Wïlöölö 48:1 - Wëël Jwøk

¹ 'Ba na tïme na køør manøgøøni acaan jï Jocep, ni «Wäru tuu døc.» Ni ö Jocepi ni lwør wääte riet na näk Maneeca ki Ipariem, ni put aay ki geni.

Wïlöölö 48:1 Iomraidhean Croise

Wïlöölö 46:20

'Ba wäät Jocep na nywøle yi ŋööm Ijep beege Maneeca ki Ipariem, na nywølge ka Acenath, nyi Pötipëëra, kwääc lam mar pääny Ön.

Wïlöölö 48:2

Kanyøgøøni acaan jï Jeekap, ni «Wäädï ma Jocep aö baŋï.» Køøre Icriel dëëre anithïk, ni ö maal ni bëëde bäät pëëm.

Wïlöölö 48:5

«'Ba kawaane Maneeca ki Ipariem na näk wäätï moa nywølï yi ŋööm Ijep kanya pooda naa poot kär ö baŋï Ijep, gena 'moa. Geno tïmö na 'moa kaamar wääta ma Ruben ge ki Cimien.

Wïlöölö 50:23

Ni ö Jocepi ni joot nyïïkwaac wääde ma Ipariem këël mana pïïe ri dää beenhnhe; ni ö wäät nyikwaare ma Makir o Maneeca ni cïp geni bäät ääme.

2 Nyeye 13:14

'Ba kanya tïm Ilaaca ni tuu ki täw mana put thøø ki gø, Jeyöac nyeny Icriel aløøc piny baŋe kuna liim gø, ni jwöŋe bäät gø ni kööe, na «Awuuö, Awuuö, bee ï ni wø piem jø Icriel kaamar jïëth leny mo wø tut okwëënyi, ki jø leny mo wø këëdi ki bäät okwëënyi!»

2 Nyeye 13:20

Køøre Ilaaca athøw, ni koonyi. 'Ba kar kaaca, dïtwïëte mo jø Möap ge wø ööa yi ŋööm Icriel baŋ twëër ki yi cwiir cooth.

Jööp 42:16

'Ba køør gïnögø, Jööp abëëdö ki cwiiri ma dïpa ki pïëraŋween; ni joot wääte ki nyïïkwaaye këël mana pïïe ri ŋweer beenhnhe.

Jøøn 11:3

'Ba kanyøgøøni nyïïmii Ladhara na tuu gena jääk baŋ Jecu, ni ge caana gø, ni «Kwäärö, ŋata mëërï ki gø tuu.»

Ibaru 11:21

Ni beeye ŋäädhe, na ö Jeekapi, kanya thøøe, na gwïëth wäät Jocep karge riet, ni wøør Jwøk ni ree ee jääŋö ka athøra mare.

Jøcua 14:4

'Ba kanya pääŋ ŋøøm jï wïth tuŋi mo jø Icriel, këël na bëëde ni jø tuuŋ Libay kär mooø ki ŋøøm, kwään wïth tuŋi mo jø Icriel moa jïtö ki ŋøøm poot di kwaanø na apaar kurriiø kiper mana kwaan wäät Jocep na wïth tuŋi ariiø, ni beege tuuŋ Maneeca ki tuuŋ Ipariem. 'Ba beege päänye keerge na cïp jï jø tuuŋ Libay na kwör bëëte moge, ki kwör kwaath mo kwaacge lääc paac moge yïthge.