Wïlöölö 46:1 - Wëël Jwøk

¹ Køøre Icriel atïŋŋö ni aae ki gïïa en jïre bëët; ni ö yi Bëërcïïba ni cïpe ko olämme jï Jwø wänni ma Aydhak.

Wïlöölö 46:1 Iomraidhean Croise

Wïlöölö 12:8

Køøre ena tïŋŋö ki kaace ni cøøa ri kïdi mana en Bëthël, na en jï løø kur tuul-cäŋ. Ni gur oduŋkaara mare piny, ni Bëthël ee wii jï løø kur pänh-cäŋ, ni Gaay ee wii jï løø kur tuul-cäŋ. Køøre ena tïïö ki gïn wø cïp olämme bääte kaace jï Wuuö Jwøk, ni wøør nyeŋ Wuuö Jwøk.

Wïlöölö 21:14

Køøre kanya tïme na amöölla cøøn, Eeberam amøøl wøk, ni lwöte ki cam ka agwäy mar pïï ni wëëk geni Eegar, ni jiee gø göön gø, ni cïp nyilaal jïgø, ni wëëk gø wääth. Ni ö Eegarri ni aae, ni wïïre dï paap Bëërcïïba.

Wïlöölö 21:31

Kiper manøgø nø, kaace acwøl Eeberammi ni Bëërcïïba, kiper kaace beeye kanya öge ni kööŋge yie karge riedi.

Wïlöölö 21:33

Køøre Eeberam apïïdhö ki jaath mo cwøl ni temïr Bëërcïïba, ni wøør nyeŋ Wuuö Jwøk kaace, na näk Jwø wø bëëdö na bäre bäre.

Wïlöölö 22:13

Køøre Eeberam wïïe atïŋ maal ni lwïthe, ni joot nywø røømmø ni tuge omak abuŋŋö; ni ö Eeberammi ni cøøe ni lwør nywø røømmø manøgø, ni ŋaal gø ni cïp gø no olämi man wø waaŋ na kar wääde.

Wïlöölö 28:10

'Ba Jeekap atïŋŋö Bëërcïïba ni cøøa Aaren.

Wïlöölö 28:13

Ni kar kanyøgø Wuuö Jwøk cuŋŋa bääte, ni kööe, ni «Aana Wuuö Jwøk, na näk Jwø kwaru ma Eeberam ki wäru ma Aydhak; ŋöömmi bäre ni ïïno but piny yie en, cïba cïbö jïrï ki nyïïkwaayï.

Wïlöölö 31:42

A onää Jwø kwara ma Eeberam, na näk Jwø wø lwär wära ma Aydhak ki gø, ba en buuta, caana gø naa diï wëëk wääth ki ceŋŋa jaak møn. 'Ba Jwøk can mara ki öölö mar tïïc mana tïïa ajoode, ni beeye na jook ïïni yawïtïni enø.»

Wïlöölö 31:53

Jwøa näk Jwø Eeberam ki Neeyör, obëëdö na dïŋut luup yïthakiyø.» Ni ö Jeekapi ni put kööŋ ri nyeŋ Jwø wø lwäär wänni ma Aydhak.

Wïlöölö 33:20

Køøre ena put tïïö ki gïn wø cïp olämme bääte kaace, ni cwøl gø ni El-Elöy-Icriel.

Wïlöölö 35:3

Køøre øøno tïŋŋi ni cøø Bëthël; køøre aano tïïö ki gïn wø cïp olämme bääte kaace jï Jwøk, Jwøa wïny kwac mara kanya ena yïth gïï mo leth, ni beeye Jwøa bëëdö ni nutö buuta yïth kwöra caadha bëët.»

Wïlöölö 35:7

Ni ö Jeekapi ni tïïe ki gïn wø cïp olämme bääte kaace, ni cwøl nyeŋ kaace ni El-Bëthël, kiper kaace beeye kanya ö Jwøki na nyooth ree jïgø kanya reeŋe ni ŋwieya coki.

Wïlöölö 4:4

Ni ö Eebelli ni känne ki kure røk rïŋ moa beyø mo kaai mo dïëk moe. Ni ö Wuuö Jwøki ni jïëc mar Eebel ko olämme moe.

Wïlöölö 45:28

Ni kö wääge ma Icriel, «Arømø nø. Wääda ma Jocep poot kwøw. Kawaane a cøø nee eni neena kany poode naa poot kär thøw en.»

Wïlöölö 8:20

Køøre Nöa atïïö ki gïn wø cïp olämme bääte jï Wuuö Jwøk, ni lwöte røk lääya beyø bëët ki røk weny moa beyø bëët, ni waaŋ geni no olämme bäät gïn wø cïp olämme bääte.

Jööp 1:5

'Ba kanyo pööth nïr ajwöma, Jööp wø jääga baŋge nee dëëtge døøcge mo waany, ni ö Jööpi ni päny maal ka amöölla ni cïpe ko olämme mo wø waaŋ bäre ki nyeŋ nyïïe bëët, kiper ena cädö ni kööe, «Kanymør obwöre 'moa geno tïïö ki raay ni janyge Jwøk ki yïth cwïnyge.» 'Ba manøgø beeye bëëtö mar Jööp cooth.

Jööp 42:8

Kiper manøgønø, lwötu ki rwädhe abïriiø ki nyöök rööm abïriiø, ni cou baŋ dhaanhnha ma Jööp ni cïpu ge no olämme mo wø waaŋ bäre kiper dëëtu. 'Ba dhaanhnha ma Jööp olämö kiperu, ni ööa ni jïëa lam mare, ni bäŋe gïn mo tïïa dëëtu këët ki køør bøøl maru. Uuni, bäŋ luup mo karge mo you caanø kipera kaawat mana tïïc dhaanhnha ma Jööp.»

Amøc 7:9

Kwör lam mo nyïïkwaac Aydhak na en bäät thuuri oränynyi, ni ö uut lammi mo jø Icriel ni nyaai piny, ni öa maal ni raanynya dhi øt nyeya ma Jeröbäm ki leny.»

Moa Tïïc Nyïïatwieli 7:15

Køøre Jeekap aci Ijep, ni thøø kunöce, eni ki kwäyø bëët.

Jøcua 24:4

'Ba wäät Aydhak moa cïba jïre beege Jeekap ki Icøø. Kanyøgønø, Cëër, paana en mïëya en bäät kïte, acïba jï Icøø na kure; ni ö Jeekapi ki wääte ni cige Ijep.

1 Camiel 3:20

'Ba jø Icriel bëët, ki mana täge ki Daan na en jï løø wï-piny këël mana këët Bëërcïïba na en jï løø tier-piny, ŋäcge ni Camiel otïïc Wuuö Jwøki na nyikugö mare.

1 Camiel 8:2

'Ba nyeŋ wääde mana näk kanynye beeye Jööl, ni nyeŋ wääde mana näk julle beeye Abaaja; 'ba geni, ge bëëdö ni gena dïŋut luup Bëërcïïba.