Wïlöölö 47:11 - Wëël Jwøk

¹¹ Køøre Jocep wänni ki uutwänni ki coki amooe ki kar bëëtö, ni mooc ge ki kurge yi ŋööm Ijep, na ŋöömö mo beer døc yi ŋööm Ramcë, kaa mana caani Peerø jïre.

Wïlöölö 47:11 Iomraidhean Croise

Wïlöölö 46:34

wäru kööu, ni ‹Tïïc mar laagï beeye kwaac lääc paac ki mana kälge thïnhö këël kawaane; ni beeye tïïc mana ŋäcwa, këël kwäcwa thuwø.› Kiper ni näk luummögø caannu caannø, løny jïïu ki man bëëdu ŋööm Göcën. Kiper tïï dïkwääy beeye gïn mo raac døc ki baŋ jø Ijep.»

Wïlöölö 47:27

Kanyøgø jø Icriel abëëdö Ijep, yi ŋööm Göcën, ni meetge rege ni nyaayge ni thööth ni kwärge.

Wïlöölö 47:6

Ŋööm Ijep ena cerï; mooc wäru ki uutwäru ki coku ki ŋöömö mo beer døc. Beerra man ö geni ni bëëtge yi ŋööm Göcën. 'Ba ni näk da jiy dïge mo ŋäyï mo nyeŋge reegø ki tïïc, geni wär tïïyï na jiy mo lääc paac 'moa bëët ena ceŋge.»

Bwøth Wøk 1:11

Køøre jø Ijep aput röönyö ki jiy mo käär tïïe bäät nyïïkwaac Icriel, nee bëëtge ni ege caannø ki køør tïïe moo tïïcge na teek. Ni ö nyïïkwaac Icrielli ni gëëtge ki päänye mo cuŋ yïthge ki caammi jï Peerø, ni beege päänye moa cwøl ni Pithöm ki Raamcic.

Bwøth Wøk 12:37

Køøre jø Icriel atïŋŋö ki Ramcë ni pïïcge Cuköt, ni jiy moa aay bëët beege jiy ma kume ma dïpe abïciel ni ge cäädhi ka tietge, ni mään ko obwöre kär kwaan rege.

Aydheea 22:24

« ‹Køøre ajiem mar dhi øt wänni bäre, ko obwöre moge, ki nyïïkwaacge, okuut dëëre, kaawat man wø lïër jap tïïc mo paac moa thenh thenh dëër jaath, teeŋ ka cäänne ki wïlle bëët.› »

Kwään Jiy 33:3

Kanya tïm nïr dwääy mana dïkwøŋ na apaar kurbïïc, jø Icriel atïŋŋö kanya cwøl ni Ramcë, ni beeye køør Cäŋa Pööth Thøøe Yie. Dïcäŋöce jø Icriel aö wøk ki Ijep ni cwïnyge da cer, ni nëënö jï jø Ijep bëët;

Jøøn 10:10

'Ba kuu wø ööi kaper kwal keere, ki 'näk, ka aranya. 'Ba aani, a ööi kaper nee ge kwøwge ki kwøw mana näk adïëri.

Jøøn 10:28

Ni cïpa jïge ki kwøw mana näk adïëri mo bäŋ cuŋŋe. 'Ba ge ba doo maara ränynyö, ni bäŋ ŋat mo doo gwëën ge wøk cera.

Jøøn 14:2

Kiper po Wära da uudi mo thööth. ?Onää bäŋ tiere daa caana jïïu naa cøøa kuna jiiŋŋa karu?

Jøøn 14:23

Ni løgi ya Jecu jïre, ni «Ni näk mo dhaanhø mëër ki aani, luumma gwøe gwøø, ni ö Wära ni mëëye ki gø, ni öwa baŋe ni bëëtwa ki eni na aciel.

Jøøn 17:2

kaa mana wëëgï gø teek bäät jiy bëët, kiper nee cïpe ki kwøw mana näk adïëri mo bäŋ cuŋŋe jï moa cïpï jïre bëët.

Jøøn 17:24

Awuuö, a manynya geni thuwø, ge na cïpï jïra, nee bëëtge ki aani na aciel kanyo ena yie, na ajiem mana cïpï jïra nee neenge, kaawat mana mëërï ki aani, ki mana täge ni piny poot kär caa.