Wïlöölö 46:3 - Wëël Jwøk

³ Køøre Jwøk aköö, «Aana Jwøk, Jwøa näk Jwø wäru. Kärï lwäyö ki man ciï Ijep, kiper ïïno tïïa na wï jur mo dwøŋ kunöce.

Wïlöölö 46:3 Iomraidhean Croise

Wïlöölö 12:2

«Ïïno tïïa na wï jur mo dwøŋ, ni gwïëdha ïïni, ni tïŋa nyeŋŋï maal, ni jït jiyi ki gwïëth ki køørï.

Wïlöölö 15:1

Køør gïïögø bëët dwør Wuuö Jwøk aö bäät Abram ki yïth lääk, ni kööe, na «Abram, kärï lwäyö; aani, aana kwöt leny man wø gëëŋ ïïni; ïïno ŋada ki gïn mo dwøŋ.»

Wïlöölö 15:13

Ni kö Jwøki jï Abram, ni «Wär ŋäyï møn ni nyïïkwaayï obëëdö na wëëlle yi ŋöömma näk paa marge, ni tïnyge jøøgø ni gena laaŋe, ni ö nyïïkwaayï ni caari ki cwiiri ma dïpe aŋween.

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Wïlöölö 18:18

Kiper ka adïëri møn Eeberam tïmö na wï jur mo dwøŋ mo teek, ni bee eni no gwïëth wïth juurre mo bäät piny bëët ki køøre.

Wïlöölö 22:17

aana kööŋ ŋëëta keera ki man gwïëdha ïïni døc kiree, ni tïïa nyïïkwaayï nee nyaacge ni caala ceer mo maal, ni caala nyeŋ akwöny deŋ naama dwøŋ; ni ö nyïïkwaayï ni maanyge mïëc nyïïmänge.

Wïlöölö 35:11

Ni cäŋ Jwøki köö jï Jeekap, ni «Aana Jwøa en teeki jïre; nyöödï ni nyaayï piny, ni ö wï jur na näk lwaa wï jur ni tïme ni käla riï, ni ö nyeye ni öge wøk ki dëërï.

Wïlöölö 47:27

Kanyøgø jø Icriel abëëdö Ijep, yi ŋööm Göcën, ni meetge rege ni nyaayge ni thööth ni kwärge.

Wïlöölö 48:16

na näk nyïïatwiella køny aani yïth gïïa reyø bëët, beerra man gwïëth obwöre moi, ni bëët nyeŋŋa ki nyeŋ kwara ma Eeberam ki nyeŋ wära ma Aydhak ni di cwølø ki køørge, ni tïmge ni thööth na lwaak mo päl dï piny bäre.»

Wïlöölö 48:19

'Ba wänni akweer ni kööe, «Ŋääa, wääda. Ŋääa ni Maneeca beeye kaa. Eni thuwø tïmö na lwaak mo dwøŋ; 'ba coki mana thiinh en otïmö ni dwøŋŋa eni, ni tïm nyïïkwaaye na lwaa jiy mo thööth.»

Bwøth Wøk 1:12

'Ba këël na bëët jø Ijepi ni nyïïkwaac Icriel ege caannø døc, nyïïkwaac Icriel anyaay døc ni thöönhge, ni tïm jø Ijepi ni lwäär ki geni.

Bwøth Wøk 14:13

'Ba Modhe aköö jï jø Icriel, ni «Käru lwäyö; cuŋŋu karu ni neennu køny mar Wuuö Jwøk mano tïïe kiperu dïcäŋi en; kiper jø Ijep moø neetu dïcäŋi yøø, ge ba cäŋu neennø këët na bäre bäre.

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Jeremaya 40:9

Køøre Gedaliya wär Akikam o Capan akööŋ jï jøøgø ki jø leny moge, ni kööe, ni «Käru lwäyö ki man tïnynyu jø Babiløn. 'Ba bëëdu yi ŋöömö man, ni tïnynyu nyeny Babiløn; køøre bëëtö maru tïmö ni beer.

Moa Tïïc Nyïïatwieli 27:24

Ni kööe, ni ‹Kärï lwäyö, Pøøl. Ïïni, ï cuŋŋö nyïm Cidhar. Ni Jwøk thuwø yie met ki ïïni ki man gwøk jøøi bëët ni en yi jääy ki ïïni na aciel en.›

Moa Tïïc Nyïïatwieli 7:17

«'Ba na cään kanya wäŋŋi na näk obuuö na wëëk Jwøki Eeberam, jø pøø athöönhnhö ni meetge rege yi Ijep,

Tiet Ciik 1:10

Wuuö Jwøk na näk Jwøu uuna nø tïïe nou thööth, ni dïcäŋi ennø, u thööth kaamar ceer mo maal.

Tiet Ciik 10:22

Kanya ci kwäyu Ijep, gena jiy ma pïërabïriiø keerge; 'ba ennø, Wuuö Jwøk na näk Jwøu uuna tïïe nou thööth kaamar ceer ni wø en maal.

Tiet Ciik 26:5

Ni caan mare nyïm Wuuö Jwøk na näk Jwøu, ni kööe, ni ‹Kwara beeye ŋat Aram mo oööl mo manynya thøø, ni aa Ijep ni bëëde yie na jur ma wëëllö, ni ge nøk. 'Ba gena tïmö na wï jur mo dwøŋ, ni tïmge ni teek kaace, ni kwäänge thööth.