö eni ni gëëde ki øtø kiper nyeŋŋa, ni këëlla tier wälu mar nyec mare piny na bäre bäre.

2 Camiel 7:16

'Ba dhi øtø marï ki nyec marï puta ruuö køørï; ni këëlla tier wälu marï piny na bäre bäre.› »

1 Luup Nyeye 12:24

Ki røk jø tuuŋ Juuda, jø wø ŋäc leny tøŋ man wø gëëŋ røk ki kööt leny, na näk rege ege jiiŋŋø kiper leny, beege kume abïciel ki dïpe abära.

1 Luup Nyeye 12:39

'Ba jøøgø gena bëëdö ki nïne adäk ki Deebit ni ge mädhö ni ge cämö ki caammi moa jiiŋ tuuŋge kiperge.

Aydheea 11:10

Dïcäŋeca lwinh Jeci ocuŋŋi na ŋïï kiper wïth juurre; ni ö wïth juurre ni kuutge ree, ni ö kar bëëtö mare ni pääŋe ka ajiem.

Aydheea 2:2

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte; eno tïŋ maal ni kaala thuuri, ni ö wïth juurre bëët ni rwäthge bääte.

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 42:1

Wuuö Jwøk aköö, ni «Ka adïëri møn, man beeye dhaanhnha, na näk yaa jølø, ni beeye na jiera na met yia ki gø; jwïëy 'moa okïtha bääte, ni ö eni ni tïïc ŋøl luup mana näk kare bäät wïth juurre.

Aydheea 55:3

Wïnynyu mara, ni ööu baŋa; cegu ïthu nou bëëdu nou kwøw. Aani a tudö ki luubö ki uuni mo bëëdö na bäre bäre, ki køør mëër mara na näk adïëri na nyoodha jï Deebit.

Aydheea 60:1

Wui Jerucalem, päny maal ni rienyï, kiper tar marï aöö; ajiem mar Wuuö Jwøk apïï dëërï.

Aydheea 62:11

Ka adïëri møn, Wuuö Jwøk rwääö ni cäänna teegi mo piny bäre, ni kööe ni caannu jï jø Dhayan, ni «Neennu, pïëmi maru öö, ni käära jøøa ööle kiperge, ni beege jiy moa joode ni wø cäädhi nyïme.»

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 30:21

Dïbwödhi marge otïmö na ŋat mo ena rege, ni beeye kwäärö mo käla dëëtge. eno nyïïa buuta, ni ö baŋa. ?Kiper aŋa ni løny jïre keere ki man ö baŋa, a na Wuuö Jwøk?

Jeremaya 33:26

løny jïra ki man kwiera nyïïkwaac Jeekap, ki dhaanhnha ma Deebit, ni bäŋe ŋat mo kwanya këët røk nyïïkwaaye mo käär jiya ma nyïïkwaac Eeberam ka Aydhak ki Jeekap. 'Ba ge ba kwiera; bëëtö marge odwøga kare, ni nyoodha mëër mara jïge.»

Edhikiel 19:11

Ni bäädi moe teek, no orømø ki man tïïi na athøc kwär mo cuumme; ni wïïe opööth maal ki bäät lul mana no odhïŋ, ni put tïmö ni nëënö wøk døc kiper bäädi moe na thööth.

Edhikiel 19:14

'Ba maac aö wøk ki ri bat mare mana pere leth, ni put lwinh jaath ki nyïï gø thöör ki waaŋ, ni put tïmö ni bäŋ bat aciel mo odööŋ mo rømø ki man tïme na athøny kwär mar cuumme.› Manøgø bee luum kïmmö man wø wär na duut kiper kïmmö.»

Edhikiel 21:27

Pääny ränynyö! Eni ränynyö! Eni raanynya raanynyø! Eni ba døø kare këët këël kanyo ö wänni; 'ba aani, eno cïba cere.» ›

Edhikiel 21:32

Uuno tïmö kaamar jer maac, ni ö remø maru ni øc piny yi ŋöömö maru, ni ba par wïc këët ki uuni; kiper luummögø caana aani, a na Wuuö Jwøk.› »

Daniel 9:25

«Kiper manøgønø, beerra man ŋäyï gø ni kwanyï tiere ki man näk mo luubö mana caan ki man dwøk Jerucalem kare ki man cäŋi geerrø, këël kanyo ö ŋata näk wïïe othïïmmö ki maaw, ŋato käär jiy, otïmö na cwiiri abïriiø kwöre abïriiø, ki cwiiri abïriiø kwöre ma pïërabïciel ka ariiø. Jerucalem cäŋ ka geerrø ni da nyeŋ jïëthe ki kwör gwøk røk mo teek. 'Ba kar kaace beeye cäŋ gïï mo leth.

Odheea 11:12

«Jø tuuŋ Ipariem deŋŋa acielge ki tööt, ni ö jø dhi øt Icrielli ni cielge deŋŋa ki cwøk. 'Ba jø tuuŋ Juuda thuwø wïthge poot känni ki man jïëcge aani, a na Wuuö Jwøk, ni bee aani na Jwøa en kur keere na näk mare adïëri.»

Mikiya 5:1

'Ba ennø, u na jø Dhayan, pääŋŋu rou na dhøgi mo leny. Nyïïmän øøna nø cielge dïër. Nyeya mano ŋøl luup jø Icriel agøøcge ki thøra ki thääŋŋe.

Agëë 2:7

Ni jäŋa wïth juurre bëët, ni ö jap kwär mo wïth juurre bëët ni käli; køøre a na Wuuö Jwøk, na en wïth jammi bëët, øtø man pääŋa pääŋö ka ajiem.

Dhekaraya 10:11

Geni, ge puta pöödhö ki yi bëëtö mo leth mo caala athaŋ naama dwøŋ, 'ba aani, athaga manøgø gøøa gøø, nee kwöra päŋ mo Naam Nail talge, ni ö atöör mar Aciria ni puti dwøk piny, ni ö teeki mar Ijep ni ränynye.

Dhekaraya 2:11

'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Kwään Jiy 21:18

Ni beeye iidha koony kwääri, ni gööli ya dïbwöthe; ni göölge ka athøre moge, na näk athøc kwär.» Ni ö geni ni cäŋge tïŋŋö dï paap, ni cige kanya cwøl ni Mathena,

Kwään Jiy 24:17

«Ŋato ööi anø jooda, 'ba öönynye patha ennø; ni eni nëënö jïra, 'ba kare ba cään. Nyeya othïïŋ ri jø Icriel, ni caala cëërö mo pøn ri jic Jeekap; ni ö eni ni gøøc jø Möap ki kare bäre, ni dïïr wïthge, ge na näk jø okiera.

Kwään Jiy 24:19

Eni noo thïïŋ ri jic Jeekap obëëdö na kwäärö, ni raany jøøa näk odööŋ yïth päänye mo nyïïmänge bëët.»

Mathiew 1:21

Eno lwaar ki nyilaal ma cïïŋŋö; 'ba nyeŋŋe ocwølï ni Jecu, kiper beeye eni noo piem jiye yïth raay moge.»

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 21:9

Ni ö jiyi moa bwödhö nyïme ki moa cäädhö cään, ni rëëtge, ni «Odhaana! Pwøc en jï Nyikwaar Deebit. Gwïëth en ri ŋat ööi en ki nyeŋ Wuuö Jwøk! Pwøc en jï Jwøk!»

Mathiew 25:32

Ni ö wïth juurre bëët ni cooŋi nyïme, ni pääŋ geni kaawat man wø ö dïkwääyi ni wø køc rööm ka atëëe.

Jøøn 12:32

'Ba aani kanyo tïŋ a maal bäät piny, jiy bëët onyïïa baŋa.»

Jøøn 18:31

'Ba Paylat aköö jïge, «Källu ki dëëtu ni ŋølu luumme piny ki køør ciik pou.» 'Ba jø Juuth aköö jïre, ni «Bäŋ teek jïwa ki man 'näkwa dhaanhø.»

Jøøn 19:12

'Ba kanyøgø Paylat amäänyö ki jöö man pät Jecu ki gø. 'Ba jø Juuth arëëdö døc, ni köge, ni «Noo pätï ŋatøgøøni, ï paa nyawat Cidharri këët. Kiper jiy bëët mo wø thïïŋ rege na nyeye, ge thïïŋa rege bäät Cidhar.»

Jøøn 19:15

'Ba gena rëëdö døc, ni köge, «Aayï ki gø, aayï ki gø, ni gurï gø bäät jaadha no odëëdö!» 'Ba Paylat aköö jïge, «?Aŋø, nyenynyu daa gurö bäät jaadha no odëëdö?» Ni løgi ya kwääc laammi, ni «Waani jïwa bäŋ nyeya mør, 'ba beeye Cidhar keere na nyeya marwa.»

Jøøn 9:7

ni kööe jïgø, ni «Ciï ni lwøgï yi puul Caylööm;» na näk tier nyeŋŋe beeye Jääk. Køøre ena cøø ni lwøe, ni duue ni nëënö.

Wëëlö Mana Göör Pøølli Baŋ Jø Röm 15:12

Ni cäŋ Aydheea köö, ni «Lweet Jeci oløth, ŋato thïïŋ na Kwääy juurre. Ni beeye eni noo ŋääth juurre.»

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

Tiet Ciik 28:57

ni tïm cwïnye ni päl ki man cam obwöre moo nywøle ki bïërö mano ö wøk ki dëëre, ni put geni cam ni ee kanø, kiper mana bäŋe gïn mør moo dööŋ jïre mo came, kanyo ö nyïïmännu noo rumge uuni dïër, ni caange uuni yïth päänye mou.

Ibaru 7:14

Kiper ŋäc ni Kwääyø käla dhi øt Juuda. 'Ba kur tuuŋøce bäŋ gïn mo ocaan Modhe kiper dïlämme.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»