Wïlöölö 48:21 - Wëël Jwøk

²¹ Køøre Icriel aköö jï Jocep, «Ennø, kara aløny ni cään ki man thøøa, 'ba Jwøk obëëdö buutï, ni cäŋ ïïni dwøk yi ŋööm kwäyu.

Wïlöölö 48:21 Iomraidhean Croise

Wïlöölö 12:5

Ni ö Abrammi ni lwør cïïe ma Caray, ki ö coki ma Løøt, ki jammi moge bëët moa jootge, ki jiy bëët moa jootge Aaren; ni aacge ni ge cøøa ŋööm Keenan. Køøre gena pïï yi ŋööm Keenan.

Wïlöölö 15:14

'Ba aani thuwø jø otïnyge ojääla; køøre nyïïkwaayï ööa wøk paanøgø ni jïge da jammi mo thööth.

Wïlöölö 15:16

'Ba nyïïkwaayï oruu paanøgø këël ŋweer beenhnhe, køøre geno duu kany, kiper raay mo jø Amör poot kär këët kanya manynyi ki man raany ge.»

Wïlöölö 26:3

Pï piny yi ŋöömmi, ni bëëdï ni ïïna wëëllö; 'ba aano en buutï ni gwïëdha ïïni, kiper ŋöömö man bäre en ocïba jïrï ki nyïïkwaayï, ni wëëga kööŋ mana kööŋa ki gø jï wäru ma Eeberam thur kare.

Wïlöölö 28:15

Ni ennø, a ena buutï, ni kany oci yie jaak ï gwøa gwøø, ni duua ïïni yi ŋöömmi; kiper ï ba wiia këël mano tïïa gïna caana jïrï en.»

Wïlöölö 37:1

Kanyøgø Jeekap abëëdö yi ŋööm Keenan na näk ŋöömma bëët wänni yie na wëëllö.

Wïlöölö 46:4

Aani aano cäädhi ki ïïni kanyo ciï Ijep, ni cäŋa ïïni duuö ki kunöce thuwø, ni ö Jocepi ni ŋen nyeŋŋï ki ceŋŋe kiree.»

Wïlöölö 47:29

'Ba kanya cään kar thøw Icrielli, eni wääde ma Jocep acwøle ni kööe, «Ni näk iï met ki aani, cïp cerï bäät ääma ni kööŋï ni tïïyï gïn mo beer ma adïëri kipera, ni ba koonyï aani yi ŋööm Ijep.

Wïlöölö 50:24

Ni kö Jocepi jï coki ki uutwänni, ni «Aani kar thøwa aløny ni cään, 'ba Jwøk ööa baŋu kuna køny uuni, ni käl uuni wøk yi ŋöömmi, ni kïth uuni yi ŋöömma kööŋe kipere jï Eeberam, ki Aydhak, ki Jeekap.»

Wïlöölö 50:6

Ni løgi ya Peerø, ni «Ciï ni koonyï wäru kaa mana caane jïrï na kööŋï.»

Luk 2:29

ni «Ï na Kwäärö Wuuö Jwøk, kawaane wëëk aani wääth nø ki met ec, a na laŋŋï, ki køør luummï.

Moa Tïïc Nyïïatwieli 13:36

«Kiper Deebit na nø tïïc mo Jwøk yïth cwiiri moe, ena thøw, ni pïëli buut kwäye, ni ö dëëre ni joot kwääö.

Tiet Ciik 30:3

kar kaaca Wuuö Jwøk na näk Jwøu cwïnye pädhö ki gïru, ni duu uuni ki kwöra näk uuno maa ki tøŋ yïthge, ni cooŋ uuni kanya ciel ki dï wïth juurre bëët moa keeth uuni yïthge.

Tiet Ciik 31:8

'Ba Wuuö Jwøk beeye noo bwøth maal nyïmï, ni eni bëëdö buutï. Ï ba leeŋ piny, ni ba wec ïïni. Kärï lwäyö, ni ba bwøk cwïnyï.»

2 Timöthi 4:6

Kiper kara acäännö ki man tïïc aani no olämi, ni kar tïŋŋö mara anø cäännö.

Ibaru 7:3

Ni bäŋ gïn mo ŋäc kiper wänni ki menni, wala tier tuuŋ mar kwäye, ni bäŋ kany mo eno tägö yie, wala kany cuŋ kwøwe yie, 'ba eni caala O Jwøk, ni bëëdö ni ena kwääy lam këël na bäre bäre.

Ibaru 7:8

'Ba kany en, paac wïth jammi wø lwøra jiyi mo wø thøw. 'Ba kaace, paac wïth jammi lwøra ŋat wø gïre caan, ni kwøw.

Jøcua 1:5

'Ba bäŋ dhaanhø mo maara lønyø jïre ki man cuŋŋe nyïmï kany wø näk ri leny ki yïth nïr kwøw moï bëët moo beetï. Aano bëëdö ki ïïni kaawat mana bëëda ki Modhe; ï ba leeŋa piny ni ba wiia ïïni.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»

Jøcua 23:14

«'Ba neennu, dïcäŋi ennø, kara aløny ni cään ki man thøøa, naa cøøa jöör wø caath jø bäät pinynyi bëët; 'ba oløny ni ŋäc ŋati man nø dëëtu ki cwïnye bäre ka acaaye bäre, ni luup bëët moa beyø na caan Wuuö Jwøki na näk Jwøu athur karge jïïu; gïïögø bëët aput thur karge jïïu ni bäŋ aciel mo odööŋ dëëtge ni kär thur kare.

Jøcua 3:7

'Ba Wuuö Jwøk aköö jï Jøcua, ni «Dïcäŋi en a tägö ki man tïïa ïïni ni ïïna dhaanhø mo kare dwøŋ nyïm jø Icriel bëët, nee ŋäcge naa bëëdö ka ïïni kaawat mana bëëda ki Modhe.

2 Piter 1:14

kiper mana ŋääa gø ni kar käl dëël man en kare cään, keda mana nyoothi ya Kwääyø ma Jecu Krictø jïra.