Wïlöölö 47:22 - Wëël Jwøk

²² 'Ba beeye ŋøøp dïlämme keerge na käre ŋeeø, kiper cam dïlämme wø jootge baŋ Peerø, ni cam marge ena cer Peerø cooth. Ni beeye tiere na kärge ŋøøm moge ŋeeø.

Wïlöölö 47:22 Iomraidhean Croise

Wïlöölö 14:18

Ni ö Melkidhedeki nyeny Calem ni känne ki dääpe ki køøŋø. Melkidhedek beeye kwääy lam thuwø mar Jwøa Dwøŋ ni en Maal.

Wïlöölö 41:45

Ni ö Peerø ni cak nyeŋ Jocep ni Dhapenath-Pania, ni nywøm Acenath jï Jocep, nyi Pötipëëra kwääc lam mar pääny Ön. Ni ö Jocepi ni cäädhe dï Ijep bäre.

Wïlöölö 41:50

'Ba kanya poode ni cwiic käc poot kär öö, Jocep anyöötö ki wääte ariiø ka Acenath nyi Pötipëëra, kwääc lam mar pääny Ëliyöt.

Wïlöölö 47:21

Ni ö Jocepi ni käl jiy yïth päänye ki dï Ijep bäre, ni tägi ki cuŋŋe maya këël cuŋŋe maya.

Wïlöölö 47:23

Køøre Jocep aköö jï jiy, «Kawaane uuna ŋeea ki ŋøøpu bëët jï Peerø. Källu köödhi en, ni piithu pwöth nø.

Wïlöölö 47:26

Ba ciik mana cïp Jocepi kar kaaca yi ŋööm Ijep atïmö na ciik mo poot nut këël dïcäŋi en. Ni ciik manøgø beeye ni Peerø jïre doo da bïï thäŋi. 'Ba ŋøøp dïlämme keerge kär tïmö na mo Peerø.

2 Camiel 8:18

'Ba Benaya o Jööda beeye kwääy lwaak mar jø leny mo wø koor nyeya, ni beege jø Kelita ki jø Pelita. 'Ba wäät Deebit gena jø wø køny nyeya ka acaara.

Edhera 7:24

Waani thuwø wa caana gø jïïu ni kär dee ajwäk mo di cwølø bäät dïlämme ki jø tuuŋ Libay, ki jø wø wär ki dudi Øt Jwøk, ki jø wø koor dhøk kal mar Øt Jwøk, ki jø wø tïïö Øt Jwøk, ki jø tïïc møøk mo wø tïïö Øt Jwøk.

Neemiya 13:10

Aani thuwø, ajooda ni jammi mo wø cïp jï jø tuuŋ Libay kär cïbö jïge, ni ö jø tuuŋ Libayi ki jø wø wär ki dudi Øt Jwøk ni wø tïny Jwøk ni putge aay, ni ŋati man nø døøa baŋ puur yi pwödhö mare.

Mathiew 10:10

ni bäŋe opïri mo kääru kiper wääth maru, wala abïïe oriewi, ki war, ki laŋkaace. Kiper ŋat tïïc cam mare wø joode baŋ ŋata tïnynye.

1 Körin 9:13

?Aŋø, kuyu ni jø wø tïïö yi Øt Jwøk, wø cama caap Øt Jwøk, ni jø wø tïïö kar gïn wø cïp olämme bääte wø jïta ro olämme mo wø cïp bääte?

Galeecia 6:6

'Ba ŋat wø pwönynyi ki luum Jwøk, wär jape na beyø bëët nywaae ki ŋat wø pöö.

Tiet Ciik 12:19

'Ba gwøgu rou ki man ba jarru jø tuuŋ Libay ki yïth cwiiri bëët moo beetu yi ŋöömmu.

2 Thecalönika 3:10

Kiper këël kanya pootwa dïïu, luummögø acaanwa jïïu, ni «Ni näk da ŋat mo bëëdö jaak ni ba tïïö, kär eni mooc ki cam.»

1 Timöthi 5:17

'Ba jaak acooŋ Jwøk moø ni tïïö døc yøø, wär tïmge na jiy mo di wøørø døøc, ni letha per jøø no oööl røk yøø ki køp luum Jwøk ki pwöc.