Wïlöölö 45:20 - Wëël Jwøk

²⁰ Kär dee gïn lääŋŋu kiper jammi mou, kiper jammi moa beyø na en yi ŋööm Ijep bäre otïmö na mou.› »

Wïlöölö 45:20 Iomraidhean Croise

Wïlöölö 20:15

Ni kö Abimëlëki, ni «Neenï, ŋöömö mara ni nyïmï bäre enø; bëëdï kanya manynyï na met yiï ki gø jaak.»

Wïlöölö 45:18

ni kälu wääu ki tuŋu baŋa. Køøre uuno mooa ki ŋøøm mo beyø døc yi Ijep, ni cam maru oen ri gïïa beyø paani.› »

Wïlöölö 45:19

Ni cäŋ Peerø köö jï Jocep, ni «Wär caanï jïge thuwø, ni kööï, ni ‹Kädu Ijep ki jïëthe mo wø tut okwëënyi kiper nyïïu moa therø ki määru, ni kälu wääu ni ööu. Beerra man tïïyu gïnögø.

Wïlöölö 45:21

Køøre wäät Icriel gïnögø atïïcge. Ni ö Jocepi ni cïp jïëth wø tut okwëënyi jïge kaawat mana caan Peerø, ni mooc geni ki cam kiper wääth marge.

Wïlöölö 47:6

Ŋööm Ijep ena cerï; mooc wäru ki uutwäru ki coku ki ŋöömö mo beer døc. Beerra man ö geni ni bëëtge yi ŋööm Göcën. 'Ba ni näk da jiy dïge mo ŋäyï mo nyeŋge reegø ki tïïc, geni wär tïïyï na jiy mo lääc paac 'moa bëët ena ceŋge.»

Edhera 9:12

'Ba ennø, kär nyïïu cïpu jï wäätge nee nywømge, ni ba källu nyïïge nee nywømmu jï wäätu, ni ba cädu kiperge ki man jïtge ki bëëtö mo beer ki bëët kwär. Køøre uuno bëëdö nou teek nou cama caammi mo beyø moo jootu yi ŋöömmögø, ni weyu gø jï jøw käl dëëtu na man bëëtge yie na bäre bäre.›

Bwøth Wøk 22:7

«Ni näk mo dhaanhø okän baŋ wati ki gwel wala gïï møøk, ni kwali bäät ŋatøgø, ni näk mo kuu manøgø omaaø, eni doo cudö kwöre ariiø.

Aydheea 1:19

Ni näk mo u jïëy ni kïthu luumma bäät tïïc, gïïa beyø moo ciek yïth ŋøøm cammu camø;

Aydheea 13:18

Athëëre moge, obwöc cwøw moa näk wøpe thöörge thöörö. Geni cwïnyge ba pädhi ki man 'näkge obwöre moa mar, ni yïthge ba warge ki 'näk obwöre moa therø.

Edhikiel 20:17

'Ba aani, yia acäŋa warrø ki geni, ni kära geni raanynyø këët wala ki man dïïra wïthge dï paap.

Edhikiel 7:4

Aani, cwïnya ba pädhi ki gïru, ni ba wara cwïnya ki uuni; 'ba aani, u jääla jäälö ki køør bëëtö maru ki japa raac yia ki ge na en dïïu. Køøre nø, ŋäyu ŋääö ni bee aani na Wuuö Jwøk.›

Edhikiel 7:9

Aani, cwïnya ba pädhi ki gïru, ni ba wara cwïnya ki uuni; 'ba aani, u jääla jäälö ki køør bëëtö maru ki japa raac eci ki ge na en dïïu. Køøre nø, ŋäyu ŋääö ki man näk mo beeye aani na Wuuö Jwøk na jääl uuni.

Edhikiel 9:5

'Ba eni jøø na abïciel acäänne thuwø ni wïnyö jïra, ni «Cou køør ŋatøgø na jääŋŋa en dï pääny, ni 'nägu jiy; 'ba cwïnynyu kär pädhö ki gïrge, ni ba warru cwïnynyu ki geni.

Mathiew 24:17

Ni ŋato en wï øtø, kär nee duua piny kuna käl gïï mo ena yi øde.

Luk 17:31

'Ba dïcäŋöca, ŋato en wï øtø, ni jape ena yi øtø, kär nee døøa piny kuna lwør ge. Ni ŋato en yi pwödhö thuwø, kär nee døøa paac.

Tiet Ciik 19:13

'Ba kär cwïnynyu pädhö kipere, 'ba putu kwör ŋata näk bäŋ gïn mo ee baaø cool dï pou ma Icriel, kiper nee bëëtö maru tïme ni beer.

Tiet Ciik 19:21

'Ba kär cwïnynyu pädhö kipere, kiper jwïëy cool ka jwïëy, ni kwör waŋ cool ka waŋ, ni kwör lëëö cool ka lëëö, ni kwör cenø cool ka cenø, ni kwör tielø cool ka tielø.

Tiet Ciik 7:16

Jiy bëët moo cïp Wuuö Jwøki na näk Jwøu ceŋŋu wär putu thöör, ni ba päth cwïnynyu ki gïrge; ni ba tïnynyu juu moge, kiper noo tïnynyu ge, puta tïmö ni caala abïëp kiperu.

Jøcua 7:11

Jø Icriel beege na bääyö; geni luumma mana tuuda na köömma geni ki gø akaalge. Gena lwötö røk gïïa näk onø wëëk geni nee raanyge na bäre, ni kwalge gïïögø, ni cäänge ki tööt. Køøre gïïögø akange dï jammi moa näk moge.

1 Camiel 10:22

Kar kaagønø, Wuuö Jwøk acäŋge pëënynyö ni köge, «?Aŋø, da dhaanhø mo poot kär ö kany en?» Kanyøgønø, Wuuö Jwøk aköö, ni «Ka adïëri møn, Cøøl ree ee kanø yïthakic jammi mou moa kääru.»

1 Camiel 25:13

Køøre Deebit aköö jï jø leny moe, ni «Ŋati man nø dëëtu twöc opëëllö mare.» Ni ö ŋati man nø ni put opëëllö mare twöc. Ni ö Deebiti thuwø ni twöc opëëllö mare, ni ö jiyi ma dïpe aŋween ni putge aay ni ge cäädha køør Deebit; 'ba jø leny møøk ma dïpe ariiø adööŋ ni ge koora jammi.

1 Camiel 30:24

?Aŋø, da ŋat mo ïthe ciie ciiø ki luubö manøgø ni caru enø? Kiper ŋat wø ci baŋ leny, ki ŋat wø dööŋ ni koora jammi, ge doo jïtö ki gïï mo röömi bëët; gïïo jootge dege pääŋŋö na aciel bëët.»