Wïlöölö 46:5 - Wëël Jwøk

⁵ Køøre Jeekap atïŋŋö yi Bëërcïïba. Ni ö wääte ni kïthge eni, ko obwöre moge, ki määrge yïth jïëth wø tut okwëënyi moa jääŋ Peerø nee wääge kääri ki ge.

Wïlöölö 46:5 Iomraidhean Croise

Wïlöölö 21:14

Køøre kanya tïme na amöölla cøøn, Eeberam amøøl wøk, ni lwöte ki cam ka agwäy mar pïï ni wëëk geni Eegar, ni jiee gø göön gø, ni cïp nyilaal jïgø, ni wëëk gø wääth. Ni ö Eegarri ni aae, ni wïïre dï paap Bëërcïïba.

Wïlöölö 45:19

Ni cäŋ Peerø köö jï Jocep, ni «Wär caanï jïge thuwø, ni kööï, ni ‹Kädu Ijep ki jïëthe mo wø tut okwëënyi kiper nyïïu moa therø ki määru, ni kälu wääu ni ööu. Beerra man tïïyu gïnögø.

Wïlöölö 45:21

Køøre wäät Icriel gïnögø atïïcge. Ni ö Jocepi ni cïp jïëth wø tut okwëënyi jïge kaawat mana caan Peerø, ni mooc geni ki cam kiper wääth marge.

Wïlöölö 45:27

Køøre luup bëët moa caan Jocepi jïge acaange jïre. 'Ba kanya ö wääge ma Jeekap na joot jïëth wø tut okwëënyi moa jääŋ Jocepi nee eni kääri ki ge, jwïëy moe aput duu ree.

Bwøth Wøk 10:24

Kanyøgø Peerø Modhe acwøle ni kööe jïgø, ni «Cou ni tïnynyu Wuuö Jwøk. Obwöre mou thuwø løny jïge ki man aacge ki uuni. 'Ba pïïth dïëk mou ki pïïth dhäk mou wär dööŋge.»

Bwøth Wøk 10:26

Kiper manøgø nø, dhäk mowa ki dïëk mowa wa aay ki geni bëët, ni bäŋ aciel mo dööŋ kany; kiper wa känna wøk dëëtge ni cïpwa ge jï Wuuö Jwøk na näk Jwøwa. Kiper waani ki dëëtwa gïno cïpwa jï Wuuö Jwøk poot kucwa këël mano pïïcwa kunöce.»

Moa Tïïc Nyïïatwieli 7:15

Køøre Jeekap aci Ijep, ni thøø kunöce, eni ki kwäyø bëët.

1 Camiel 12:8

«Neennu, kanya ö Jeekapi ki jø paare na cige Ijep, nyïïkwaaye, ni beege kwäyu, gena caan jø Ijepi, ni jwöŋge dëër Wuuö Jwøk. Ni ö Wuuö Jwøki ni jääŋ Modhe ka Aran baŋ kwäyu, ni kälge ge wøk ki Ijep, ni kälge ge kany nee ge bëëtge yie.