Wïlöölö 48:19 - Wëël Jwøk

¹⁹ 'Ba wänni akweer ni kööe, «Ŋääa, wääda. Ŋääa ni Maneeca beeye kaa. Eni thuwø tïmö na lwaak mo dwøŋ; 'ba coki mana thiinh en otïmö ni dwøŋŋa eni, ni tïm nyïïkwaaye na lwaa jiy mo thööth.»

Wïlöölö 48:19 Iomraidhean Croise

Wïlöölö 17:4

ni «Aani gïna tuuda ki ïïni beeye en, ïïno tïmö na kwar wïth juurre mo thööth.

Wïlöölö 25:23

Ni kö Wuuö Jwøki jïre, ni «Jiy ma wïth juurre ariiø beege ni en yiï yøø; ni jiy ariiø moøge onywølï, ni bëëtge ni dëëtge ege pääŋŋö; ni ö acielli dëëtge ni tïme ni teeka eni døc ki maya; ni ö mana dwøŋŋi ni tïny mana thiinh.»

Wïlöölö 25:28

'Ba Aydhak mëër ki Icøø døc ni kaala Jeekap, kiper yie met ki rïŋ mo wø käle jïre ki baŋ dwaar ni wø came. 'Ba Rebëëka mëër ka Jeekap døc ni kaala Icøø.

Wïlöölö 28:14

Ni tïïa kwään nyïïkwaayï ni caala tør bäät piny, ni nyaayu ni këëtu but piny karge bëët ki jï løø kur tuul-cäŋ ki jï løø kur pänh-cäŋ; 'ba wïth tuŋi bëët mo bäät piny ogwïëth ki køørï ki nyïïkwaayï.

Wïlöölö 46:3

Køøre Jwøk aköö, «Aana Jwøk, Jwøa näk Jwø wäru. Kärï lwäyö ki man ciï Ijep, kiper ïïno tïïa na wï jur mo dwøŋ kunöce.

Wïlöölö 48:14

'Ba Icriel ceŋŋe agwäye ni rwaak cere mana näk cwïïe ni cïp gø bäät wï Ipariem ŋata thiinh, ni cïp caame bäät wï Maneeca, këël na bëëde ni Maneeca beeye kaa.

Wïlöölö 48:18

Ni kö Jocepi jï wänni, «Manøgø paa kare Awuuö, kiper Maneeca beeye kaa. Cïp cer cwïïï bäät wïïe.»

Aydheea 7:17

Wuuö Jwøk känna bäätï ki bäät jiyï, ki bäät dhi øt wäru ki teeŋ nïr bëëtö mo leth mo poot kär kwøŋ joot ki mana täge ki dïcäŋa ö jø Ipariemmi na pääge ki jø Juuda, ni bëëtö manøgø käle ki ri nyeny Aciria.»

Edhikiel 27:10

« ‹Jø Parca, ki jø Lidiya, ki jø Put, ge bëëdö ni gena jø leny dï jø leny moï, ni kööde mo leny mo wø gëëŋ dëël ki ge ki mo wø røø wïc ege lïër dëërï, ni ö nyeŋŋï ni putge gø tïŋ maal.

Tiet Ciik 1:10

Wuuö Jwøk na näk Jwøu uuna nø tïïe nou thööth, ni dïcäŋi ennø, u thööth kaamar ceer mo maal.

Tiet Ciik 33:17

Ge jïtö ki teek ni tïmge kaamar thwønh dhieŋ ma kaa, ni tïmge ni teek kaamar jööbi ni wø cööp jiy ki tuge; ni ö geni ni riemge jiy këël mano këët cuŋ piny. Ni jøw rëëmö røk jø tuuŋ Ipariem o Jocep beege jiy mo thööth mo kaala kume apaar, ki jø tuuŋ Maneeca o Jocep mo kaala kuma.»

Mana Nyooth 7:6

Ki ri tuuŋ Acer, da kume apaar kurriiø. Ki ri tuuŋ Naptali, da kume apaar kurriiø. Ki ri tuuŋ Maneeca, da kume apaar kurriiø.

Mana Nyooth 7:8

Ki ri tuuŋ Dhebulan, da kume apaar kurriiø. Ki ri tuuŋ Jocep, da kume apaar kurriiø. Ki ri tuuŋ Benjamen, da kume apaar kurriiø.