Wïlöölö 46:2 - Wëël Jwøk

² Ni ö Jwøki ni cääne ki Icriel ki wäär ki yïth lääk, ni kööe, «Jeekap, Jeekap.» Ni kö Jeekapi, ni «Aani en.»

Wïlöölö 46:2 Iomraidhean Croise

Wïlöölö 15:1

Køør gïïögø bëët dwør Wuuö Jwøk aö bäät Abram ki yïth lääk, ni kööe, na «Abram, kärï lwäyö; aani, aana kwöt leny man wø gëëŋ ïïni; ïïno ŋada ki gïn mo dwøŋ.»

Wïlöölö 15:13

Ni kö Jwøki jï Abram, ni «Wär ŋäyï møn ni nyïïkwaayï obëëdö na wëëlle yi ŋöömma näk paa marge, ni tïnyge jøøgø ni gena laaŋe, ni ö nyïïkwaayï ni caari ki cwiiri ma dïpe aŋween.

Wïlöölö 20:3

'Ba Jwøk aö bäät Abimëlëk ki yïth lääk ki wäär, ni kööe jïgø, «Ennø, kee ïïna dhaanhø mo othøw kiree, kiper dhaaŋŋøgø na lwørï enøgø beeye dhaagø mo da cwøre.»

Wïlöölö 22:1

'Ba na tïme na køør gïïögø bëët, Jwøk Eeberam apääre, ni kööe jïgø, ni «Nyie Eeberam.» Ni kö Eeberammi, ni «Aani en.»

Wïlöölö 22:11

'Ba nyïïatwiel maal mar Wuuö Jwøk acwötö ki maal ni kööe, ni «Eeberam! Eeberam!» Ni kö Eeberammi, ni «Aani en.»

Wïlöölö 31:11

Køøre nyïïatwiel Jwøk aköö jïra ki yïth lääk, ni ‹Jeekap,› ni kööa, ni ‹Aani en.›

2 Luup Nyeye 26:5

Ni put bëëte ni manynya Jwøk ki yïth nïne moa beet Dhekaraya, ŋata pwöny gø ki køør jammi moa nyooth Jwøki. 'Ba kanya bëëde ni eni manynya Wuuö Jwøk, jammi atïïc Jwøki jïre ni beyø.

Jööp 4:13

'Ba ni aano butö døc ki niine mo dëëra kuua, aana lägö ki gïn mo cwïnya pärö ki gø,

Daniel 2:19

Kanyøgø gïnö ni tiere okanø enø aput nyooth jï Daniel ki wäär yïth lääk. Køøre Daniel Jwø maal aput pwøc,

Dhekaraya 1:8

Aani, da gïn ma anyooth jïra ki wäär. Aana jïtö ki dhaanhø nyïma mo cäädhi ka bäät okweeny lääy mo kwaar. Ni ööe ni mäk piny ni cuŋŋe tiet jenni bäät waŋ, ni jiy møøk mo cäädhi ka bäät okwëënyi mo kwayø, ki mo obwörö, ki mo tar ena buute.

Kwään Jiy 12:6

Ni kö Wuuö Jwøki, ni «Wïnynyu luupa ii. Kany wø näk da nyikuŋ Jwøk dïïu, a na Wuuö Jwøk raa wø nyoodha nyoodhø jïre ki ri lääk, ni cääna ki eni ki yïth lääk.

Kwään Jiy 24:4

Aani, a caana dwør Jwøk ni aana ŋat wø wïny luup mo Jwøk, ni aana ŋat wø neen mar Jwøa en teeki cere, ni neena gø ni pädha, ni nyeŋŋa yaa jabø.

Moa Tïïc Nyïïatwieli 10:13

Ni ö dwølli baŋe, ni kööe, ni «Piter, ö maal ni 'nägï ni cämï.»

Moa Tïïc Nyïïatwieli 10:3

'Ba dïcäŋ aciel kar caae adäk ka abøøya, nyïïatwiel maal mør mar Jwøk ajoode døøc ni ööa baŋe ni kööe jïre, ni «Körnilia.»

Moa Tïïc Nyïïatwieli 16:9

Ni ö Pøølli ni läge ki wäär, kee da dhaanhø ma nyï Macedönia mo cuŋŋö ni kwaaya gø, ni köö, ni «Ö yi Macedönia, ni kønyï wa.»

Moa Tïïc Nyïïatwieli 9:10

'Ba da bääŋ aciel yi Damacka mo nyeŋŋe Ananaya. Wuuö acäänö ki eni yïth lääk, ni kööe, «Ananaya.» Ni dwøk gø, ni «Aani en, Kwäärö.»

Moa Tïïc Nyïïatwieli 9:4

Ni put pädhö ni wïny dwøl ni cäänö ki eni, ni köö, ni «?Cøøl, Cøøl, aŋø ni gëëmï ki aani en?»

Pïëmme 7:2

'Ba Wuuö Jwøk aköö jï Gidien, ni «Jø leny moøgø ni buutï yøø, atïmö ni thööth døc ki man cïba jø Midien ceŋge, kiper kanymør jø Icriel ŋwöö jaak ni köge, ni ‹Waani, jø Midien aböötwa ki teek marwa keerwa.›

Pïëmme 7:9

'Ba ni poot na dïwäänögø, Wuuö Jwøk aköö jï Gidien, ni «Ööu maal, ni løøyu piny ni tugu twïër jø Midien, kiper ge yaa nø cïp ceŋŋu.

1 Camiel 3:10

Køøre Wuuö Jwøk aöö ni cuŋŋe ni cwöte kaawat mana dïkwøŋ, ni «Camiel, Camiel.» Ni kö Camielli, ni «Caan marï nø, kiper a na laŋŋï, ïtha yaa ciiø.»

1 Camiel 3:4

Wuuö Jwøk Camiel acwøle. Køøre Camiel aköö, ni «Aani en.»