Wïlöölö 45:1 - Wëël Jwøk

¹ Kanyøgøøni kär løny jï Jocep ki man mak cwïnye këët buut jøøa cuŋŋö buute, ni ö eni ni tïŋ dwøre maal døc ni kööe, «Beerra man aac jøwi buuta bëët.» Ni aac jiyi bëët, ni bäŋ dhaanhø mør mo dööŋ buute. Køøre dëëre acaane jï uutwänni.

Wïlöölö 45:1 Iomraidhean Croise

Wïlöölö 42:24

Køøre ena aa kur keere buutge ni jwöŋe. Ni duu baŋge ni cääne ki geni. Ni lwør Cimien ni twöc gø nyïmge.

Wïlöölö 44:34

?Kiper aano døøa baŋ wära nidïï ni näk nyilaal tøør buuta? Aana lwäyö kiper gïna raac mano neena noo tägi dëër wära.»

2 Camiel 1:20

«Beerra man ö luubö manøgø ni ba caani Gëth, ni ö awaaci manøgø ni ba gøøi piny nyeŋ jïëthe mo Ackelön; kiper ni näk mo wïny määr jø Pilitinni wïnynyö, ge kanynyø døc, ni tïm yïthge ni met, ge na määr jøøgø ni Jwøk kucge ni kär daŋø yøø.

2 Camiel 13:9

Ni ö Tamarri ni lwør dääpe yi gïna budö ki gø ni cïp gø nyïm Amnön; 'ba Amnön akweer ki cam. Køøre Amnön aköö, «Beerra man ö jøøi ni en kany en ni cige wøk.» Kanyøgønø, jiy bëët aput aa wøk buute.

Aydheea 42:14

Wuuö Jwøk aköö, ni «Aana bëëdö ki kany mo bäär naa lïŋö, aana bëëdö ni aano nikïïl ni dëëra yaa juunynyö. 'Ba ennø, kaaman wø tïïc dhaagø mo ogøøc mäc lwaarri, aani, a köök ni jwëëya døc ni laba ree.

Jeremaya 20:9

'Ba ni näk maa köö, ni «Nyeŋ Wuuö Jwøk ba mula ki dhaa, ni bäŋ gïn mo caana ki nyeŋŋe këët,» gïno tägi, luumme gwenni cwïnya ni caala maac mo liel, ni aano ööl ki man jwøa gø, ni ba løny jïra ki man kana gø cwïnya.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Mathiew 18:15

«Ni näk coku obääyö dëërï, ciï ni caanï gïna baae jïre, yïthakiyu u keeru. 'Ba ni näk marï wïnynye wïnynyö, beeye niï tïïya coku nou døøu kanya ciel ki eni.

Moa Tïïc Nyïïatwieli 10:41

'Ba paa jï jiy bëët, 'ba beeye waani na näk ojier Jwøki na lïŋŋe, wa na cämö ni mäthwa ki eni køør duunne wøk ki yi thøø.

Moa Tïïc Nyïïatwieli 7:13

'Ba na cäŋge døøgø, Jocep ree anyoodhe jï uutwänni. Ni ö tuuŋ Jocepi ni tïmge ni ŋäc Peerø.

1 Körin 13:5

Ni eni ba koori, ni dhee ba teek. Mëër bäŋ wø ŋäc dëëre keere, ni ba wëëyi, ni gïï raay mo wø tïïc dëëre ba keee.