Wïlöölö 46:28 - Wëël Jwøk

²⁸ Kanyøgø Jeekap Juuda ajääŋŋe nyïme baŋ Jocep, kiper nee øtjöör Göcën nyoodhe jïge; ni ö geni ni pïïcge yi ŋööm Göcën.

Wïlöölö 46:28 Iomraidhean Croise

Wïlöölö 31:21

Ni put päär wøk ki jammi moa en jïre bëët; ni aae ni ŋøl naama cwøl ni Upareeti, ni aae ni coonya paana näk po kïte na cwøl ni Gelät.

Wïlöölö 43:8

Ni kö Juuda jï wänni ma Icriel, ni «Beerra man jääŋŋï nyilaal ki aani, nee wa ciwa, kiper nee waani ki ïïni ko obwöre mowa nee ø kwøø nøø ba thøø.

Wïlöölö 45:10

Ïïno bëëdö yi ŋööm Göcën, ni karï cään ki aani, ïïni, ki nyïïï, ki nyïïkwaayï, ki dïëgï, ki dhäk moï, ki gïïa en jïrï bëët.

Wïlöölö 46:34

wäru kööu, ni ‹Tïïc mar laagï beeye kwaac lääc paac ki mana kälge thïnhö këël kawaane; ni beeye tïïc mana ŋäcwa, këël kwäcwa thuwø.› Kiper ni näk luummögø caannu caannø, løny jïïu ki man bëëdu ŋööm Göcën. Kiper tïï dïkwääy beeye gïn mo raac døc ki baŋ jø Ijep.»

Wïlöölö 47:1

Køøre Jocep aci baŋ Peerø ni caan gø jïgø, ni «Wära ki uutwära ki coka gena ö ki yi Keenan ki dïëk ki dhäk moge ki gïïa en jïge bëët; ni kawaane ge ena yi ŋööm Göcën.»

Wïlöölö 49:8

«Ïïni na Juuda, ïïno pwøc nyïïmeru ki uutwäru; cerï oen bäät ŋut nyïïmännï. Nyïïmeru ki uutwäru wïthge okuulge piny nyïmï.