Wïlöölö 48:5 - Wëël Jwøk

⁵ «'Ba kawaane Maneeca ki Ipariem na näk wäätï moa nywølï yi ŋööm Ijep kanya pooda naa poot kär ö baŋï Ijep, gena 'moa. Geno tïmö na 'moa kaamar wääta ma Ruben ge ki Cimien.

Wïlöölö 48:5 Iomraidhean Croise

Wïlöölö 46:20

'Ba wäät Jocep na nywøle yi ŋööm Ijep beege Maneeca ki Ipariem, na nywølge ka Acenath, nyi Pötipëëra, kwääc lam mar pääny Ön.

Wïlöölö 48:1

'Ba na tïme na køør manøgøøni acaan jï Jocep, ni «Wäru tuu døc.» Ni ö Jocepi ni lwør wääte riet na näk Maneeca ki Ipariem, ni put aay ki geni.

Wïlöölö 48:6

'Ba moo cäŋï nywøllø køørge, beege moï geni. Ni ŋöömö mano dööŋ jïge na marge ojootge ki køør Maneeca ki Ipariem.

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Edhikiel 16:8

« ‹Køøre na cäŋa cur buutï na raŋa ïïni, ïïno nø pïï ri cwiic nywöm. Kanyøgø abïï mara aputa peer bäätï ni buŋa dëërï ki gø kiper wääth dëël marï; ni kööŋa ki man nywøma ïïni ni tuda ki luubö ki ïïni, ni putï tïmö ni ïïna thööŋŋa. Luummögø caana aani, a na Kwäärö Wuuö Jwøk.

Edhikiel 47:13

'Ba man beeye luumma caan Kwäärö Wuuö Jwøki, ena köö, ni «Moi beege nyeŋ keee mo ŋöömö mano pääŋŋu yïthakiyu, ni bee u wïth tuŋi mo Icriel moa näk apaar kurriiø; 'ba tuuŋ Jocep wär mooyu ki thäk ŋøøm ariiø.

Ciik Kiper Dïlämme 20:26

Uuni, bëëdu nou ena kur keeru na 'moa, kiper aani na Wuuö Jwøk, a ena kur keera. Ni beeye aani na cïp uuni kur keeru ki røk wïth juurre møga, nou bëëdu ni uuna 'moa.

Milkiya 3:17

Ni kö Wuuö Jwøki, eni na wïth jammi bëët, ni «Geno tïmö na 'moa, ni tïmge na thööga dïcäŋo täga ki tïïc. Ni bäädha cwïnya ki geni keda man wø ö dhaanhe wø bääth cwïnye ki wääde man wø tïny gø.

Kwään Jiy 1:10

«ki røk wäät Jocep, ki røk jø tuuŋ Ipariem beeye Elicama wär Ammiyut, ni ki røk jø tuuŋ Maneeca beeye Gameeliel o Pedacur;

2 Körin 6:18

«Noo caan Wuuö Jwøki na en teeki jïre, ni ‹Aano tïmö ni aana Wuuö jïïu, ni tïmu ni uuna wääta ki nyïïa.› »

Epeca 1:5

Ni ø ee kwøŋ miek ki mëëye nøø tïmø ni øøna wääte ki køør Jecu Krictø kaawat mana manynye,

Ibaru 11:21

Ni beeye ŋäädhe, na ö Jeekapi, kanya thøøe, na gwïëth wäät Jocep karge riet, ni wøør Jwøk ni ree ee jääŋö ka athøra mare.

Jøcua 13:7

'Ba ennø, ŋøøm moøgø ni løø Naam Jördan jï løø kur pänh-cäŋ enø, këël mano këët deŋ naama dwøŋ, wär pääŋŋï jï wïth tuŋi moa näk abïŋween ki thääŋ tuuŋ Maneeca, na ŋöömmo ci jïge na marge.»

Jøcua 14:4

'Ba kanya pääŋ ŋøøm jï wïth tuŋi mo jø Icriel, këël na bëëde ni jø tuuŋ Libay kär mooø ki ŋøøm, kwään wïth tuŋi mo jø Icriel moa jïtö ki ŋøøm poot di kwaanø na apaar kurriiø kiper mana kwaan wäät Jocep na wïth tuŋi ariiø, ni beege tuuŋ Maneeca ki tuuŋ Ipariem. 'Ba beege päänye keerge na cïp jï jø tuuŋ Libay na kwör bëëte moge, ki kwör kwaath mo kwaacge lääc paac moge yïthge.